قلعة الشيخ مهران

بارت55(ج2)

#قلعة_الشيخ_مهران

جميلة كلــحن عزف ليلاً
على أضواء النجــوم
لذلك أحببتك رغم أنف قبيلتي ومدينتي
وسلاسل العادات والتقاليد

.......................................

مَتين :- احچي أمامة كل شي حرف واحد لا تضمينه عليه اريد اسمع كل الموضوع

أمامة :- ماكو شي عمو لا يظل بالك

مَتين :- أمامة كافي عاد كافي ليش هذا حالج منتبهة على نفسج لو لا كافي تضمين احچي اسمعج ليش هيج منتهية من البچي وليش طلعتي من وگت فهميني سالفتج

أمامة :- المديرة رزلتني

_ ليش

_ على موضوع البارحه

_ بس هي تعرف انتِ ما بيج صوج

_ اي هم حچت هيج بس كلامها أذاني عمو والله اني ما اعرفهم يعني هالشي عادي يصير وياه اي بنيه

_ عيوني انتِ هسه بمرحله عمرية حرجه الكلمه تأثر بيج الموقف يأثر صديق السوء يأثر بيج والهذا السبب ما اريدج تضمين عني احچيلي كل شي يصير وياج لا تحسبيني عمج ولا واحد من اقاربج حسبيني صديقج وصدگيني ما راح ازعل منج وراح استمعلج وابقى استمعلج الى إن ترتاحين

ما رديت شي نزلت راسي رجع هو گال

مَتين :- أمامتي الحلوة ام عيون حلوة عنودية وراسها يابس وما تشارك احد بمواقفها وبظروفها بس انه مو اي احد انه صديقج

أمامة :- الله يحفظك ويحفظلك رسوله

مَتين :- ويحفظج

رجع سكت ثواني وراها گال

مَتين :- باعيلي لشوف

رفعت راسي اباوعله حاول يحچي بس ما حچى بقى يضحك ونزل راسه مني وراها كمل كلامه

مَتين :- هسه احنا اصدقاء مو

أمامة :- اي

_ حلو يا صديقتي العزيزة تقبلين عزيمتي

_ عزيمة شنو

_ نتغده مثلاً بفد مكان حلو نخلص اليوم من ابتهال وتوحيد شرأيج

_ هههههه

_ كيفتي عاد اسعد الدنيا تصيرين من تسمعين احد يحچي عليهن

_ ههههه لا والله بس مو مريحات ما استهضمهن

_ ههههه ولا انه استهضمهن بس مو تحچين زحمه

_ هههههه لا ما احچي

رجع ضحك وشغل ومشى وهنا جان اغبى تصرف تصرفته بحياتي كلها كلمه وحدة مني جانت تغير حياتي بس ما نطقتها الهاي الكلمه ولا حچيتها شنو السبب اللي منعني ما اعرف كل اللي فكرت بيه اول ما ارجع احظر الرقم واخلص منه وعلى سالفه الوگفه يم المدرسة فكرت راح يمل ويروح ما جنت اعرف الشخص المقابيلي شنو من بشر
وبنفس الوقت جنت بعمر تفكيري محدود وعقلي مو ناضج بصورة اللي يفكر بيها البعيد جنت مراهقه وتفكيري على گد عمري واكثر شي الخلاتي اتردد احچي موضوع ليان و إيهاب وشفتهم شلون تخبلوا وضربوهم و زوجوهم