قلعة الشيخ مهران

بارت20

#قلعة_الشيخ_مهران

             الى كل شخص كتوم ارهقتة الدنيا
                        وما زال راضيا
                     ملأ الله قلبك فرحاً
            بقدر ما تألمت ولم يشعر بك أحد

                   .............................

تاضي :- يومين مهران يدور على محامي زين يتكفل قضيته وانه ما خليت دعاء ما دعيته ما خليت قرآن ما قريته اخر شي أمي گالتلي گومي يا تاضي وفكي زيج للعباس وانخيه وحلفيه بالسبية اخيته وابو فاضل ابو راس الحار ما يرد اللي يحلفه بـ أخته

بعد انه ام  وگلبي محروگ گمت بهمة وگلب شايط ذبيت شيلتي وفكيت زيجي وطلبت من ابو الفاضل يفك اسرة ويفرج شدته بجاهه يم ربه دعيته يدعيلي يم ربه عبن هو اقرب مني الربي
هو سيد ابن معصوم واخو معصوم ومضحي بروحه الخاطر سبط النبي ومات مظلوم عطشان اله مقام يم ربه ونذرت نذر عليه اوزع خبز العباس طول عمري لحد ما الله ياخذ امانته اظل اوزع يو مـؤنس طلع من الحبس وانفك اسرة

وفدوة الاسم ابو الفاضل ما قصر بحين الراح المحامي وترافع عن القضية وجاب الهم اثبات هو ما حاجي بساع تحولت اوراقة للمحكمة وثبت عدهم هو برأي ما عامل الغلط و لا جايب طاري الرئيس

مر أسبوع على المحكمة ولن المحامي يگول بعد هذا هو ثبتت براءته وباجر من الصبح يطلع وانه
و سمعت بهذا الخبر  تگول طبول دگت بگلبي وشيصبح الصبح واشوفنه

ثريا وبنيتها وأسير وامي ومهران كُلنا ناطرين ردته ودشته علينا طول الليل ما غفت عيني ولا هدأ بالي
ولا اعرف للساعة ولا بيه اصبر اكثر ولا بيه اگعدهم وانشدهم عن الوكت ضليت كُل شوية اروح للحوش اباوع على السماء شوكت يطر الضوء منا لمن صار الصبح وانـه عيوني ما زارها النوم ، گعدوا كُلهم من النوم ومهران و والاولاد كُلهم جانوا جايين عندنا يردون يستگبلونه راحوا يجيبونه ويجون وانه اخذ الدار واردها منا لمن وصلوا

ركضت للباب ويا ما فجيته ولنه اشوفه نازل من السيارة يمه يا الولد يبني يا يمه شلونك يبعد امك شلونك اجى عليه حظني ويثغب وانه اثغب وياه حبيته براسه وبوجهه وجريت إيده اريد احبها بس ما خلاني طاح وحب ايدي وحب راسي وهو يبچي دش للبيت وانه وراه امشي واهوس بشيلتي

- وسبع عباس والجابته بدويه بطل عباس
والجابته بدويه
- و بس كون بضيج وتنخينه بس كون بضيج
- وسبع تنعام منك يا اخو زينب
-بس حلفه بزينب يگضيها بس حلفه بزينب

(( قشعر بدني وبجيت واني اكتب بهذول الاهازيج على حب ابي الفضل العباس صلو على محمد وال محمد ))

امي اجت تسكت بيه تخاف لا يسمعونا ويردون علينا من جديد وياخذون هاي المره الولاد كُلهم عبن جانت الانتفاضة ما صار الها چثير من صايرة وبعدهم يخافون لا الوادم تروح تطلع عليهم من جديد ومنا حرب ايران وحرب الكويت كُلها ملتمة عليهم وجانوا البيت اليصير بيه لطم وعزاء للحسين يشيلون اهله بالبوگات ويلفقون عليهم تهمه لا على البال ولا على الخاطر