قلعة الشيخ مهران

بارت35(ج2)

#قلعة_الشيخ_مهران

#حلقه_٣٥

يليق بك أن تكون ضوءاً لا ينطفئ
أن تكون ورداً لا يموت وماءُ لا يجف
يليق بك كل الاشياء الجميلة التي ممكن
أن يعبرها الحزن يوماً ما

................................

بيت جديد وحياة جديدة ناس جدد عادات وتقاليد جديدة كُل شيء هنا يختلف عن حياتي السابقة هنا اني يتيمة لا أب ولا أم من هذا اليوم اني مسؤؤله عن طفل مريض بالداون وبالقلب وعم مريض بـ أضطراب عقلي و مرأة كبيرة بالعمر فاقدة اغلى ما تملك لازم تصرفاتي تصير غير تفكيري يصير غير لازم أحسب الكلامي والخطواتي
لازم اجتهد وانجح لازم ولازم ولازم الى ما لا نهاية

كُل هذولي مطالبة بيهم و اني بهذا العمر راح اتحمل و أستمر لو راح انهزم من أولها
من اول ما دخلت باب القصر و اني هالكلمات والافكار يفترون برأسي

الكل طلع يستقبلنا اكو اللي بچى على بچي نينه وهي داخلة واكو اللي أخذ جانب المتفرج واكو اللي ما قابل بجيتنا ونظراته جانت كُلها سم

سلمنا عليهم واحد واحد لحد ما خلصنا السلام وتوجهنا الغرفة نينه هاي الغرفة الصار فوگ العشرين سنة من انهزمت منها اجى الوقت وافترت الدنيا ورجعت الها طلعت منها وهي بعمر الشباب بأيدها أولادها الأثنين و رجعت الها وهي عجوز فاقدة واحد من اولادها والثاني عايش على رحمة الله لا يفهم ولا يفتهم

مهران :- هلا و كل الهلا بالجاي ومحمل علينا
نور الگصر

نهاية :- شحلات دشتكم علينا هلا بيكم

أبرار :- وين راح سند يجي ويشوف أمامة وصلت
تعالن ولجن سلمن على بنيت عمجن

تقدمن بنات ثلاثه بـ أعمار متقاربه ثنين اكبر مني وحدة اصغر مني بالعمر سلمن عليه وگعدن بصفي

روان :- اني روان الجبيرة وهاي ليان الوسطانية وهاي أفيان الزغيرة اكيد تذكرينا مو

أمامة :- اي اتذكركم

ليان :- البقية بحياتج ردنا نچي للفاتحه مال عمي بس محد رضا يجيبنا وأبوي جان عندكم وبس أمي اجت

أمامة :- حياتج الباقية

ليان :- بابا كلش يحبج هواي يسولف بيج

أمامة :- اني هم أحبه

مهران :- هاي أمامة بجعتي وبجعة الگصر وأميرته
اللي يندگ بيها يندگ بيه واللي يضرها يضرني موش تگولون ما درينا خبرتكم من أمس و ارد اخبركم هساع

عاصي :- يو گعدت راحة محد يگرب صوبها شعندنا وياها حالها من حال بنياتنا

أبتهال :- چا إيهاب وين

مَتين :- نزل يمشي بالزرع هو وأسير هسه يجون

سلر :- اصب الكم غده