قلعة الشيخ مهران

بارت42(ج2)

#قلعة_الشيخ_مهران

ثم إن الحب لسرَّ رباني ينبغي أن
يبقى في مأمن من كافة العيون الغريبة
                مهما يحدث له
ذالك أدعى التقديس وهو أفضل وأجمل

.................................

أمامة :- بقيت صافنه على حجم المصيبة اللي حاطها برأسة شنو من بشر هذا مستحيل الهاي الدرجة يطلع نذل وقذر و إني الفطيرة توقعته آدمي بس هم شادين وياه

وصلت بيه يستغل مرض عمو ويخلي باله هيج افكار ما فكر إذا ما نفذ هالافكار راح تتأزم حالة اكثر واكثر وإحتمال صدگ يروح يسويلنا مصيبه ويخطف وحدة من بنات الجيران

بقيت بمكاني و اباوع على عمو شلون گاعد ويبچي من كل گلبه هو يبچي وإني بعد ما تحملت گمت ابچي وياه لحد ما حسيت نفسي بعد ما اگدر اقاوم اكثر تمددت بمكاني بدون غطاء ولا مخدة وغمضت عيوني هذا حدي بعد ما اتحمل ولا عندي قابلية اكمل باقي أيامي وياهم ياريت اغمض عيوني و بعد ما افتحهن للابد

بقيت على نومتي و لامه رجليه الصدري لحد ما غفيت وإني بهذا الحال مر وقت ما اعرف شگد وحسيت على نينه ترفع راسي بيدها وتخلي مخدة جوي وراها جابت غطاء غطتني فتحت عيوني باوعت الها هي نصت عليه وباستني بگصتي

أمامة :- وين آراي

تاضي :- نام

گمت من مكاني وگعدت مقابيلها افكر اخطي هالخطوة وما اعرف شنو راح اشوف وشنو اواجهه
يا ترى صح لو راح اندم عليها ما جان بيدي غيرها جنت اشوف هذا الحل الانسب بهذا قراري راح اخلص من إسلام ومن اهل القصر كُلهم

أمامة :- نينة اني موافقه على الزواج

تاضي :- شنهي راضية موش تردين ادرسين

_ اي بس هم گالوا موافقين اكمل دراستي

_ وعليش ترضين بشي ما هاويته نينه هذا عرس عشرة عمر موش يوم و يومين ويخصل

_ اعرف

_ انسي السالفه وما عليج بيهم جدي اخذ حگج منهم

_ نينه اني موافقه وهذا اخر قرار عندي

_ نامي و ارتاحي والصباح الف باب ينفتح

_ وين عمو أسير

_ نايم غاد بحجرتي

_ عينج عليه لا يروح يطلع

_ لا ما يطلع انه يمه انتِ نامي ارتاحي مالج غرض بشـي

باست راسي وگامت رجعت تمددت وعيوني على السگف هسه هذا القرار راح يخلصني منهم
و اخوي اكيد اخذه وياي ما اعوفه وعمو أسير نفس الشي ما اعوفه هنا شوية شويه واسحبه يمي ، بقيت مده طويله افكر بالموضوع لحد ما تعبت من التفكير ونمت ثاني يوم الصبح مثل كُل يوم يگعدون وصوتهم وحركتهم تملي القصر ملي بقيت استمع الهم بس ما طلعت ما اريد اشوف احد بيهم ولا اريد احد يشوفني هم كارهتهم وهم خجلانه منهم لحد الساعه 11 إني متمدده بفراشي انفتح الباب ودخلت نينه