قلعة الشيخ مهران

بارت12

#قلعة_الشيخ_مهران

               خاطر بقلمي توصف حال تاضي
                                   👇

                             كان يا ما كان
                          لقد ودعنا المكان
                            وملأنا حقائبنا
                          ذكرياتً من الزمان
                  شَددنا أمتعتنا وأستوطنا الغربان

                           وكُل شيء أنتهى
                    ضحكنا وسالفتنا وذيج الأيام
                 ومشينا بـ ليلة ضلمة تاركين أحلام
                   ودعنا السلف والشيخ مهران
             و ( بعد بيتي )  أنتهت ما أگلها الأي إنسان

                  ...................................

تاضي :- كون الابو من يدفنونه باب الگبر ما يسدونه حتى نجي ونشوف أبونه بعده حلو
لو خرب لونه
-أبوي الراح گلي منين اجيبه
-حلم ذيج الليالي وياه راحت ما ترد النه
- ينور البيت رد البيتك اتهنه
- عمت عين التراب البيه ادفننه
- وياك حملنه واخذنا بويه يابويه

_ راح ابوي بساع بساع برمشت عين خسرته الزلمه الرباني وكبراني ودارني بــديه راح بلايه ذنب كتلو بلايه سبب كل ذنبه رباني وانه يتيمة وكبراني كل ذنبه انه بته الما عملت الغلط بس بلوها بيه شلون اصبر روحي وهو مات بسبتي شلون اعين امي وهي مالها غيره بهالدنيه على يا كتر تنزل دموعي على يا وجع تهمل عيوني ضعت وضيعت ابوي ودفنته جوه التراب ضعت وضيعت أمي المره الجبيرة الما الها احد غيره ضعت وضيعت بزرتي الما اعرف شنهو مضموم الهم

گابلت أمي ودگيت ولطمت وملخت روحي طلعت الدم من مُل كتر أمي دگت وياي لحد ما طاحت لا تحرك ايد ولا رجل ضليت عيوني تصب وحايره بزماني وينك يمهران تعال ليه و شوف عزيزتك شعمل بحالها الوكت ضيعتك وضيعت اهلي وانه بريه
گعدت أمي تعايلني وتنوح بوجع گلب

شعلة :- ولج يمة راح ابوج وعافنه كضو وجتلو جيف ما دلاهم مجانج خسرت رفيج وصويحبي ولج تاضي يمه  مابيه على الخساير بعد اموت يو صار بيج شي يو بفريخاتج شي  اموت والله اموت گليلي وين امشي بيج وين اضمج

تاضي :- مهران وينه يمه عليش عافهم يجتلون ابوي عليش ما حماه منهم

_ما يدري بيهم ما خذينه وما يدري بيه مات لمن لحد ما طش الخبر بالسلف يله دره

_ شلون بيه يمة وانه مضيعه ابوي شلون بيه وانه ما اعرف مصير فريخاتي

_انه امج انه شعلة الما هيزها الضيم شعلة الشافت اخيتها سابحه بدمها شعلة النتنازلت عن اهلها والدنية كلها لجل عيونج انه امج وياج لحد ما اموت لا اخليج ولا اخلِ فريخاتج يصيبهم شر گومي وياي

_وين نروح وهم يدورونه وين نروح وابوي حتى فاتحه ما نصبناله

_فاتحته ومصابه بگلبي ولج يمــة  كسرته بروحي بس راح ادوس على روحي وعلى مصابي وحميج گومي وياي