قلعة الشيخ مهران

بارت19

#قلعة_الشيخ_مهران

                     حرت شكتب بعد والكاتبة
                                الله يصير
                   هلي والما حجيته الكم يـأذيني

                      ...................................

غريفه ظلمه ما بيها نور ثغيب امي و رجفت ثُريا
و بچيت بنيتها على ياكتر ادير عيني عليهن يو على أسير التسودن ويرگع برأسه بالحايط بكل حيله يو على مؤنس الما اعرف شنهي مصيره وين صار مات يو عدل اخذوا يو ما گدروله مصيرنا انه وياهن شنهي يعدمونا بعد مالنه طلعة من هذا المجان

ولك يمة يـمؤنس شعملت يمه وخليتهم هجموا علينا يمـة سلمتنا للما يخافون من ربهم ابنيتك صغيره ما بيها لزمه ومريتك نفسه حتى مشي ما بيها تمشي ولك يمـة جدتك مابيها حتى تحچي يو اخيك المريض الما يعرف الدنيا طشت يو رشت
اخ يمـة يا كسرتي يا يمـة ولك تالي عمري ادش احبوس وينك يمهران تعال ليه وشوف حالي وحال اوليداتك

ظلينا محد اجانا ولا وحيد سألن عن حالنا
البت تبچي جوعانة وامها فايرة وتتراجف وبس ترضعها تجتلها بمحانها عبن حليبها صار حار يفور من الهبطة شلون بيه يربي اجن دوب اظل متعذبة اخذ روحي يربي بعد مابيه على العيشة هاي

مر وكت علينه واحنه الوحادنة وهاي بچيتنا وهاي نوحتنا لحد ما دشو علينا وين ابو شارب الها ثخنه وكل واحد بطول الباب جرو أسير ومشو  يسحلون بيه جلبت بيهم وتوسلت وانه اصيح مريض لا تاخذونا ما يفهم شي

واحد منهم دفرني برجله طيحني بالگاع اريد اگوم على حيلي ما بيه إحس كليتي وكفت شاطت روحي

ظليت بمجاني وعلى فد لطمة ملخت روحي وراهم تملخ وامي ساعة تدگ وياي وساعة تسكت بيه ما ادري وين اخذوا وهو مريض يهالوادم شلون بيه شلون

ظليت ادگ على وجهي واصيح اخذ روحي يربي ولا تخلني اشوفهم طاگينه اخذ روحي گبل لا يردونه الي مدمه

مر وكت اظن ساعة يو ساعتين ولنهم جايبينه يسحلون بيه مدمة من فوگ ليجوه ماكو مجان سالم بيه گاصبينه گصب والدم ينزل من كل جسمه شمروا علينا طاح ما يحرك لا إيد ولا رجل

ما لحگت اگوم واشوفه بعدني توني ركضت ليه ولنهم يجرون ثُريا هنا تسودنت حبيت رجليهم واديهم طگوني ودفروني بساطيلهم  واخذوها
من بين ايديه سحل هي تصرخ وانه وأمي نصرخ وياها وأسير طايح حتى نفس ما بيه

ثُريا :- غرفة بيها ضوء اصفر واجهزة كهربائية حبال نازلة من الجناگيل اللي بالسگف وسواط وصوندات جاكوك وقامة وطبر كلهن شفتهن بهاي الغرفة شمروني بالگاع قوي وتقدم واحد منهم عليه وبدأ يسأل

_ اسمج الثلاثي

_ثُريا محمد احمد

_ شگد صار من تزوجتي مـؤنس مهران