قلعة الشيخ مهران

بارت43(ج2)

#قلعة_الشيخ_مهران

 

لا يوجد أسهل من الكراهية والبغضاء
أما الحـب فهو يحتاج نفساً عظيمـة

...............................

أمامة :- الملابس بيدي رافعتهم وعيوني مفتوحه على وسعها مصدومه بمنظرهم ما باقي شي منهم
صايرات قطع قطع نزلتهم من ايدي و بقيت اطلع بــباقي الملابس مابيهم شي بس ملابس المدرسة
جريت الجنطه مشگوگه من ظهره وصايرة نصين

غزاله :- شني هذني منو مشگگهن

ليان :- أمامه هاي هدومج الجديدة

روان :- هاي انتِ شاگتهن لو واحد غيرج

ما ارد ولا اباوع الهن كل عقلي صاير وياه ملابسي عيوني  متركزه على المنظر الجاي اشوفه منو يتجرئ ويسوي هالحقارة هاي معقولة توصل بيهم الهاي الدرجه ما سويت الهم شي ولا أاذيتهم بشي ليش هيج يأذوني

توازني اختل وعيوني صارت تغوش بزات بگلبي
ودگاته إحسها شگت صدري حرت الزم گلبي لو الزم راسي گعدت بالگاع على ركبي والملابس بيدي
ما اگدر احچي واعبر عن الوجع الجاي امر بيه
ولا اگدر اشرح صدمتي من الموقف كل اللي گدرت عليه بجيت اي بچيت عاجزة ضيفه ضايعه
مكسورة مذلوله

البنات حچن وياي سألن رادن ما رفعت راسي الهن ولا رديت على وحده من عدهن اخر شي من شافني ما اتجاوب وياهن عافني وطلعن يخبر نينه بالموضوع ثواني ودخلت نينه تركض وراها جدو جرت نينه الصدرية من ايدي ورجعت اخذت القميص مصدومه بمنظرهن جدو باوعلي ورجع باوع للملابس

تاضي :- ياهو عمل هالعمله

مهران :- أمامه بوية ياهو عمل بهديماتج هاي العمله

ما ارد شي بس دموعي تنزل ما اتحمل كل هذا القهر هذا حد صبري ، طلع جدو من غرفتي وگف بالباب وعاط بصوت فزز حتى النايمين الكل طلع على صوته يركض

مهران :- ياهو منجن عملت هاي العمله

شيخة :- شنهي شصاير يا عمله

مهران :- ياهي تتجرئ وادش حجرة أمامه وتشگگ هديماتها

نهاية :- يا ستار ياربي ياهي التعمل هيج عمل گولوا يا الله

متين :- شنو الموضوع

حجى هيج ودخل عليه وراه عمو سند
باوع للملابس و رجع طلع يمهم  عمو سند بقى بمكانه صافن على كمية الحقارة اللي وصلن الها

متين :- كلمه وحدة غيرها ما راح احچي السوت هاي الدنائه تگول قبل لا اذب نفط بالقصر واحرگه هو واللي بيه

حكاية :- شنهي تتهمونه ما عدنا شغل وعمل نروح نشگگ هدوم

كفاية :- يشهد عليه اخو زينب يو ادنيت الحجرتها يو عملت هيج عمله شمالني اله تسودنت اعمل هذا العمل