قلعة الشيخ مهران

بارت44(ج2)

#قلعة_الشيخ_مهران

                      الى أحدهم
تحتاج قليلاً من الجنون لتنجز أشياء عظيمة

.................................

مَتين :- وين

أمامة :- اودع خاله

مَتين :- على غرفتج

باوعت اله متفاجأة شنو هالكلام ليش ميقبل اطلع وليش اصلاً معصب وضايج مني ما مسويه شيء أني

أمامة :- شبيك عمو

مَتين :- مابيه شيء ادخلي الغرفتج ارتاحي

أمامة :- اريد اودع خاله

_ ناس غرب برى

_ اي هذول عبدالله وعمو وعمر عادي مو غريبين

_ اخوانج اخوالج اعمامج يقربولج من العشيرة شلون مو غريبين أمامة روحي الغرفتج حبابه

لزمتني العبرة شويه وابچي من كلامه ما اعرف شلون تمالكت نفسي وما بجيت رجعت للغرفه دخلت وسديت الباب شويه ورجع العياط بالبيت وجدو يسب وينعل بــ إسلام وگفت وراه الباب
احاول اسمع إسلام شنو حچى وياهم وهيج جدو وعمو سند معصبين من عنده

عاصي :- گول يا الله بوية شني السالفه ما تسوى

مهران :- وانتَ وبزرتك تعرفون الله ولكم يشهرني ويفضحني چدام العالم و روح ابوي اليوم اذب بيه سند من العشيرة وبعد ماله گعده هنا

إيهاب :- جدي ترى هالمره اسلام ما غلطان أنتَ انطيت كلمه الاهل كرم شلون تسكت من يخطبونها بعدين هي شكو معرسه عوفها تكمل بعدهي صغيرة مو وضع هذا يوميه جايينا واحد
لو ترفض العالم لو تنطيها

مهران :- ما سكتت ولكم بعدني ما راد وهو سبگني وگام يصيح على الوادم ما عندنا مره و هي مخطوبه انه خاطبها ادب سزز السايب شوكت خطبها اجيت وراه اگله تريدها يگلي لا

سند :- وين راح اليوم اكسره ومحمد اذا ما يريدها شكو عارض بقسمتها

عاصي :- لا ما يريدها هي اخته خله يولي يحچي وحده

سند :- واذا ما يريدها ليش هيج كسر بختها گدام الناس لك يوگف بوجهنا ويگول جنت ضام الكم مفاجأة للخطبه الله يعلم شنو باله وعلي ابا الحسن إسلام اذا ما عيبته ما انحسب على الزلم

خليت إيدي على گلبي عزا بعيني شنو يريدني َوالله لو يموت لو اعرف اموت نفسي ما اقبل بيه
شديخربط ليش هيج جاي يحقر وياي رجع جدو عاط بصوت عالي

مهران :- مَتيييين

مَتين :- نعم

مهران :- فهمني عليش ساكت

مَتين :- شتريد احچي يعني من الاول گلت الك لا تأمل كرم ضربتني بعرض الحايط  ورحت گلت الهم انطونا مهله نفكر بالموضوع وهسه رجعت تأمل هذول عمي الله يخليك طلعني من الموضوع مالي دخل