في بيت الجد خالد
الأمهات كانوا بالمطبخ يشرفون على شغل الخدم و البنات يرتبون المجلس و يبخرونه
اما العيال ما كان في حد منهم بالبيت
الجده نوره: كأنهم طولوا؟
ام مشعل: كلمت معاذ من شوي قال يبيلهم شي نص ساعه و يوصلون
الجده نوره: اي زين، و مشعل وينه؟
وعلى كلامها دخل مشعل المطبخ
مشعل: السلام عليكم
ردوا كلهم السلام
مشعل وهو يحب راس جدته: اخبارك يا جده عساك طيبة؟
الجده نوره: الحمدلله بخير
وحب راس امه: و شلونك يالغاليه؟
ام مشعل: الحمدلله تمام ،انت شلونك ؟
مشعل: بخير دامكم بخير
الجده نوره: إن شاءالله دوم
و توجه يسلم على عماته
لف على امه و شاورها : يمه فاضيه اكلمك الحين؟
ام مشعل: الحين؟
مشعل: اي الحين ابيك انتي و جدتي
ام مشعل: تمام يمه انت روح للمجلس و انا اجيب عمتي و اجي
طلع من المطبخ وراح للمجلس الخارجي
دخل و تأكد أن مافي حد و جلس ينتظر امه و جدته
دخلت الجده نوره و وراها ام مشعل
الجده نوره: عسا ماشر امك تقول بتكلمنا بموضوع
مشعل: خير خير انتوا بس ستريحوا
قعدت الجده نوره جنبه: ها ياولدي قول؟
قعد يقلب نظراته بين امه و جدته و اخذ نفس عميق و قال : ابي اعرس
قامت الجده نوره و حضنته: وهذي الساعه المباركه
بعد امه حضنته: الحمد و شكر يارب
ام مشعل: ها قول من تبي؟ ولا انا ادور لك؟
مشعل: لا يمه في وحده ببالي
الجده نوره وهي تضحك: اي من ذي يلي حدتك للزواج
مشعل: ابي عبير
ام مشعل وهي مصدومه: ها عبير يلي هي عبيرنا ؟
الجده نوره: دقيقه دقيقه عبير؟
مشعل وهو يضحك على وجيههم المصدومه : اي عبير بنت محمد بن خالد
ام مشعل: ابشر ياولدي ابشر
الجده نوره: بكلم ابوك و جدك
مشعل: جدي يعرف
الجده نوره بصدمه: وشو؟ من متى؟
قعد يفرك رقبته و يناظر كل شي إلا هم: أنا.. انا كنت ابيها من قبل بس بدر تقدم لها ..
لف على امه وقال بحده: بس والله ما ياخذها غيري أبيها اليوم قبل بكرا
قعدت تضحك عليه جدته: اوف اوف وطلعت خفيف يا مشعل ولا شايف لك شوفه؟
مشعل حس بورطه: ها يعني تقدري تقولين شايف لي ....شوفتين
ضربته امه على كتفه: مسامحتك دامك تبيها بالحلال
الجده نوره: خلاص انت اطلع روح غرفتك و رتاح و الحين بنادي ابوك و جدك
ام مشعل: انا بطلع اكلم ام ماهر
الجده نوره: اي بس لا يسمعكم حد و كلمي عبدالعزيز يجي و يجي معه ابوه
ام مشعل: ابشري الحين اكلمهم
وطلعت ام مشعل و طلع مشعل وراها و ظلت بس الجده نوره
_____
دخلت ام مشعل المطبخ بعد ما قالت لزوجها يروح للمجلس مع عمها
راحت جنب ام ماهر يلي كانت تسوي السلطه
ام مشعل: أميرة فاضيه شوي؟
ام ماهر: ايوه فاضيه امري؟
ام مشعل: تعالي معي بكلمك
ام ماهر: تمام انتي سبقيني بس اغسل و اجيك
ام مشعل: تمام بنتظرك بالحوش الخلفي
طلعت أم مشعل و بعدها بشوي طلعت أم ماهر
ام زياد بشك: هذول شبلاهم لا يكون خاشين عنا شي ؟
ام تميم: مالنا دخل ياخيتي موضوع بينهم
ام زياد وهي صارمه انها تعرف : لا لا لازم اعرف
ام تميم بقله صبر: ساره خلصي شغلك و بعدي عن اللقافه مالك دخل إذا في شي بنعرف بعدين
تنرفزت ام زياد من كلام أختها: اف بس اف ما يقدر الواحد يسولف معك
ماقالت شي ام تميم و هي متعوده على اسلوب أختها المستحيل يتغير
______
بالمجلس عند ام مشعل و أم ماهر
ام ماهر: ها هيا أمري؟
أم مشعل: والله يا أميرة حنا مب غريبين عل بعض بقلك من الأخر
أم ماهر اللي خافت لايكون في مصيبه :قولي في شي؟
ام مشعل: مشعل يبي عبير على سنه الله ورسوله
ام ماهر بصدمه : انتي صادقه؟
ام مشعل ببتسامه: اي والله يبي يخطبها اليوم إذا انتوا موافقين
ام ماهر من الفرحه خضنت ام مشعل: والله هذي الساعه المباركه ما نلاقي أحسن من مشعل لعبير الحين بقول لمحمد
ام مشعل: عبدالعزيز بيكلمه و إذا موافق قولي لعبير
ام ماهر: إن شاءالله يوافق
ام مشعل: ان شاءالله
______
دخل الجد خالد و معه ابو مشعل
الجد خالد: ها نوره شبغيتي؟
الجده نوره بفرحه : مشعل يبي يخطب
ابو مشعل اللي ماتوقع ذا الخبر: مشعل ولدي ؟ من يبي؟
الجده نوره و هي تضحك: هدي يا عبدالعزيز هدي اي مشعل ولدك يبي عبير
قعد يضحك الجد خالد: واخيرا قالكم
ضربته بخفه على كتفه : شلون تعرف و ما تقول لي؟
ابو مشعل: يبه انت كنت تعرف ؟
الجد خالد: هو ماقال لي أنا عرفت بروحي و قلت له إذا يبيها يتقدم
الجده نوره: زين ماسويت كان ظل ساكت ولا قال شي
ابو مشعل: اي الحمدلله خلاص بكلم محمد، قالك متى يبي يخطب
الجده نوره: اليوم
ابو مشعل: اليوم؟!!
الجد خالد: والله ولدك شكله مستعجل
ابو مشعل: واجد يبه واجد
الجده نوره: شفيكم عليه قولوا الحمدلله بس بيخطب مو يملك بنفس اليوم يلي بيتقدم فيه
ابو مشعل: يوه كذا مصيبه الملكه يبي لها تجهيز
الجد خالد: خلاص بيخطب بعد مايروحون المعازيم
الجده نوره : احسن كذا
ابو مشعل: يصير خير يلا بروح اقول لمحمد
الجده نوره: الله يكتب لهم الخير
الجد خالد: آمين يارب
أنت تقرأ
يا اول احبابي...و يا مسك الختام
Romance|| و كُنْتُ أَعَيْبُ الْحُبِّ و نَسِيتُ أَنَّ مِنْ عَابَ اِبْتَلَى ||💓 حساب الروايه تيك توك s12ilam
