قلعة الشيخ مهران

بارت40(ج2)

#قلعة_الشيخ_مهران

            يخاطبني السفيه بكل قبحٍ
            فـأكرها ان أكون لهُ مجيبا
             يزيد سفاهة و ازيد حلما
             كـعود زاده الإحراق طيبا

           .......................................

إيهاب :- شكو شبيك

إسلام :- من شوكت هذا الحچي قصرت والله ما تعزم اخوك

_ احترم نفسك وامشي منا الناس نايمة لا تسويلنا سالفة عيب عليك

_ عيب عليه بس مو عيب عليك من لازمها بنص الليل وشابعها رومانسية من وراي يابة غير تنطيني خبر هههههه

إيهاب :- روحي نامي أمامة الظاهر هذا يحتاج تربية من جديد

ما رديت شي ولا شاركت بنقاشهم بسرعه عفتهم ومشيت فتت من إسلام لزم إيده قوي مانعني اروح

أمامة :- وخر ايدك و احترم نفسك احسلك

إسلام :- اوووي عيني انه احترم نفسي بس إيهاب لا

أمامة :- شدا تخربط إيهاب اخويه وابن عمي

_ ابن عمي شيال همي رفع .. اكمل لو عيب

أجى إيهاب سحبني  و دفعه مني قوي رجع إسلام دفعه ويا ما دفعه بحركه سريعه جر إيهاب من راسه وضغط عليه بأيده مثل الخانگه

أمامة :- عزا العزاك لك عوف اخوك شگد ملطلط وبلا تربية

إسلام :- جاي اشاقه وياه معليج انتِ ويلا هاي عفته شوفي

ابتعد من إيهاب وإيهاب باوعله بنظره ما عرفت افسرها وراها تقدم عليه وضربه راشدي قوي

إسلام :- تمون أخوية الغبير اقصد الجبير

إيهاب :- ما راح ارد شي عليك هسه الناس نايمه باجر احاسبك يا دايح يا سگط

إسلام :- نتحاسب ليش لا  وانتِ يلا يا عيني يا حلوة روحي الغرفتج لا تگعد امي وتشوفج واگفه بنصنه و تطگ وتموت ورى اختها

_ موتتهم ويوم الك إن شآء الله

_ ههههه

_ مستفز واحقر الخلق

إيهاب :- روحي الغرفتج أمامة الناس راح تگعد عوفيه هذا واحد سگط ما عليه عتب

رجعت للغرفه دخلت وقفلت الباب بس شنو جسمي كله يرجف من كمية الحقارة والاستفزار اللي عنده ، بعد ما طلعت لحد ثاني يوم الناس كلها حاضره العزاء و البچي واللطم بكل مكان بالبيت

لا حچيت لحد ولا فتحت الموضوع الصار وحتى ما عرفت شنو صار بينهم بعد وهم اصلاً ما دخلوا للقصر بعد بقوا برى وي الناس واني انشغلت وي البنات كل شويه اصفن باللي صار واموت قهر على نفسي باقيه اقل تصرف اتصرفه ينحسب عليه ويفكرون بيه على مزاجهم منين اجوني منين طلعوا شلون اكمل باقي حياتي هنا صح اعرف بيهم حقراء بس تصرفاتي هاي متعودة عليها من زمان شلون اتحذر من كلامي و حركتي لازم احبس نفسي وما اختلط بـ أحد منهم