قعدت تحس بصداع مو طبيعي و جسمها كله يعورها اخر شي تذكره انها طاحت بسبب بدر و الحين هي مربطه و ولا تقدر تتحرك ما تعرف الساعه كم و إذا أهلها دروا بموقعها للحين ولا
سمعت صوت بدر يناديها : عبير و أخيرا قعدتي
عبير بخوف: شتبي مني؟
قرب منها بدر و مسح على شعرها: لا لا يا عبيري كم مره عدنا السالفه
عبير و الدموع بدت تنزل على خدها : بدر تكفى خلني اروح تكفى ما بقول لحد اللي صار بس ابي ارد للبيت تكفى يا بدر ما تخاف من ربك ليش تسوي فيني كذا ليش؟؟؟
بدر بخبث: مو بالسرعه ذي يا حرم الفريق ورانا حسابات لازمن نصفيها
و سحب عصا من الأرض و ضربها بقوه على ضهرها
صاحت من كثر الأرم بس ذا ما وقف بدر ظل يضرب فيها لين اغمى عليها و تركها مغرقه بدمها و طلع
________
قربت سياراتهم من موقع المزرعه بس ما يبون بدر يعرف بوصولهم و قرروا يكملون مشي
حسين: الحين مشعل انت بتدخل اول شي ؟
مشعل بحده وهو يلف على العساكر: اكيد محد بيدخل معي بس اناديكم ادخلوا زين؟
اللواء يوسف: ابشر طال عمرك
لف مشعل لماهر: انت بعد لا تدخل
ماهر بستغراب : ليش اختي تراها ؟
مشعل: عشانها اختك ما نعرف شنو وضعها و مثل ما قلت بس اناديكم ادخلو
توزعوا العساكر حول المزرعه يحاوطونها من كل زاويه عشان ما يهرب بدر و مشعل صعد الدرج و يحاول ما يصدر اي صوت دخل اكثر من غرفها لقاها فاضيه لين وصل أخر غرفه بالممر
أول ما فتح الباب جت رصاصه بتجاهه بس قدر يتجنبها
و ما صابته قدامه كان بدر واقف و مأشر السلاح عليه و عبير ملقوحه على الأرض جمبه و تصيح خايفه لايكون صار شي على مشعل
تجمد مشعل بمكانه معد يسمع و يشوف اي شي غير عبير و منظرها شلون وجهها معبي دم و ثيابها كلها عليها دم وفي كدمات باينه على يدها
قرب مشعل و بهدوء: عبير..عبير يا عيوني انا هني لا تحاتين
فتحت عيونها عبير من سمعت صوته: مشعل؟
حاول يقرب بس قاطعه بدر: لا تقرب يا طيب لا تكون نيست وين انت
لف له مشعل و بحده: ابعد عن زوجتي يا بدر!
بدر بضحك: والله عجيبين انتم يا آل فارس تحسبون بس اللي تبونه بيصير لا يا حبيبي مب مبعد وش بتسوي
قرب له مشعل و رفع السلاح عليه: ابعد عن زوجتي لا اندمك على الساعه النولدت فيها صامع ولا لأ !!
قرب لها بدر ورفعها من شعرها بدت عبير تصيح اكثر من الألم و بتسم بدر بخبث : قربت شوفني
شتعلت نار بصدره من صوت صياحها يحس قلبه يتقطع مع كل صيحه ما يعرف شنو يسوي خايف لا يصير عليها شي و تتأذه اكثر
حط سلاحه على جنب و ركض بسرعه و سحب السلاح من يد بدر و اشره عليه
مشعل بحده: سلم نفسك انت محاصر
و على كلامه دخل ماهر و اخذ اخته و غطاها و بدون ما يحسون طلع بدر سلاح ثاني و قوص على مشعل
صرخت عبير من شافت زوجها يطيح على الأرض و بسبب صراخها دخلوا العسكر و حسين معهم مسكوا بدر و مشعل اخذوه على المشفى
_________
بيت الجد خالد
كل البيت قاعد على جمر ينطرون خبر حلو من اي حد
ام ماهر بخوف: مو كنهم طولوا؟ لايكون صار شي؟
أمجد وهو يحب راس امه: لا يمه إن شاء الله الحين يجون
رن جوال ناصر اللي قلب وجهه اصفر بعد الكلام اللي سمعه
ريم بخوف: اسم الله عليك شنو في؟
ناصر: مسكوا بدر
مشاعل بفرحه: اي الحمدلله
ام مشعل: اي وينهم طيب جايين؟
تنهد ناصر: لا ...لا هم بالمشفى
الجده نوره بخوف: حد فيه شي؟ صار عليهم شي؟ ناصر انطق علامك؟
ناصر: حسين يقول عبير فيها جروح واجد و.... مشعل جته رصاصه بكتفه
طاحت ام مشعل على الأرض من نزل ضغطها: عيالي!!
مسكها ابو مشعل: اذكري الله مافيهم الا كل خير إن شاءالله
ناصر: لا تحاتين يمه حسين قال مب خطيره
الجد خالد: اي يلا شتنطرون ؟ خلنا نروح لهم
تركي: يبه خلك هني ارتاح بنروح نحن نشوفهم
الجده نوره: لا والله كلنا رايحين يلا قدامي
و طلعوا كلهم متجهين للمشفى
________
أنت تقرأ
يا اول احبابي...و يا مسك الختام
Romance|| و كُنْتُ أَعَيْبُ الْحُبِّ و نَسِيتُ أَنَّ مِنْ عَابَ اِبْتَلَى ||💓 حساب الروايه تيك توك s12ilam
