قلعة الشيخ مهران

بارت 18

#قلعة_الشيخ_مهران

               من عدها وبعد صارتلي عبره
            وعرفت شلون اخلي خطوط حمره
                اكو ابني آدم تحبه ويمه ترتاح
                واكو ترتاح كلش من تخسره

                     ................................

تاضي :- موش هيجي يا يمة تطگ اخيك وتتصايح ويا ابوك چدام الوادم

مـؤنس :- مستاهل الكتلة هاي ولو ما جاين ومخلصينه من ايدي لا وحق ربهم اموته حلال

تاضي :- الخاطر ابوك چا هيجي تفضحونه

مـؤنس :- وابوي ما قصر هاني گدام الناس وطردني بنص الليل اني واخوي المريض

_ما يعرف السالفه شنهي يو يدري بيه حاچي وياك هذا الحچي چا طيح حظه

_مهما صار بيني وبين عاصي مو يطردني واني اول مره اروح اله يمة تعرفين شلون طلعت بنص الليل وأسير وياي خلص الطريق كُله يبچي خايف من الظلمة وينعس وجوعان الله يخليج يمة أسكتي بعد ما اريد اسمع شي عنهم اللي سمعته واللي شفته يكفي وزايد

شعـلة :- بسك يا جدة لا تگدر ارويحتك هو هذا ابن فريال شتريد يطلع نبي الزوم يطلع شيطان مثلها

تاضي :- يمه موش ابن فريال هذا ابن مهران حالة من حال مـؤنس لا تحچين هذا الحچي چدام الولاد

مـؤنس :- يا مهران يمة يا مهران من كُل عقلج هذا اخبث ما خلق  ربي ونذل و راضع حليب نگس

_ياا شني هذا الحچي ولك موش عيب عليك اخوك هذا يمة لا تگول عنه هيجي

_ مو اخوي هذا مو اخوي عوفيني الخاطر الاسلام مو گلبي ورم منه

حچى هيج وعافنه وگام متت عليه متضايگ كُلش من حچي عاصي ومن طردت ابوه لا بيه اسكت عنه واخلي يحمل بگلبه على اخيه ولا بيه اگول اله حگك وازيد الحقد بگلبه گمت للحجرة اللي نايم بيها أسـير اول ما دشيت فرز من نومه وصرخ

أسير :- منو منو

ركضت عليه وحظنته واسمي بسم الله

تاضي :- بسم الله الرحمن الرحيم الزهرة تحظرك يمه لا تخاف هاي انه امك

أسير :- يمة لليل وچلاب يعون علينا يمة اني اخاف بعد لا تطلعيني بـ الليل

تاضي :- سودة بوجهة امك من انعمت عين امك شمالني وديتك وانه اعرفهم ما يهوني ويهونكم چنت خايفة لا يرحون يضحكون عليك وتنقهر منهم تالي ابوك يطردك بالليل ويخلسك شحچي هساع وشنهي إللي اگوله اخ يگلبي

أسير :- نامي يمي انتِ وجدتي

_هاي انه يمك نايمة لا تخاف گول يا ابو الحسن احظرني واقرأ الفاتحة الام البنين  وهساع تروح الخوفة وتنام

ظل يصيح يا ابا الحسن احظرني وانوبينه قرينا انه وياه سورة الفاتحة لحد ما نام من جديد

ضليت ابچي بلايه صوت اخافن يطلع صوتي ويسمعني مـؤنس وهو منا اليوم متسودن ويلي ويلي يا يمة جاتلك الخوف من طلعت الليل وصوت الچلاب عمت عيني عليك وعلى اخيك شلون سكتاك  وأمنك من خوفك اخ يمة يمـؤنس شحالك يا عزيزي  حرت بحرگة گلبك يو حرت
بـ أخيك المريض وهو يبچي يمك من الخوف