مر اسبوع عفى دخول مشعل المشفى و اليوم بيقدم خروج اما عبير طلعت بعد ثلاثه ايام بس
مشعل بحده: بطلع اليوم
معاذ: يا خوي ليش ما تقعد اكثر ؟
حسين:ليش يا شيخ محد أكلها غيري كل يوم امسك خط ساعه روحا و ساعه رجعا
ناصر: زين زين الحين اكلم الدكتور
تميم: صح جدي قال بنروح شاليه بعد اسبوع جهزوا حالكم
أمجد: والله محتاجين طلعه
أحمد وهو يأشر على مشعل: ايوا بالأخص انت و زوجتك عشان تتعدل نفسيتكم
حسين: البنات مو مقصرين طول الوقت مع عبير
مشعل:الله يعطيهم العافيه ما يقصرون
________
بيت الجد خالد بمجلس الحريم
قاعدين البنات كلهم حوالين عبير يخططون للفعاليات اللي بيسوونها بالشاليه
مشاعل:طبعا اهم شي لا تنسون الرقص
ريم: اي والله بخاطري ارقص و بعد نشوف رقص جود و عبير
بيان: عاد ذول رقاصات محترفات
ضحكت جود: كلكم تعرفون تهزون مو بس نحن
علياء: لا حبيبتي بعدكم مافي رقص
غاده: من الحين مافي وحده تقول لا و مابي الكل بترقص
شروق: عادي انسحب من الحين
ضربتها سحر: لا حياتي بترقصين غصبن عنك
بشرى: اي صح معاذ قال العيال بيقلبونها سامري
علياء: الله وناسه
بشرى: ايوا واجد حلوه بس شكلو بيعزمون اخوياهم
جود: اكيد كل ما كانوا اكثر كل ما طلع احلى
بيان وهي تغمز لجود: عاد حسين مبدع بالسامري
حمرت جود: اي و انا شعلي؟
مشاعل بضحك: حبيبتي محد قاللك شي
قامت جود من الخجل: خلص الشاي بروح اجدد
ريم: اي اهربي اهربي
دخلت عليهم الجده نوره و جلست جنب عبير
الجده نوره: شفيها جود ليش طلعت تركض
سحر: كنا نسولف عن الشاليه لكيد متحمسه
ام زياد وهي داخله: اي دامها متحمسه اكيد في رقص
ام تميم: طبعا شلون تفوتهم الفرصه
عبير: مشعل وصل ولا للحين ؟
مشاعل وهي تغمز: اويلي مشتاقه للحب ؟
عبير بخجل: انكتمي بس مو كنهم طولوا
ام مشعل: لا تحاتين يمه معاذ من شوي معلمني مسافه الطريق و يجون إن شاء الله
الجده نوره: اي يلا قوموا نجهز الغدا اكيد جوعانين
ام زياد: حتى ابوي جوعان من شوي شأل عن الغدا
ام ماهر وهي تقوم: زين يلا قوموا يادوب نلحق نخلص
غاده: يلا جايين
_________
عند العيال وصلوا بيت جدهم
تركي نزل اول شي: يلا امي تنطرنا
نزلوا كلهم و دخلوا المجلس
الجد خالد بفرحه: تو ما نور البيت
مشعل وهو يحب راس جده: البيت منور بأهله
ابو مشعل: اقعد ياولد لا تتعب
مشعل: مافيني شي يبه
ابو تميم و ابو زياد: الحمدلله على السلامه خطاك الشر
مشعل: الله يسلمكم و الشر ما يجيكم
دخلت الجده نوره و وراها الحريم
الجده نوره: اهلين اهلين بالغالي شلونك؟
حب راسها مشعل: بخير الحمد لله انتي اخبارك
الجده نوره: بخير دامك بخير
ام مشعل و الدموع تجمعت بمحاجرها: تعال يمه انت بخير؟ يعورك شي؟
مسح دموعها مشعل و حضنها : افا ليش هالدموع يالغاليه مافيني شي
توجه يسلم على عماته و خواته و البنات من بعيد و اخ شي كانت واقفه عبير اللي اول ما شافها حضنها قدامهم و حب راسها من كثر الشوق و الحب
العيال لفوا عشان ستحوا اما البنات قعدوا يعززون لهم
مشعل بهمس: انتي بخير؟
عبير بخجل: بخير بخير بس ابعد مو هني
بتسم مشعل: عادي انتي زوجتي
مشاعل: اهم اهم يا عصافير الحب صار الغدا نبي ناكل
بعد ماخلصوا اكل جابوا الحلا و القهوة و قعدوا كلهم مع بعض يسولفون و يضحكون
أنت تقرأ
يا اول احبابي...و يا مسك الختام
Romance|| و كُنْتُ أَعَيْبُ الْحُبِّ و نَسِيتُ أَنَّ مِنْ عَابَ اِبْتَلَى ||💓 حساب الروايه تيك توك s12ilam
