يا اول احبابي...و يا مسك الختام

39

بمجلس الحريم

يسولفون كلهم مع بعض ويضحكون و عبير جالسه بين جدتها و امها وهي كل شوي تلف تحضن امها
شروق: عبير خلاص عاد ترا ما هاجرتي غبتي نص يوم
ام ماهر وهي تحضن عبير: وانتي شعليج انا بعد مشتاقه
مشاعل بغمزه: اقول عبير شلون الأجواء مع اخوي
رمت عليها ام مشعل علبه المناديل: اقول مو انا قلت لا تزعجين عبير ولا تحاشرينها ولا شنو؟؟
مشاعل بتمثيل الألم : اخخ يمه عورتيني
علياء وهي تضحك: تستاهلين
غاده بضحك: محد قاللك إسألي
أم مشعل : عشان ثاني مره تسمعين الكلام
جود: بخاطري ارقص
عبير اللي على طول قالت: أنا بعد
ام تميم: اي قوموا ارقصوا
بشرى: دقيقه اجيب المسجله
وطلعت بركض لغرفتها جابت المسجله و رجعت
قاموا جود و عبير وهم يربطون الشال على خصرهم و يتمايلون مع الأغنيه
**
وشربت حجرين على الشيشه
مع توتو والسبع وويشا
وخدنى جعران والكابتن وروحنا عن عماد فيشا
ونزلت وانا ماشى فى الشارع
شوفت اللى نازل ليه طالع
فضلت ماشى مع نفسى وقولت اشوف الى فى نفسى
اروح ادور اروح ادور اروح ادور على نفسى
ويانى يانى يانى
**
بيان بتعزيز: الله عليكم وش ذا
غاده: الله يرزقنا ليونتهم
و كانت عبير تتمايل بخصرها وتهز بصدرها و جود بالمثل و البنات منبهرين و الأمهات يصفقون
الجده نوره: ماشاءالله عليهن
طلعت مشاعل جوالها و قفت بزاويه بحيث محد يبين غير عبير و صورتها فيديو وهي تقول: والله بيطيح اخوي فوق طيحته و طرشت الفيديو لمشعل و سكرت الجوال
قامت ريم تنضم لعبير و جود وهي بعد تحب الرقص شروق وهي ماسكه اشواق و تصفق  : شوفي امك شلون ترقص تعلمي منها
الجده نوره وهي تأشر على باقي البنات : قوموا كلكم يلا لا اشوف وحده قاعده
قاموا كلهم يرقصون
_________

