في بيت ابو ماهر
كان محمد جالس بالمجلس لحاله و يهوجس بحياته
دخلت أميرة: محمد علامك قاعد هني
تنهد محمد: والله يا أميرة افكر بأمي وأبوي، ودي ارد للديره بس مدري شقول للعيال، و خايف من ردة فعلهم
أميرة: وش بيقولوا يعني ذول امك و ابوك من زمان ماشفتهم.
محمد: طيب و شغلهم.
أميرة: عادي يلاقون شغل قريب من الديره.
محمد: تمام خلاص بكلمهم اليوم.
__
بعد الغدا بغرفة الأكل
محمد: اقعدوا بكلمكم بموضوع مهم
ماهر: سم يبه
محمد: سم الله عدوك، انا قررت أن نرد للديره
كان راح يقاطعه أمجد بس خزته عبير.
محمد: ادري انكم ما بتوافقون بس انا ما شفت اهلي من 15 سنة معد اقدر البعد عنهم . وانا بعمري ماطلبت منكم شي بس ابيكم تلبون لي هذا الطلب، و إذا للبيت شفت بيت بجنب بيت ابوي زين و يوسعنا كلنا .
عبير: ليش ما نوافق والله وناسه نرد للديره.
ماهر: إلي ودك في يصير يبة
لف على شروق و أمجد و سحر لقاهم يبتسمون له
حس براحه و كأنه حمل و نزاح عن قلبه.
محمد: انزين الأسبوع الجاي بننقل ضبو أغراضكم.
__
بنفس الوقت عند الجد خالد
جالس مع عياله كلهم، يناظر كل واحد و يتأمل ضحكته
عبدالعزيز: فيك شي يبه
خالد: لا بس افكر لو محمد معانا بتكون الجلسه احلى
معاذ: افا ما تعجبك جلستنا
تركي: اسكت بس اسكت قصده ان الجلسه حلوه بس تصير احلى بوجود محمد
خالد: معاذ وراك قاعد قوم صب قهوة
فز معاذ يصب لجده و اعمامه، و العيال يضحكون على شكله.
عزيز: ان شاءالله
__
بعد مرور اسبوع
محمد: أمجد حرك بسرعة حط الأغراض
أمجد: يبه ليش مو كل وحدة تجي تشيل أغراضها ولا بس شاطرات يعبن بالشنط
ضربه محمد على ضهره: انت ما تستحي، ودك خواتك يشيلن الأغراض وانت ايش ناقصك رجل ولا يد.
ماهر: لا يبه قصده ان الأغراض واجد، بس لا تحاتي يالغالي انا و هو بنخلص بسرعه
محمد: تمام بس بسرعة ورانا طريق طويل
شروق: يبة ليش ما سافرنا بالطيارة ضروري نتعب يعني
محمد: يابنتي انتي تدرين اني ما اطيق الطيارة ولا احبها و بعدين السفر احلى بسياره
عبير: والله انت صادق بالسياره نعيش أجواء السفر الحقيقية.
أمجد: عبيروه بس قولي انك تخافين من الطيارة
أميرة: بنتي ما تخاف من شي هي صادقه بكلامها، وانت ليش للحين واقف روح ساعد اخوك شال كل الأغراض وانت بس شاطر تتفلسف فوق راس بنتي.
نزلت سحر و هي ماسكه دفترها
محمد: هلا وغلا بنتي الغاليه، جهزتي حالك؟
سحر و هي تبتسم لأبوها: اي يالغالي
أميرة: تمام يلا إلبسو العبي و النقاب و يلا على السيارة.
__
بعد ساعتين و نص طريق اخيرا و صلو الديره.
لف محمد على بناته: جهزوا حالكم وصلنا
كل وحدة عدلت شيلتها و نقابها
كان ماهر يسوق السيارة الي أهله فيها و أمجد سيارة الشنط، و قفت سيارة ماهر قدام محل و نزل هو و ابوه.
محمد: السلام عليكم
أحمد و معاذ : وعليكم السلام
معاذ: تفضل عمي وش بغيت
محمد: والله ادور بيت خالد آل فارس
معاذ بستغراب: هذا جدي
محمد اول ماسمع هذي الكلمة حضن معاذ و أحمد و هم بس واقفين مستغربين شقعد يصير.
محمد: افا ماعرفتني انا عمك محمد
معاذ: اهلين اهلين بعمي الغالي شلونك شلون صحتك عساك بخير.
محمد: بخير بخير .
أحمد: شلونك خالي ان شاء الله بخير
محمد: الحمدلله بخير بس انتو عيال من
معاذ: أنا معاذ ولد عبدالعزيز
أحمد: وانا أحمد ولد سارة
محمد:هلابكم، هذا ولدي الكبير ماهر
ماهر: السلام عليكم، شخباركم عساكم طيبين
معاذ: الحمدلله على أحسن حال.
أحمد: ندلكم لبيت جدي؟
محمد: اي إذا فاضين
معاذ: نفضى عشانك يا عم
طلعو برا المحل و لف معاذ على راجي و هو يقله يدير باله و يشوف الزباين.
ركب معاذ و أحمد مع أمجد بالسيارة
أمجد: السلام عليكم
معاذ و أحمد: وعليكم السلام
وكل واحد عرف على نفسه و راحت سيارة أمجد قدام سيارة ماهر عشان يلحقه.
أنت تقرأ
يا اول احبابي...و يا مسك الختام
Romance|| و كُنْتُ أَعَيْبُ الْحُبِّ و نَسِيتُ أَنَّ مِنْ عَابَ اِبْتَلَى ||💓 حساب الروايه تيك توك s12ilam
