قلعة الشيخ مهران

بارت52(ج2)

#قلعة_الشيخ_مهران

لقد أصابني من التعب ما يكفيني
و لم يعد الكلام ينسيني 
أصبحت أحتاج الى حظناً يحتويني

.................................

أمامة :- نرلنا من السيارة سريع نمشي عليه عمو لزمه من إيدة ويحچي وياه ملهوف

مًتين :- شبيك عمي ليش هيج وجهك اصفر

مهران :- مابيه شي بس شوية مختنگ طلعت اشم هواء

مًتين :- تعال جوى بس اشوفك

مهران :- لاله خلني هنا روحي ضايگه

أمامة :- جدو من شنو مضايق ليش هيج حالك

مهران :- ما بيه يجدي لا تخافين

عمو مَتين اخذه ومشى بيه يم الزرع گعده وگعد مقابيلة رفع راسه باوعلي وطلب من عندي
اجيب جهاز الضغط من الغرفة مالته رجعت للبيت بكل سرعتي بوجهي على غرفة عمو جبت الجهاز البنات يسألن شبيج وشكو ما ارد بس جسمي كله يرجف لا ياربي ما اتحمل افقده اموت اذا صارله شي من صدگ اضيع بعدة

طلعت الجهاز بأيدي والبنات يمشن وراي ما فاهمات شي وصلت يمهم انطيت العمو الجهاز البنات وگفن وكلهن يسألن

مَتين :- لا توگفن فوگ راسي وخرن شوية

غزالة :- شبي عمي

مهران :- مابيه شي بوية لا تخافون

قاس ضغطه لگاه صاعد بس درجتين رجع عمو باوعله مبتسم وراها گال

مَتين :- نقص مني عمر بگد العمر العشته تالي طلعت بس درجتين اخ يا مهران وگعت گلبي

مهران :- ههههه طلعت عزيز عندكم وانه ما ادري

غزاله :- غير نموت عليك اكو مثلك بالدنيا اروحلك فدوة

مهران :- يبعد عمج واهله يم اسوالف الحلوة

أبتهال :- شيوجعك خالي هسه جنت ما بيك شي

مهران :- ما يوجعني يبوية بس طلعت اشتم هوى

مَتين :- گوم هناك بغرفتك ارتاح ، وانتِ غزوله حبيبتي سوي عصير نومي بصرة خلي ضغطه ينزل

غزال :- اي من عيوني

غزاله راحت تركض للمطبخ تحضر العصير وعمو گوم جدو من الگاع ومشى بيه على غرفة نينه خطيه جانت گاعده هي وعمو أسير ما يدرون بالموضوع فزت مرعوبه وتسأل شكو شبيه شيوجعه وهو يرد الها

مهران :- مابيه شي بهداي على روحج لا تخافين

تاضي :- يمه الزهرة ام الحسن والحسين شيوجعك يبو أسير

مهران :- ما يوجعني شي گولوا يا الله شجاكم

مًتين :- مابيه شي عمه لا تخافين

أمامة :- جدو لا تعوفني وما عندي احد غيرك بالدنيا والله اموت نفسي وراك اذا صار بيك شي

حچيتها وبچيت فعلاَ ما عندي غيرة هو الحاميني منهن  صاير السند إلي و حاير بيه وبمسؤولياتي
كل شي موفرلي صح ما صار هواي من اجيت عشت يمه بس صار حيل قريب مني ودائماً يحاول قدر الامكان يعوضني عن خسارتي البابا