عند مجلس الرجال

وصلهم صوت الأغاني
تركي بضحك: تحركوا البنات
أحمد بحلطمه: احسن من جونا الميت
الجد خالد وهو يضربه على راسه : اعقب جو الرجاجيل مب عاجبك !؟
أحمد وهو يغرك مكان الضربه : نمزح يا جدي نمزح
حسين: ليش ما نروح المخيمات
ابو مشعل: مب الحين خل مشعل يرد من مهمته و بعدها نروح
ابو زياد: اي كذا احسن
ابو ماهر: مشعل كم مدتها؟
مشعل: للحين مب اكيد بس اتوقع شهرين و نص
ابو تميم : الله يقويك يا ولدي
ماهر: عاد رد لنا بالسلامه
مشعل: لا توصي حريص
علي : اوف مليت
معاذ: والله حتى انا
أمجد: قوموا نروح المقلط
تميم: ايوا في مباراة بعد شوي ابي اتابعها
أحمد: حتى انا
قاموا أمجد و علي و تميم و أحمد و معاذ و بيطلعوا بس وقفوا من ناداهم جدهم
الجد خالد: على  ين انت و ياه
أمجد: جدي في مباراة بعد شوي بنحضرها بالمقلط
الجد خالد: اي زين
ابو مشعل: لا يطلع صوتكم
معاذ: ابشر
وطلعوا العيال و بنفس اللحظه جت رساله لمشعل و كانت فيديو ما حب يفتحه قدامهم فقام: عن اذنكم دقيقه و ارجع
طلع و راح للمطبخ فتح الفيديو و شاف عبير ترقص انصدم ما توقع ذا يطلع منها  نسحر بشكلها و حركات جسمها صار يبي يشوفها ما يقدر يمسك نفسه وعلى حضه دخلت عبير المطبخ بيدها فناجيل القهوه تبي تغسلهم بس وقفت لما شافت مشعل صافن بالجوال
عبير: مشعل شتسوي هنا؟
لف لها اول ماسمع صوتها و سكر جواله مشر لها و صار قدامها اخذ الفناجيل و حطهم على الطاوله و سحبها له نزل راسه لرقبتها يستنشق عبيرها وهي من الصدمه ماعرفت شتسوي
حاوط خصرها وهو يطبع قبلات على رقبتها و نحرها
عبير بربكه من حركته:مشعل..
قربها عليه أكثر و رفع راسه: يا زين اسمعي على منطوقك
بتسمت له بخجل: تبي شي؟
قرب لها وهو يهمس : ابيك ، شسويتي فيني يا بنت محمد
ضحكت بخفه وهي تمد يده لشعره تخلخلت اصابعها بين شعره
مشعل وهو تخدر من حركتها: شرايك نطلع غرفتنا
حمرت عبير من كثر ماهي مستحيه : تو الناس بدري للنوم
مشعل وهو يقبل نحرها : مو عشان النوم
عبير اللي حست حالها رح تنفجر من كثر ماهي خجلانه
بس قبل ما تقول شي دخلت عليهم مشاعل اللي تنادي بإسم عبير
وقفت مكانه مصدومه من المنظر القدامها شلون مشعل نازل لمستوا عبير و محاوط خصرها و دافن راسه بنحرها
رفع راسه من سمع صوتها
مشعل: شتبين ؟
مشاعل بربكه: سلامتك يا خوي كمل بطلع
و طلعت ركض تاركتهم يضحكون عليها
مشعل وهو يلف على عبير: اي وين كنا
عبير بضحك: بدري رد لجدي و انا برجع لهم بعد
مشعل وهو يتنحنح: طيب بس الوعد بعدين
عبير بخجل: يصير خير
و طلع هو للمجلس وهي بعد رجعت للبنات
_____
بمجلس الحريم
دخلت مشاعل وهي تركض
الجده نوره: شوي شوي علامك
ام ماهر: وينها عبير ابطت
مشاعل : أنا ليش حضي كذا مو قلت لكم لا تبعثوني ورا المتزوجات
بيان بضحك: لايكون كان مشعل موجود
مشاعل وهي تغطي وجهها بيدينها لإنها ستحت: اي!!!
شروق وهي تضحك على  ملامح مشاعل: يلا عادي اخوانك و حريمهم
مشاعل: مو ذي المشكلة هم أخواني
غاده وهي تضحك بخفه : يلا خلاص اخر مره
قعدوا يضحكون البنات عليها و دخلت عبير تجلس جنبها
عبير بخجل : مشاعل
قاطعها مشاعل: لا تقولين شي خلاص انا اساسا ما شفت شي
ضحكت عبير: زين زين
جود : يوه يعني ما سويتي قهوه
مشاعل بحده: طبعا لا
جود وهي تقوم: زين هدي انا بروح
وطلعت جود للمطبخ تجدد القهوه
واقفه تنطر القهوه تجهز وهي مو منتبهه على اللي دخل المطبخ يتأملها
لفت من سمعت صوت وراها
تجمدت بمكانها من شافت حسين متكي على الحيط و  يناظرها
تخبت بسرعه ورا الباب
جود بحده: انت شجابك!؟
حسين اللي نسا ليش جا بسببها وهو كان يبي امه او وحده من خواته عشان يجددون له القهوه
حسين: افا تتخبين مني يا جود
جود بربكه: اكيد ما احل لك
حسين: قريب بتصيرين لي
نصدمت من كلامه بس مثلت الحده: تندل بيتنا و كلامك مع ابوي و اخواني
بتسم من كلامها : ابشري يالغاليه
جود بتوتر: اي طيب شتبي الحين ابي اطلع
حسين: جددوا القهوه
جود: زين خلي الدله و اطلع و ارجع بعد خمس دقايق
حسين: تمام
و سوا مثل ما قالت ترك الدله و طلع وهي سوت قهوه لهم و قهوه للرجال و حطتها باللدله و طلعت وهو جا و أخذ قهوتهم
______
دخلت جود و بيدها دله القهوه: أنا جيت
شروق: كان نمتي
علياء: ليش طولتي
ريم: ايوا
جود: هدوا سويت قهوه بعد للرجال
الجده نوره: يعطيك العافية يمه
ام زياد: عفيه بنيتي
قامت غاده وهي تصب قهوه للكل ورجعت تقعد
بشرى وهي تهمس لجود: مين جاب دله الرجال
جود بنفس الهمس: إذا تعرفين ليش تسألين
بشرى وهي تضحك بخفه: بس حبيت اتأكد
جود بحده : اوف من اخوك بيذبحني
بشرى بضحك: خلاص كم يوم و حنا خاطبينك
ضربتها جود: سكري فمك لحد يسمع
بشرى وهي تحاول تمسك ضحكتها : ابشري
___________________________________________

حساب الروايه تيك توك
S12ilam