قلعة الشيخ مهران

بارت25

#قلعة_الشيخ_مهران

 
                        الى مؤنس
       صافح الورد إذا مررت به فصلة الأرحام
                            واجبة

                  .................................

أُمامة :- يعني هنا طفل صغير

ثُريا :- اي يروحي هنا طفل

أُمامة :- مثلي بنية لو مثل عمو أسير ولد

ثُريا :- ما اعرف بعد العلم عند الله

أمامه :- ماما اني اريد بنية العب وياها ما اريد مثل عمو أسير ولد كُل شوية يضربني و يعضني

_ حبيبتي ماما عمج مريض وما يعرف الغلط من الصح المفروض انتِ تساعدينه وإذا راد العابج لو راد الاكل مالتج تنطينه لان خطية هو ما يفتهم ورب العالمين خالقة هيج بهذا الحال ولازم احنا بدورنا نساعدة ونعلمة ونحبة

_ اني كُلش احبه بس هو يأذيني وياخذ العابي وحتى مصرفي يشتري هو بيه

_ ميخالف ماما هو هم يحبج بس مو بيده

_ بس اني بعدني اريد بنية صديقاتي بالمدرسة عندهم اخوات بغير صف بس اني ما عندي أخت

_ادعي رب العالمين يرزقنا بنوته حلو وعيونها صفر مثل عيونج الحلوة هاي

_ إن شآء الله ياربي ياربي تصير عندي أخت

_ إن شآء الله

_ زين شوكت تجي للدنيا

_ بعد ثلاث أشهر

_ يعني كم يوم

_ 90 يوم إذا الله سهل

_ يله انتظرها ميخالف

_ عمري انتِ يله تعالي نـنام تأخر الوقت شوفي بابا نام قبلنا و تعبان واحنا باقين نسولف فوگ رأسه

_ اريد اروح يم نينتي

_ لا هسه نينه نامت باجر گعدي من الصبح روحي يمها

سكتت ما حجيت بس بست رأس أمي ورحت على فراشي تغيط وبقيت اباوع على السكف واحسب كُل شوية من واحد للعشرة منتظره ماما تنام حتى اروح النينه اخر شي واني أحسب غفيت بدون ما احس على نفسي  والصبح  فزيت على صوت جدو مهران عندنا طفرت من فراشي اركض عليه لان اني كُلش أحبه فتحت باب الغرفة وطلعت سريع لگيته جاي هو وعمو سنـد

مهران :- يا هلا بسورها ونورها يا هلا بـبجعتي الحلوة

أمامه :- هلو جدو الحمد لله على السلامة هلو عمو الحمد لله على السلامة

ردوا عليه  وباسوني ثنينهم وراها ماما طلبت من عندي اطلع من الاستقبال واروح للمطبخ اتريگ سويت اللي طلبته مني وشلت صينيتي الصغيره خليتها على السنگ وغسلت إديه وحلگي ورجعت يمهم لگيتهم بعدهم على جمعتهم وجدو يحچي وياهم