#قلعة_الشيخ_مهران
إننا نندفع جداً ثم نصل للحظة
نكتشف فيها مدى اندفاعنا
ثم نبدأ برسم خط العودة
ثم لا نعود لا نعود أبداً كما كنا
..............................................
امامة :- من سمعت كلامهم وعرفت المشاعر البينهم احس بنفسي ضجت ليش شنو السبب هيج حسيت ما اعرف جوز من كلام ليان لان خايفه مني وماخذه هيج نظرة عليه او اكو سبب ثاني وبسببه إني ضجت ما عرفت بوقتهم
كملت طريقي للمطبخ عمه أبرار ممكله الغدة
بس ما صابه منتظرتهم يلتمون كلهم يلا تصب
طلعت ماعون صبيتلي تمن وفوكاه مركه واخذت خيارة ورجعت الغرفتي تغديت وكملت وبقيت
اقرأ لحد ما اجت نينه بس سمعت صوتها طلعت
تاضي :- ها يمه اجيتي
أمامة :- اي من زمان اشو تأخرتي
تاضي :- غير أسير جلب اله يقرأ وياهم
_ ههههه وتالي شلون فضيتيها وياه
_ المعلم يطيه العافية گعده وياهم بالرحله الاخيرة وانطاه ورقه وقلم وخلاه يكتب
وانوبينه گومه على الصبورة كتب وصفگوله واجينه
أسير :- اي شاطر اني صفگولي كلهم
أمامة :- اشطر الطلاب واحلاهم
تاضي :- تغديتي يو لا
_ اي تغديت ادخلي ارتاحي بغرفتج اصبلج غدة انتِ و عمو
_ لاله اتغده وياهم
_ يمكن تغدوا
_ شوفيهم يو ما متغدين انطرهم نتغده سوى
رحت للمطبخ لگيت عمه أبتهال حاصره سلمى بزاوية المطبخ وإيد جاره بيها إذنها والايد الثانية تگرص بيها وسلمى تبچي خنگ
أمامة :- عزا عمه شدسوين
أبتهال :- مالج غرض لا تتدخلين
عفتها ما رديت عليها وبنفس الوقت متت من القهر على سلمى خطيه أبنية بهيج عمر وتضربها أمها بس يلا هو إسلام اكبر منها وشابعينه رگع بقت على سلمى ، بعدني واگف بالمطبخ ودخلت عمه أبرار
امامة :- عمه تغديتوا
أبرار :- اي بس اجدج وإعمامج سند وأياد ومتين بعدهم ما راجعين يمكن يتأخرون يلا يجون صبي الخالتي خليها تتغدة
أمامة :- تمام راح اصب الهم
_ يمج زلاطه بالثلاجه ضامتها حطيلهم منها وعوفي الاعمامج وياج
_ ماشي
صبيت النينه وعمو واخذته الهم للغرفه گعدوا يتغدون ونينه تسولف على آراي شلون گاعد ويباوع للمعلم ومن المعلم يگول طلعوا الدفاتر يطلع دفترة عمو أسير يرجع يگلها باجر اخذ دفتري وياي
اريد اكتب مره ثانية
أنت تقرأ
قلعة الشيخ مهران
Mystery / Thrillerالشيخ ولو أمر كلهم يهابونه ... في ميسان (العماره) نور آل محمد a_.2jj انستكرامي
