قلعة الشيخ مهران

بارت47(ج2)

#قلعة_الشيخ_مهران

و عينها الصفراء لقد بعثرت مشاعري
وكتبت في روحي قصائد
و تمكنت من ارباكِ
و إذابت قلبي كــ ذوبان الجليد

.......................................

أمامة :- بس عمو والله ما اگدر انظف هيج شغلات

مَتين :- منو گالج تنظفين مثلهن

_ هي توحيد گالت

_ معليج بيها انسد الموضوع بعد بس انتِ لازم تصيرين مثلهن الشوكت تبقين هيج على اقل شي تبچين

_ ما اگدر عليهن

_ ما اكو ما اگدر عليهن هن نسوان وانتِ مرة

_ هههه لا مو هيج بس هن قويات

_ ما اكو احد اقوى من احد هن مو احسن منج صيري مثل قوتهن واكثر

_ شلون اصير مثلهن اذا هن وحوش

_ صيري وحش مثلهن مو شي صعب

_ الفكرة كلها ما جاي اتقبلها

_ كل مره اگلج انه بظهرج بعد ليش التفكير الزايد

_ انتم كل مره تگولون احنا بظهرج وبس كلام متحاجونهن

_ قابل نروح نضرب عمتي حكاية وهي مرة بگد بيبيتج احنا من نگول بظهرج معناها دافعي على نفسج بهيج امور والامور الصعبة نتدخل بيها احنا

_ تمام منا وجاي اني اتصرف وياهن

_ بس بعقل هاا

_ ماشي 

_ هسه احنا نطلع من الموضوع وانتِ تردين واذا شفتي الوضع صعب غمزيلي

_ ههههههههه عمو دا ضحكني واني ضايجه

_ محد يستاهل تضوجين الخاطره طز بيهم جميعاً حتى مهران

_ لاااا ما اقبل هيج والله جدو هذا لطيف وحباب

_ محد لطيف غيرج

_ شنو

_ اقصد يعني محد لطيف غيرج شلون هيج فكرتي بيه باعي هاج قصدي حظري نفسج للمدرسة

أمامة :- زين عمو منو ياخذني ويرجعني المكان بعيد علينا

مَتين :- من اروح للمستشفى اخذج وياي

_ وبالرجعه لأن انتَ ترجع متأخر

_ اطلع من وقت وارجعج

_ جاي اتعبك ما اعرف شلون اشكرك على وگفتك وياي ويا اخوية

_ واجبي هذا ما سويت شي

_ زين شلون اول يوم الدوام اني اريد اروح ويا آراي اشوفه وأطمأن عليه ومنا مدرستي

سكت ما حچى شويه ورجع گال

_ غيبي اول يوم عادي مو مشكلة

_ بعدنا ما بدينا هههه