قلعة الشيخ مهران

بارت62(ج2)

#قلعة_الشيخ_مهران

گيــف لـي أن أخـبـرك
لـقــد أمتــلأت بـك حتـى رأيـت الـبـقـيـة سـرابـاً

أصـعـب مـرحـلـه مـن يـمـر بـيـها إنــسـان
مـن يـحـب بــشـر و الــبــشـر مـا يــدري

........................................

أمامة :- سمعت كلامه كلمه كلمه وحرف حرف حاولت استوعب الموضوع بس ما گدرت صعب عليه اسمع هيج خبر و اني بهذا العمر بعدني ما شفت شي من حياتي حتى اتمرض هيج مرض بعد عندي هواي أحلام ما محققتها اخوي يحتاجني شلون بيه اذا رحت وعفته

فتحت الباب ودخلت عليهم عمو بسرعه باوع الي و گام من مكانه تقدم عليه بعده ما حاجي وياي شي ما تحملت بسرعه بچيت

أمامة :- صحيح هذا اللي سمعته عمو فدوة گول غلط گول لا ما اريد اتمرض هيج مرض اريد ابقى بصحتي اخوي يحتاجني

مَتين :- مابيج شي مُجرد شك بس اهدئي

أمامة :- لا اني سمعتك تحچي وياه نينه

نينه گامت من مكانها لزمتني من ايدي وجرتني عليها حظنتي قوي وبچت هي تبچي و اني ابچي
وياها عمو مَتين طلع من عندنا واحنا بقينا على نفس البجيه صعب إحساسي بهذاك اليوم صعب اوصفه لو اشرحه صعب أحد يفهمه لو يحس بيه ابتعدت من حظن نينه ومسحت دموعي وطلعت شفت عمو مَتين واگف بالباب يستمع النا ما رايح

تعديته ومشيت الغرفتي اول ما دخلت للغرفه اريد اسد الباب ما خلاني لزمه ودخل

أمامة :- اريد ابقى وحدي عمو

مَتين :- لا ما تبقين وحدج حزنج اريد تشاركينيا

_ ليش هيج يصير بيه ليش كل المصايب برأسي

_ لان مؤمنه المؤمن مُبتلى لان الله يحبج
( وأن الله يحب ان يسمع صوت عبده ) يعني ربج يحب يسمعج ويسمع دعائج

_ يعني خلص ما راح اطيب بعد

_ لا مُجرد شك لا تخافين باجر نروح دكتور اختصاص ونشوف شنو يگول

_ زين شنو ضعف بالاعصاب عمو مجاي افهم

_ بسبب الانهيارات والصدمات واكيد باقيه تكتمين بگلبج ما تحچين وتفرغين عن اللي بداخلج

_ المن افرغ المن احچي واني فتحت عيوني للدنيا يتيمه ام البنات المن يحجون المن يشكون غير الأمهم وإني فتحت عيوني ما عندي غير بابا جان اب وصديق وسند وتالي عافني وراح ولمن سندت ظهري على جدو وگلت هذا السند وهذا الأمان نفس الشي غمض عيونه وعافني بنص الذيابة بقيت وحدي محد الي

_ وانه وين رحت أمامة والله العظيم مستعد كل شي اسوي وشنو تأمرين وشنو تطلبين وشنو تحبين اگولج عليه تم بس لا هيج تضعفين وتبچين دموعج جمر تنزل على روحي اصلاً
روحي تروح مني لو شفت عيونج يبچن