قلعة الشيخ مهران

بارت16

#قلعة_الشيخ_مهران

              ولك بالروح عشقً لا ينتهي
          فكيف لا تدمنك روحي وانتَ دوائها

                  ..............................

مهران باوعلي وهز رأسه بساع فهم بـمـؤنس رايدها واحد من إعماها گام واعترض ما راضي

مهران :- من بعد هل الطلب ما النا طلب اخر راح اطلب البت منكم هاي چدام الناس الاجاويد الگاعدة وزحمه عليكم تردوني وانـة صاحب حگ عليكم واطلبكم رد اعتبار الي والحرمتي

_ هذا هو شيخ انطيناك اذا الله انطاك الابنية الكم مبارك عليكم صاح عمها الثاني الما راضي

_ مو بكيفهم ما عدنا بنات للزواج البنات اريدهن الولدي من هذا لگيناه گاعد بيت المرحوم اثاري حاط عينه على حريمهم

مهران :- كلامك مرجوع عليك موش احنا اللي نحط عيونه على حريم الوادم ولا من شيمتنه نخون الامانه الزلمة ابوهن مأمنهن عد أبني وابني ما عمل الشينه وهو رابي وياهن من هو زغير ودشته وطلعته من زمن المرحوم موش جديدة هل المره راح اسكتلك الخاطر الناس هاي اللي ناگلينها وياكم المرة الاخرى يو تجاوزت على واحد من اولادي حسابنا يصير غير

عم اثمار :- ابو أسير احسبها عليه واني گتلك گدام الناس هاي كلها البنية الكم بس اول شي نشوف رأيها احتمال ما تقبل وإذا ما قبلت تعذرني ما اجبرها على الزواج

مهران :-  يو على البت ام اسير تروح تحچي وياها
الناس اللي جايبينهم كُلهم  وصاروا ويا مهران يردون الموضوع يخلص بدون مشاكل وگالوا الهم زوجوا البنية ما دام الشيخ خطبها منكم وبهذا الزواج تخلص مشكلتكم وتفض على خير وتصيرون نسابه على حب الله ، بعدها ودعونا وراحوا و اول ما راحوا اجاني مهران معصب ومختاض مني حيل

مهران :- مو هذا العشم يحرمة الشيخ يالمعدله

تاضي :- ابني يحبها ويريدها ويو مطيحها الهم بعد ما يطونها اله  مؤنس يطگ ويموت وراها

_ عليش ما خبرتيني بلاول زينه هاي من دشين بنص الديوان وتحطين شروط وانه زلمتج اغط بنص ادومي جدامهم

_ انه المعيول عليه و انه المهيونه وابني الرايح بيها يو ما داشه وحاجيه يضيع ابني من  بين اديه

رضوان :- انـة اول هيل ما رضيت على دشتج بس من دريت بـمـؤنس يريدها وشفت حچي هذا عمها گلت زين سوت وخلتنه نحصرهم هسه ونجبرهم يرضون بالخطبة ، مهران سكت ما حچى شيء عافنه وراد للديوانية ( الاستقبال ) ضليت گاعدة يم امي وهو خله يظل وحده حگه يعصب مني بس ما عندي غير حال احافظ بيه على گلب وليدي المتلوع بحبها من سنين

رضوان وعاصي راحوا للمركز يجيبون الولد والله ساعه ولنهم داشين علينا ركضت عليهم حظنتهم اثنينهم وثغبت أسير يثغب وياي ومـؤنس يمسح على رأسي ويحبب بيه گوه سكتوني ودشو الامي حبوها برأسها وبيدها وگعدوا احداها ( بصفها )