مرت الأسابيع و الشهور خلال الفتره ذي صار عرس تركي و روز و بعدهم جود و حسين و أخر شي حاتم و غاده و كل من كمل حياته
اما مشعل و عبير كان حمل عبير صعب و كثير تتعب
و بسبب ذا مشعل أصر تاخذ إجازه و ما تشتغل لين بعد ما تخلف
_____
بيت مشعل و عبير
جالسه بالصالة تحس بمغص مو طبيعي من امس فخبرت دكتورتها و قالت لها تحسب المده بين كل مغص وذا اللي سوته و كل شوي يزيد عليها بس خايف تروح المشفى و يطلع مو وقته
مشعل من المطبخ: عبير تبغين شاهي؟
عبير وهي تقوم: اي انا بج.....
قبل ما تكمل جاها ألم و صرخت: مشعل!!!
جا مشعل يركض: ها يا عيوني شنو في؟ شنو يعورك؟
عبير وهي ماسكه بطنها: مشعل!! بولد!!!
مشعل وهو يجلسها على الكرسي: زين زين يلا بس اجيب عبايتك
وهو كالع على الدرج دق على امه و خبرها تروح مع ام ماهر
وصلوا المشفى و نزل جاب ممرضه و كرسي و أخذوا عبير و بعدها بشوي اجوا الحريم
ام ماهر : ها يا مشعل وين عبير؟
مشعل: اخذوها داخل
ام مشعل: الله ييسر لها
الجده نوره: الله يتمم لها على خير و تطلع سليمه و تشيل سعود بحضنك
مشعل: امين يارب مابي شي ثاني غير سلامتهم
كانوا جالسين بقسم الإنتضار وعبير بقسم التوليد
بس صوت صراخ الحريم مسموع بكل مكان
مشاعل: يمه لبش كذا يصرخون
بيان: من كثر الوجع
جود: معد الي خلاص
ام تميم بضحك: نشوف نشوف
سحر: زين كم صار لها داخل
مشعل: نص ساعه
علياء: كل ذا و للحين ما جا البيبي؟
ام مشعل بضحك: يا يمه ياخذ وقت ترا
بعد شي ساعه طلعت الممرضه: فين زوج مدام عبير؟
مشعل:انا
الممرضه ببتسامه: ألف مبروك سلامه المدام و البيبي بنحولهم غرفه و بعدها تقدر تشوفهم
لف مشعل على امه و حضنها و البنات بدوا يباركون
ام ماهر و الدموع تجمعت بمحاجرها: ألف مبروك يا ولدي يربه بعزك
مشعل بصوت مهزوز: الله يبارك فيج
و تركهم و راح مع الممرضه لغرفه عبير
دحل الغرفه و شاف عبير متمدده على السرير
رفعت راسها من سمعت صوت الباب شافت مشعل واقف يناظرها بكل حب واضح الخوف على عيونه
توجه لها و حضنها و حب راسها: الحمدلله على السلامه يا قلبي انا
عبير: الله يسلمك، شفته ولا للحين
مشعل: لا للحين
عبير ببتسامه: طالع حلو يشبهك و عيونه كبار ماشاءالله
مشعل وهو يحب راسها: اهم شي صحته تمام و الحمدلله
عبير: الحمدلله، امي وين؟
مشعل: الحين تجي
دخلت الممرضه وهي تدف العربه اللي نايم فيها سعود
الممرضه: غسلنا البيبي و الحين نايم بس تفضون سلموا اسم البيبي للإستقبال و طلعت الممرضه
مشعل وهو يناظر سعود: بسم الله ماشاءالله
و شاله بين يديه و أذن فإذنه
و عبير تناظرهم و تمسح الدموع من خدها
دخلوا الحريم و توجهوا يسلمون على عبير و يباركون لها
و يتحمدون لها بالسلامه و بعدها لفوا على السعود
مشاعل: يا ويلي شحلاته!!
بيان: اي والله ماشاءالله
غاده: إسم الله عليه اخذ حلاتهم ثنيناتهم
طلع مشعل من الغرفه عشان ياخذون البنات راحتهم و توجه لأبوه و جده اللي جو قبل شوي مع باقي العيال
ابو مشعل وهو يحضن مشعل: مبروك يا ولدي
مشعل: الله يبارك فيك
الجد خالد: يتربى بعزك يارب
ام ماهر: وين عبير؟ بشوفها؟
ماهر: وانا بعد
مشعل: البنات عندها داخل
أمجد: زين بس يطلعون بنروح
حسين وهو يحضن مشعل: مبروك يابو سعود
مشعل: الله يبارك فيك و عقبالك
حسين: امين يارب
_______
بعد كم يوم رجعت عبير البيت بس جلست فبيت جدها عشان يكونون البنات حواليها يساعدونها
يتناوبون البنات مين تنتبه عليه بالليل لمن يقعد عشان ترتاح عبير و كان مشعل يروح لشغله من الصبح عشان يقدر يرجع يشوف عبير و سعود
دحل غرفته بعد ماسأل البنات عن عبير و قالوا له نايمه
مشى بشويش وهو مخبي باقه الورد ورا ضهره عشان ما تشوفها عبير بس هي سمعت صوته و فتحت عيونها
عبير بصوت ناعس: مشعل جيت؟
مشعل ببتسامه: اي يا عيون مشعل
و توجه لها و حب ثغرها و طلع الورد
عبير ببتسامه: الله يجننون تسلم يا حبيبي
مشعل: ذا ولا شي قدام اللي سوتيه عشاني
عبير بخجل: انت تستاهل اكثر من كذا
قرب لها و حضنها و طبع قبلات على رقبتها و نحرها
عبير بخجل: البنات بيجون مع سعود
مشعل وهو يقربها اكثر: البنات برا و سعود بيبقى عندهم الليله
نسدح جنبها و حط راسها على صدره وبدأ يلعب بشعرها
مشعل: مشكور على كل شي يا عبير قلبي
عبير: على شنو يا عيوني ما سويت شي
مشعل: على وجودك معي و جنبي بكل الأوقات وعلى حبك لي يا أول احبابي و احلى ختام
عبير: وانا احبك واجد و إن شاءالله نعيش حياه حلوه مع بعض و نشوف سعود يكبر قدامنا و الله يرزقنا اخوان له يكبرون كلهم قدامنا و نفرح فيهم
مشعل وهو يحب راسها: امين يارب يا قلبي
___________________________________________
و كذا خلصت اول روايه لي🥹😭 مشكوره على كل من حب الروايه و على كل التعليقات الحلوه التكتبونها و اتمنى عجبتكم الروايه كان ودي اكتب اكثر بس لازم اركز بدروسي و إن شاءالله لنا لقاء بالمستقبل بروايه جديده
و مع السلامة يا حلوين 🤍🤍🤍🤍
أنت تقرأ
يا اول احبابي...و يا مسك الختام
Romance|| و كُنْتُ أَعَيْبُ الْحُبِّ و نَسِيتُ أَنَّ مِنْ عَابَ اِبْتَلَى ||💓 حساب الروايه تيك توك s12ilam
