အရူးတစ်ယောက်ရဲ့ပြန်လည်မွေးဖွားခြင်း [ မြန်မာဘာသာပြန် ]

Chapter ~ 5

Unicode

ဝမ်ကျင်းသတိထားမိတဲ့အခါ သူကပေါင်းပင်ကို သူ့လက်ထဲတွင် တင်းတင်းကျပ်ကျပ် ဆုပ်ကိုင်ထားပြီးဖြစ်တယ်။

"?"

ယွမ်ဟန်က ဝမ်ကျင်းကို ထူးဆန်းစွာ ကြည့်နေသည် ။
ဝမ်ကျင်းက

"ငါဒါကိုလိုချင်တယ်"

" ဆေးပင်များကို ပြုတ်ပြီး အနှစ်ဖြစ်အောင် ထောင်းပါ၊ဆေးဖက်ဝင်အပင်အနည်းငယ်ကို ထည့်ပြီးပါက သွေးတိတ်ေစပြီးအမာရွတ်ပျောက်စေသည့် ပိရှန်းလိမ်းဆေး ကို ရရှိသည် "

ဒီဆေးနည်းက သူ့စိတ်ထဲ ရုတ်တရက်ပေါ်လာတော့ ဝမ်ကျင်းကိုယ်တိုင်လည်း အနည်းငယ် စိတ်ရှုပ်သွားတယ်။ သူက ဆေးပညာမတတ်ဘူးဆိုတာ သူ့ကိုယ်သူအသိဆုံးပဲ၊ ဒါကြောင့် ဒီပိရှန်းလိမ်းဆေးရဲ့ ဆေးညွှန်းကို သူဘယ်လိုလုပ်သိမှာလဲ။

ဒါပေမယ့်ဒီပေါင်းပင်က ဆေးဖက်ဝင်ပစ္စည်းတစ်ခုဆိုတာသေချာတယ်။ဝမ်ကျင်းသည် အခုမှ ထူးဆန်းသော အိပ်မက်ကို ရုတ်တရက် သတိရသွားတယ်။

အိမ်မက်ထဲမှာတော့ အဖိုးအိုက "သူသိဖူးမြင်ဖူးထားတဲ့အစားအသောက်၊ ဆေး၊ ကိရိယာစတဲ့အရာ တွေကိုလုပ်တဲ့နည်းလမ်းတွေကိုသိလိမ့်မယ်" လို့ပြောခဲ့တယ်။

အခု သူပိရှန်းလိမ်းဆေးဖော်နည်းကိုသိနေပြီး ပါဝင်ပစ္စည်းတွေကိုလည်းသိနေတယ်။ ဒါက အဘိုးအို သူ့ကိုပေးထားတဲ့ စွမ်းရည်က ဖြစ်နိုင်မလား??။

ဝမ်ကျင်း ခဏလောက်အံ့သြသွားပြီး စမ်းကြည့်ဖို့ လိုအပ်နေပြီလို့ ခံစားလိုက်ရတယ်။ ပိရှန်းလိမ်းဆေးမှာ ပါဝင်တဲ့ဆေးဖက်ဝင်အပင် အနည်းငယ်မရှိပေမယ့် ဒီဆေးပင်ဟာ ဆေးရဲ့အဓိကပါဝင်ပစ္စည်းဖြစ်တယ်။ အမာရွတ်ပျောက်သွေးတိတ်ဆေးကိုသာလုပ်နိုင်ရင် သူ့အိပ်မက်ကအမှန်ဖြစ်တာ သေချာလောက်တယ်။

ဝမ်ကျင်းက သူ့လက်ထဲတွင်ရှိသော ဆေးဖက်ဝင်အပင်တွေကို အကူအညီမဲ့တဲ့အမူအရာဖြင့် ကြည့်နေတယ်။

ဒီဆေးပင်ကို သူဘယ်လို အနှစ်ဖြစ်အောင်ထောင်းရမလဲ။ဒီခန္ဓာကိုယ်က အလွန်ပျော့ညံ့တဲ့အတွက် ထုထောင်းရသောအလုပ်များကို သူ့အရင်ဘဝတည်းက မလုပ်နိုင်ပေ။