قلعة الشيخ مهران

بارت71(ج2)

#قلعة_الشيخ_مهران

دوم العيون الصفر بلوه
كاتلني واخذ مني عطوه
حگ الله ولفي تعب يسوى

         ..............

وخل يحجون ذوله الما حظوا بيها
سبع فدوات يرحون المعانيها
جنها مراية باوع بيها جم عريس
كلها تروح فدوة الحجل رجليها
ماخذها بشرف ما واصل الشباچ
ادنگ مستحى من تنعنى احاچيها 

     ................................

أمامة :- عمه إبتهال تلطم على وجهها وتعيط كل صوت ولا الثاني بيت عمو سند اجوا يركضون على صوتها واحنا طلعنا كلنا على الصوت ، سلمى لزمتها هي وليان يردن بس تبطل لطم على وجهها ماكو گعدت بالگاع ملخت نفسها تملخ اخر شي جدو رضوان حچى وياها

رضوان :- بس خلنه نفهم تسودنتي شمالج

إبتهال :- تعال ليه خالي وشوف ضيمي طلع ماخذه مره عليه وانه هنا مثل ناطور الخضره

رضوان :- شوكت اخذ فهمينا وحده وحده

إبتهال :- ما ادري ما ادري

إياد :- شلون دريتي متزوج منو گالج

إبتهال :- امس ما رد للبيت ونخابر عليه ما يرد علينا انوب رد گال رايح يم امه يشوفها ويبات الليلة يمها وانه صدگته كل ظني مثل كل مره يروح لمه ويبات يمها تالي طلعت البيتات يم مرته ولكم شلون بيه شلون

إياد :- شلون عرفتي رايح المرته بس فهمينا

إبتهال :- هسه دگيت عليه اريده يجيب وياه ريوگ طلعت الي وگالت رجلي نايم تعبان

حچت هيج وبقت اضرب على گصتها وتصيح
نايم تعبان نايمممم

رضوان :- گومي غاد بالقصر خلنه ننطر ونشوف شنهي السالفه هاي

گومنها البنات دخلنها للقصر وهي تشيل روحها وترگعها درت وجهي على نينه لازمتني الضحكه خزرتني تخاف لا احد يشوفني

گعدت بالصاله وساعه تلطم وساعه تعيط وتفززنا بصوتها و جدو رجال جبير وما يتحمل عياط اباوعله گام يرجف خطيه وهي صوتها يزف طبلة الاذن گال العمو إياد خابرلي مَتين خل يجي عمو إياد راح جاب تليفونه واتصل بيه ورجع يتصل بعمو عاصي وما يرد اقل الساعه ودخل عمو مَتين يعرف بالموضوع عمو إياد من مخابره مسولف اله

مَتين :- اجى لو لا

إياد :- لا ما اجى الهسه واخابر عليه ما يجاوب

إسلام :- تلگاه بالعسل نايم

مَتين :- بلا سخافة

إسلام :- هو انه السخيف لو ابوي الزلمه الشايب الرايح متزوج بالبوگه

مَتين :- تريد تقنعني ما عندك علم

إسلام دار وجهه على أمه وأبتسم هو أبتسم وامه تخبلت گامت ركضت للباب جابت النعال هو طفر من مكانه ختل ورى جدو رضوان ولا تگول رجال شگده وشكبرة