قلعة الشيخ مهران

بارت64(ج2)

#قلعة_الشيخ_مهران

و تظن أنها النهاية ثم يصلح الله كل شيء

ابشرك من وراك الليل ما نمته
وما خليت موقف ما تذكرته
اجيت بالي بالعشرة ورحت من بالي بالسته
ودخت ما ادري وين انه لان ما ادري وين أنتَ

              .......................................

أمامة :- ضرب السيارة قوي وعاط بيه اصعد ما حجيت شي صعدت وهو شغل ومشى هسه تحركت بس السيارة مالتنا شفنا عماد طلع من المدرسة ومشى گبل يريد يصعد سيارته ما حسيت غير على عمو زاد سرعته وضرب عماد بالسيارة بحيث انشلنا ونرگعنا آراي بجى خايفه واني بقيت ما مستوعبه الموضوع مستحيل هيج يسوي ويأذيه ويأذينا وياه إيدي على گلبي و اباوع العماد الواگع بالگاع شفته تحرك ما بيه شي يعني من ضربه ما ضربه قوي بس جانت تهديد اله وإلي

كمل طريقة بدون صوت و إني رجعت رأسي وغمضت عيوني وإيدي على گلبي حسيته راح يوگف من الخوف والمنظر اللي شفته أخذت نفس طويل أريد اسيطر على نفسي وراها حچيت وياه

أمامة :- والله العظيم ما اعرف بيه جاي البارحه آراي گال معلمتي تريدج ودزت رقمها واذا ممصدگ أسأل غزالة اتصلنا بالمعلمة من جدو رضوان عمو والقرآن وداعتك وداعت بابا ما اعرف بيه جاي وهاي المعلمة متفقه وياه

مَتين :- حظري نفسج بالليل يجون يعقدون عليج

باوعت اله مصدومه و رجعت حاجيته بتوسل

أمامة :- عمو بس اسمعني الله يخليك لا تعاقبني على شي مالي ذنب بيه صح غلطت قبل بس هسه مالي ذنب

مَتين :- ما دامج تحبينه تزوجيه أمامه تزوووجيه لا تخلين رؤؤسنا بالطيين لج ليششش هيجج ليش أمنت بيج وگلت سبحان الما يغلط لج بنص المدرسة جايبته ما فكرتي بيه والمدير صاحبي

حچى هيج وضرب الستيرن قوي

أمامة :- اسأل غزاله والله مو صوجي ولا ذنبي اعرف شفته بعينك وحقك ما تصدگ بس هو والمعلمة لعبوا هاي العبه بيه

ما رد شي ولا باوع الي لحد ما وصلنا للبيت
حچى بدون ما يلتفت الي

مَتين :- أنزلي

نزلت واني فاقدة اخر طاقه عندي ما بيه ابرر ولا اشرح صح شافه بس مو ذنبي المفروض يسمع من عندي ليش هيج رافض يسمعني واني اتوسله وعندي شهود على كلامي

بعدني هسه نزلت من السيارة وطلعوا رشا تعيط من كل گلبها ولازمه بطنها بأيدها وگفت اباوع شبيها ، لازمها إسلام يمشي بيها وسلمى وياه وعمه أبتهال تمشي وراهم صعدوها إسلام وسلمى بالسيارة ومشوا بيها وهي متگطعه من الالم رجعت دخلت بوجهي الغزاله لگيتها تسبح گالت بس اكمل واجي رحت الغرفتي حتى ملابسي ما بدلتهم منتظرتها تجي شوية واجت الخاولي براسها