بيت ابو ماهر
دخلوا البيت وجلسوا بالصالة يسولفون عن الملكه و أم ماهر طايره من الفرحه و مبسوطه على بنتها
تنهدت بتعب ام ماهر: هذي البنت بتذبحني كل ما قلت شي تقول مب ضروري
ابو ماهر: ليش يا يبه خلينا نفرح فيك
عبير: مدري يبه احس ما يحتاج كل ذا التجهيزات و الأغراض
سحر: اقول لا تردون عليها
شروق: بعدين احنا بنجهز كل شي انتي بس ختاري الفستان و كثر الله خيرج
عبير بستسلام : زين خلاص اللي تبونه
ام ماهر براحه: ايوه عفيه بنيتي
ماهر: تبون اوديكم السوق بكرا؟
ابو ماهر: اي يا ماهر وظل معهم
ماهر: ابشر
أمجد: أنا بعد ابي اروح
ابو ماهر: لا ما يحتاجون تزعجهم انت بتجي معي بيت جدك
أمجد و هو يمسك قلبه: افا يبه انا مزعح ، اخ قلبي يعورني
بس عادي بجلس مع العيال
ماهر: سبحان الله انت و معاذ نفس الطينه
ابو ماهر وهو يضحك : اي والله كل تصرفاتكم نفس الشي
جلسوا شوي بعدها عبير ستأذنت لان عندها شغل الصبح و خواتها لحقوها ز بعدها بشوي قاموا ماهر و أمجد اللي كان نص نايم و ماهر يسحب فيه و ماظل غير ابو ماهر و أم ماهر قام ابو ماهر و جلس جنب زوجته و حاوطها بذراعه و هي سندت راسها على صدره
تنهدت أم ماهر: كبرت بنتنا يا محمد كبرت و رح تصير عروس
ابو ماهر اللي قعد يسترجع بالذكريات، تمر على باله كل مراحل حياه بنته
ابو ماهر: اذكر امس متخرجه من الثانوي
أم ماهر: و لمن قالت لنا انها تبي فنون
ضحك بخفه ابو ماهر: اي و كانت تصيح لأن فكرت إنا ما بنوافق و نغصبها على الطب
أم ماهر: ولا اول يوم لها تدريس رجعت مبسوطه و الفرحه واضحه على وجهها
تنهد بضيق ابو ماهر: و اليوم نخطبت و الجمعه بتصير على ذمة رجال ثاني
بدوا دموع ام ماهر يطيحن : الله يكتب لها الخير يا رب
لف لها ابو ماهر و مسح دموعها : لا لا يا أميرة ليش الدموع إن شاء الله كل أيامها سعادة مع مشعل و الله يرزقهم كل خير
ام ماهر: ان شاءالله
______
بيت ابو مشعل
دخلوا البيت و لقوا مشعل منسدح بالصالة و يديه على عيونه ، حس بدخولهم و قام يعدل جلسته
مشعل: السلام عليكم
ابو مشعل: وعليكم السلام، متى جيت؟
مشعل: قبلكم بشوي
أم مشعل: زين يا ولدي ضبط شغلك عشان الملكه
مشعل: لا تحاتين كل شي تمام
جلست جنبه مشاعل: يا هلا والله بأحلى عريس
حاوطها بذراعه: اهلين فيج
بشرى: لا لا كذا ما يصير
وراحت هي بعد تجلس جنبه من الجها الثانيه: مو بس هي
ضحك بخفه و حاوطها بعد: اكيد ما يصير شي بدونك
بشرى وهي ترفع راسها بغرور : طبعا!
مشاعل: خفي علينا شوي
ام مشعل: لا عاد انا بعد غرت
جلس جنبها ابو مشعل و حضنها : انتي عندي
معاذ: اوف يبه حركات !
حسين بضحك: العب ! وش ذا؟
ايو مشعل وهو يناظرهم بحده : انطم انت و هو
كان جالس معهم بس كل تفكيره معها و شلون هي خلاص صارت له و قعد يتذكر كل تفاصيلها بالأخص شامتها اللي بنص صدرها
قاطعه صوت معاذ اللي شهق بصوت عالي
ام مشعل: علامك يا ولد؟
معاذ بحلطمه: الحين الغرفه ما بتصير لي بس رجع هذا ، وهو يأشر على حسين
حسين: وخير يا طير لا يكون مب عاجبك؟
معاذ: اي مو عاجبني
حسين سوا حاله انه بيقوم له يس معاذ قام ة جلي جنب امه: هدي يالطيب نمزح بس
حسين: اي زين
طبعا فرق البنيه بينهم كانوا كلهم طوال بس مشعل و حسين عندهم عضلات اكثر من معاذ و ناصر طبعا مشعل كان اضخمهم كلهم فكانوا يخوفون معاذ بحجمهم
تذكر ان عنده شغل الصبح لف على بشرى و حب راسه بعدين حب راس مشاعل
قام وحب راس امه و ابوه: تصبحون على خير وراي شغل الصبح
ام مشعل: وانت من اهل الخير يا ولدي
ابو مشعل: الله يقويك
وطلع لغرفته ينام
أنت تقرأ
يا اول احبابي...و يا مسك الختام
Romance|| و كُنْتُ أَعَيْبُ الْحُبِّ و نَسِيتُ أَنَّ مِنْ عَابَ اِبْتَلَى ||💓 حساب الروايه تيك توك s12ilam
