بالسياره متجه للحدود أول فتره من مهمته بتكون تدريب للعسكر حوالي 500 عسكري بيكون هو مسؤول عنهم و بعدها بتبدأ المهمه الرئيسه
مشغل شيلات على المسجله وهو أساسا مو مركز مع الكلمات باله عند عبير و شلون بيتركها شهرين وهم توهم عرسان و يعرف ان اهل الديره سوالفهم ما تخلص بتكون هي الموضوع الأساسي
فكلم امه و خواته ينتبهون عليها و ما يتركونها لحالها
مارح يقدر يستخدم جواله كثير بس بيحاول يكلم عبير كل ما حصل فرصه
________
بيت ابو يوسف
ام يوسف: يمه يوسف رتبت المجلس
يوسف: اي يمه و بخرته بعد
ابو يوسف: اي زين خلصوا بسرعه مابقى شي و يجون
ام يوسف: كل شي جاهز حتى روز جاهزه
سيف وهو يحضن يوسف: الحين صدق روز بتصير عروسه
شاله يوسف و عطاه بوسه : اي يا عيون اخوك بتصير احلى عروسه
سيف بيكون اخوهم الصغير أصغر واحد في العيله
ابو يوسف: يلا وصلوا تعال يوسف نستقبلهم
ام يوسف: أنا رايحه المجلس انطر الحريم
راحوا برا يشوفون السيارات يملون الكراج ينزل الجد خالد و بعده عياله
ابو يوسف بفرحه: تو ما نورت اهلين اهلين تفضلوا
الجد خالد: البيت منور بأهله
يوسف وهو يحب راس الجد خالد: اهلين عمي اخباركم
الجد خالد ببتسامه: تحب الكعبه ياولدي الحمد لله بخير
ابو يوسف: تفضلوا داخل مجلس الحريم من هالصوب
راحوا الحريم لعند ام يوسف و الرجال دخلوا المجلس مع ابو يوسف
_______
مجلس الحريم
ام يوسف و روز واقفين عند الباب ينتظرون الحريم
ام يوسف بفرحه: يا هلا والله أسفرت و أنورت شرفتونا الجده نوره: النور نورك يا ام يوسف
توجهت روز تسلم على الجده نوره: اهلين خالتي شخبارك
الجده نوره ببتسامه: بخير الحمد لله انتي اخبارك يا عروستنا
روز بخجل: الحمدلله بخير
ام زياد: تبارك الرحمن يا حلاتك
ام تميم: اي ما شاء الله
ام مشعل: تركي عرف يختار
ام ماهر: اي تبارك الرحمن الله يحفظك
ام يوسف ببتسامه: عيونكم الحلوين تفضلوا داخل ليش واقفين
البنات كانوا يمشون ورا أمهاتهم و عيونهم كلها على روز
بيان: ما شاء الله حلوه
مشاعل: ايوا تهبل
علياء: خالي بيطيح فوق طيحته
بشرى: امشوا بعدين نسولف
قعدوا البنات و بدأوا يتعرفون على روز
عبير شاركت معهم شوي بس كل تفكيرها مع مشعل
________
مجلس الرجال
الجد خالد: ما بطول عليك يابو يوسف انت تعرف طلبنا و جيناك اليوم طامعين بنسبك و نبي وحيدتك لولدي تركي على سنه الله ورسوله
ابو يوسف ببتسامه: والله نتشرف فيكم و البنت موافقه
الجد خالد: عجل على بركة الله خل العيال يقررون متى يبون الملكه و يصير خير
قام تركي حب راس ابوه و ابو يوسف
تركي بتردد: يصير اشوفها؟
ابو يوسف بضحك: اي ياولد حقك بس دقيقه أخبرها تروح الصاله
يوسف بمزح: بس ها خمس دقايق مو اكثر
ضحكوا العيال على تركي اللي مو قادر يخفي فرحته والضحكة ما فارقت وجهه من ما دخلوا
حسين بهمس: يا عمي أثقل شوي
زياد: فشلتنا مو كذا
ناصر: خلوا الرجال بروحه مالكم شغل
تركي: انطم انتو وياه شعليكم
أمجد: قوم بس روح شوف الحب
ضربه تركي على راسه و قام مع يوسف وهو يحس ان الكل يقدر يسمع دقات قلبه من كثر ماهو متوتر
______
قاعدة تنتظر يجي وهي تحس قلبها بيطلع من مكانه من كثر ما هي خايفه و متوتره للحين مو مستوعبه ان حلمها تحقق و اخيرا بتتزوج حب الطفوله
دخل يوسف وهو يبتسم لها: اهلين بالحلو
حب راسها و حضنها: يلا اجا العريس الحين يدخل تمام لا تخافين ولا تتوترين متى ما تبين اطلعي تمام
تركي من وراه: مو عساس بس خمس دقايق
يوسف بضحك: لك خمس بس هي تطلع بأي وقت
تجمدت بمكانها من سمعت صوته ما قدرت ترفع راسها و تناظره اللي تعرفه ان يوسف طلع و تركهم مع بعض
ناظرها تركي يتأمل كل تفاصيلها شعرها القصير فستانها الأحمر شلون محليها
تركي: روز ناظريني
رفعت عيونها له و بتسمت بخجل : هلا
تركي وهو يقرب لها نزل و حب راسها: واخيرا بتصيرين لي
روز توترت من قربه: تركي!
تركي وهو يناظر عيونها : يا عيون تركي سمي و أمري
بتسمت من لطافته: اخبارك؟
تركي: صرت بخير بعد شوفتك انتي شلونك؟
روز:الحمدلله تمام
تركي: إن شاءالله دوم
كان بيتكلم بس سمع صوت دق الباب
يوسف : يلا خلص الوقت
تركي بضحك: مو بسرعه ؟
يوسف مت ورا الباب: لا طولت بعد
تركي: زين زين يلا
لف على روز : ابي رقمك
سجلت رقمها عنده و طلع هو متوجه للمجلس و هي طلعت بعده
أنت تقرأ
يا اول احبابي...و يا مسك الختام
Romance|| و كُنْتُ أَعَيْبُ الْحُبِّ و نَسِيتُ أَنَّ مِنْ عَابَ اِبْتَلَى ||💓 حساب الروايه تيك توك s12ilam
