#قلعة_الشيخ_مهران
هادئه هي كــ السماء ليلاً
ومنيرة كــ نور القمر
...................................
أمامة: - ما حسيت على شي وگعت بنص الصالة فاقدة الوعي مر وقت ما اعرف شگد و من صحيت احس جسمي خدران وراسي ثكيل گلبي يأذيني
عبالك جنت بغييوبة
فتحت عيوني الدنية تفتر بيه أباوع للبنكه تريد توگع رجعت غمضت عيوني واسمعهم يحچون قريب مني
تاضي :- فتحت عيونها وردت سدتهن دخيلك ياربي ولك يمه شمالها عليش ما تگعد
مَتين :- بسيطه عمه لا تخافين صار عندها هبوط بالضغط
ليان :- عمو شوف حتى وجهها صار أصفر
مَتين :- عادي مو شي مخيف گومي حبيبتي سويلنا عصير برتقال
غزاله :- انه راح اسوي
مَتين :- عاشت ايدج غزالتي
رجعت فتحت عيوني شفت نينه وعمو مَتين وبنات عمو سند يمي والباقين كلهم رايحن التوحيد من بعد ما وصل الهم خبر وفاة زوجها
تاضي :- ها يمه عزيزتي شلونج تشوفيني تسمعيني شيوجعج يبعد جدتج
أمامة :- زينه لا تخافين
مَتين :- يوجعج شي
_ لا بس دايخة والالم براسي موتني
_ طبيعي هذا من الهبوط
تاضي :- ما دامها صارت زينة روح انتَ بعد خافن الدوادم تسأل عنك زحمه
مَتين :- مدي ايدج اقيس ضغطج قبل لا اروح
مديت إيدي وبدأ يقيس بضغطي شويه و سوى حركة بشفايفة ما عجبه
مًتين :- بس فهميني شبسرعه هيج هبطتي دستي دگمه شنو
أمامة :- ما اعرف هيج فجأة وگعت
روان :- يجوز هبطه من الصوت الصار
ليان :- گومن خل ترتاح
تاضي :- ضلن يجدة وين رايحات
ليان :- بالصالة رايحين خطيه أمامة خليها ترتاح وتنام شويه
هن طلعن وعمو مَتين طلع وراها ثواني ورجع دخل بايده بطل مغذي
تاضي :- شنهي هذا يمه
مَتين :- ضغطها مصفر موزين عليها هيج راح اشد الها مغذي
رجع گعد يمي سحب إيدي وشكل الكانولا غمضت عيوني متوجعه لحد ما خلص گام علك المغذي بالشباك و فتحه
تاضي :- انوب شلون اشلعه انه ما اعرف
مَتين :- انه اشيله
_ چا تظل هنا ما تروح للتشيع
_ لا ما اروح
أمامة :- نينه وين آراي
تاضي :- يلعب غاد وياه رسل
أنت تقرأ
قلعة الشيخ مهران
Mystery / Thrillerالشيخ ولو أمر كلهم يهابونه ... في ميسان (العماره) نور آل محمد a_.2jj انستكرامي
