بعد ما خلص الشيخ خطبه الزواج و عقدوا قرانهم توجه حسين مع ابو زياد و زياد للمجلس الداخلي عشان يشوف جود و كان أحمد بعد بيروح بي مسكوه العيال عشان يعرفون بيسوي سالفه ولا بيتركهم بروحهم
دحل ابو زياد و ولده و سلموا على جود و باركوا لها و طلعوا
زياد: معك..
قاطعه ابوه: ادخل يا ولدي و اقعد قد ما ابي صارت حلالك لا ترد عليه
حسين ببتسامه: تسلم يا عمي
دخل و شافها جالسه بأخر المجلس تفرك يدينها من التوتر
حسين: اهلين بعيوني
رفعت راسها جود بخجل: اهلين فيك
قرب لها حسين: اخبار العسل؟
جود: الحمدلله بخير، انت شلونك؟
حسين ببتسامه: بخير دامك بخير
جلسوا شوي يسولفون و يخططون للزواج و حسين يتأمل جود و هي تسولف بكل حماس عن خططها للعرس
حسين: ابشري و اللي تبينه بيصير
جود: تبشر بالجنه، يلا انا طالعه
حسين: عاى وين؟
جود: برد داخل و انت بعد قوم
ضحك حسين: الحين يوم محد قال لي كم لازم اقعد معك انتي تقررين انا رتحت لمن هربت من اخوانك تاخذين انتي دورهم؟
جود: يعني... يعني شتبيني اسوي بعد تكلمنا و خططنا ما بقى شي ثاني
حسين وهو يحب راسها: زين دام انتي تبين بس بكلمك بعدين تمام
جود بخجل: إن شاءالله
________
مرت ايام بعد الملكه و كل واحد رجع لدوامه و شغله إلا مشعل اللي قدم على إجازه عشان يتعالج و يتحسن وضعه
عند العصريات البنات متجمعين بمجلس الحريم مع أمهاتهم و جدتهم و العيال بمجلس الرجال مع ابأهم و جدهم
يرتاحون لمن يقعدوا مع بعض يشاركون هموم بعض و يشاركون افراحهم مع بعض
بمجلس الرجال
جالسين العيال يلعبون بليستيشن و صراخهم مالي المكان
معاذ: لا لا يا أحمد مو كذا!!
أمجد: اي ارمي اللوم على أحمد الغلط غلطك يا فهيم
علي: ركزوا بتبدأ الجولة يلا!
ابو مشعل: استغفرالله ياربي رجال شكبركم جالسين تلعبون
تميم: يا خالي نونس على نفسنا
ابو ماهر: و ما لقيتوا إلا ذا شسمه..بليتشان
معاذ بضحك: بليستيشن يا عمي
رما تركي المخدة عليه: اقول بس الناقص تعلم عمك سد حلقك
الجد خالد: اتركوا عنكم هذي الخرابيط سوي شي مفيد
ابو تميم: يلا قوموا قوموا
أمجد: بس...
مشعل بحده: جدي ما يعيد كلامه
وعلى طول قاموا كلهم
علي: ها يا جدي ابشر
تميم: تأمر أمر شتبي نسوي؟
ضحك زياد: تخافون اجل
ماهر: والله شكله
معاذ: ها لا لا بس معه حق مو مشان شي ترا
أحمد: اي اي
الجد خالد: ما ابيكم تسون شي بس اقعدوا سولفوا معنا تناقشوا معنا مو اربع وعشرين ساعه قاطين وجيهكم على ذي الشاشه
معاذ: ابشر يا جدي
______
اما عند مجلس الحريم جالسين كلهم يسمعون الأخبار من مشاعل اللي ماسكه الجلسه و عندها كل الأخبار
بيان: انتي شلون تعرفين كل ذا؟؟
غاده: اي صج يعني طلعه مب طالعه بس توصلك الأخبار
ماشاءالله
مشاعل: اي طبعآ عندي طرق
سحر: اي كملي شصار عليها
بشرى: اي بدريه شسوت يوم درت انه متزوج
شروق: يا حرام مسكينه كسرت بخاطري
علياء: وانا بعد حزنت عليها
مشاعل: لا تزعلون عليها تستاهل كل اللي صار فيها
عبير: هو ليش طيب؟
مشاعل: طلعت هي بعد مو هينه
جود: اي ما تحترم عيلته ولا تسوي اي شي من واجباتها كزوجته
بيان بضحك: وانتي بعد شدراك؟
مشاعل: أنا و جودي فريق يا قلبي
غاده بضحك: أكبر نقالين علوم والله
الجده نوره: يا بنات خل عنكم الحش ذا ما يصير
سحر وهي تضحك بخفه: بس يا جده انتي بعد كنتي تسمعين
ام تميم بضحك: والله كلنا مو بس امي
ام ماهر ببتسامه: ذا الموضوع فطره عند كل الحريم سبحان الله
ام زياد: غاده يمه قومي جددي القهوه للرجال محد يضبطها كثرك
غاده: ابشري من عيوني
ام زياد: تسلم عيونك
مشاعل وهي رافعه حاجب: بس انا بعظ اعرف ازهب القهوه
سحر: لا تكفين قهوتك ما تنشرب
مشاعل: عساس قهوتك طيبه
ام مشعل: نقول الصدق أطيب قهوه قهوه غاده و بس
عبير: اي والله صح
الجده نوره: طبعا ذي حفيدتي طالعه علي
ام مشعل: اي والله نفس الطعم
مشاعل: خلكم من سيره القهوه شنسوي الحين مليت
ريم: اي غيري الموضوع عشان غرتي
مشاعل بتمثيل عدم الإهتمام: لا شدعوه بس مليت من السيره
بشرى: اي اكيد اكيد
مشاعل وهي قايمه: مالت علي اسويلكم أجواء
عبير: اقول بس اقعدي اقعدي
أنت تقرأ
يا اول احبابي...و يا مسك الختام
Romance|| و كُنْتُ أَعَيْبُ الْحُبِّ و نَسِيتُ أَنَّ مِنْ عَابَ اِبْتَلَى ||💓 حساب الروايه تيك توك s12ilam
