أنت تقرأ

يا اول احبابي...و يا مسك الختام

Romance

|| و كُنْتُ أَعَيْبُ الْحُبِّ و نَسِيتُ أَنَّ مِنْ عَابَ اِبْتَلَى ||💓 حساب الروايه تيك توك s12ilam

#روايات #رواية #سعودية

40

741 24 1 
                                    

                                              
مجلس الرجال 
ابو ماهر: مشعل ولدي متى طالع للحدود 
مشعل: إن شاءالله بكره بعد الظهر 
أمجد: عبير وين بتبقى؟
مشعل: وين ما تبي عندكم أو بيت ابوي او عند جدي 
أبو ماهر: خليها عندي بس ترجع خذها 
مشعل: مثل ما تبي
الجد خالد: ما أوصيك إنتبه على نفسك والله يقويك و يوفقك 
مشعل: ابشر
ابو مشعل: امين يارب 
حسين: لا تنسى عندك حرمه لازم ترد لها 
ناصر: ما يصير إلا كل خير إن شاء الله 
زياد: إن شاء الله 
أحمد: ما شفت حد يحب الشغل كثر مشعل 
معاذ: صدقني مافي يقدر يشتغل اربع وعشرين ساعه وما يمل ولا يتعب 
ابو زياد وهو يضربهم : قل ماشاء الله انت وياه 
ابو تميم بضحك: وهم صادقين ياريت العيال يتعلمون منك يا مشعل 
تميم بحلطمه: يبه تراني شغيل 
علي: اي وقت يصير لك مصلحه تشتغل 
الجد خالد وهو يضحك: كل عيالي مافي منهم يحبون الشغل 
زياد: طالعين عليك 
معاذ: طبعا!!!
الجد خالد: قوم قوم صب قهوة 
قام أمجد يصب قهوة لجده و بعدين عمامه و العيال  ورجع يقعد 
مشعل وهو يقوم: يلا أنا أستأذن 
ابو مشعل: على وين تو الناس 
مشعل: بروح انام و باخذ عبير معي  و إن شاء الله الصبح نجيكم 
الجد خالد: ترا الفطور عندي لحد يتأخر 
مشعل: ابشر يلا مع السلامه 
طلع مشعل متوجه لمجلس الحريم 
أمجد: كنت بقوله ليش تأخذ عبير نسيت انه زوجها 
معاذ بضحك: زين ظليت ساكت 
________
مجلس الحريم 
جتها رساله من مشعل تطلع له بيروحوا البيت 
قامت تلبس عبايتها 
الجده نوره: على وين يمه؟ 
عبير: مشعل بعث بنروح البيت 
بشرى وهي تغمز: حركات حركات 
رمت عليها علبت المناديل عبير: وش حركات انتي بعد 
بيان: ما عليج منها 
ام ماهر : زين يمه مع السلامة 
الجده نوره: خليه يدخل يسلم بعدين روحوا 
ولفت على البنات: تغطوا 
تغطوا البنات ماعدا خواته 
مشعل وهو يدخل: السلام عليكم 
ردوا كلهم السلام 
توجه يسلم على جدته و امه و عماته 
الجده نوره: ها اخبارك؟
مشعل: الحمدلله بخير 
مشاعل: حد يكون عنده عبير و مايكون بخير 
مشعل وهو يمثل الحده: ام لسان شتبين ؟
مشاعل بخوف : أبد ولا شي سلامتك يالغالي 
ام مشعل بضحك: الله يهديك يمه ليش تخوفها 
مشعل: ما قلت شي هي تخاف بسرعه 
ام تميم: بس تبون تسكتون مشاعل نادوا مشعل 
ام زياد وهي تضحك: الوحيد اليقدر عليها 
مشعل وهو يحب راس مشاعل: دلوعه البيت حقك علي 
مشاعل بغرور لفت على خواتها : موتوا قهر 
بشرى وهي ترفع حاجب : اصلا عادي ناصر يحبني اكثر 
بيان: حسين يحبني اكثر 
ضحك مشعل بخفه و توجه يحب راس خواته بيان و بشرى 
الجده نوره ببتسامه: الله يحفظكم يارب 
ام مشعل: امين يارب 
مشعل : يلا مع السلامه 
ام مشعل: مع السلامة 
طلعوا مشعل و عبير وهم ماسكين يدين بعض 
ريم بحماس : الله شفتي شلون يناظرون بعض 
علياء: كيوت وربي
شروق: إلا شفتوا شلون مسك يدها 
غاده: حلوين مع بعض الله يحفظهم 
جود: امين يارب 
___________
فتح الباب و دخل و دخلت عبير بعده 
تنهد بتعب وهو يحط مفتاح السياره على الطاوله 
شالت النقاب و الفرحه وهي تناظره 
عبير: مشعل 
مشعل: سمي؟
عبير: بغيت شي؟
مشعل: لا بس تعبان 
عبير: زين روح رتاح 
مشعل: تعالي معي 
عبير ببتسامه: الحين اجي 
طلعوا فوق ، دخل مشعل الحمام "يكرم القراء " تروش و غير ثيابه لمن طلع كان لابس بس شورت بدون تيشيرت 
ستحت عبير لما شافته هي للحين مو متعوده فأخذت بجامتها ودخلت الحمام بسرعه غيرت ثيابها و غسلت و رطبت جسمها بكريمات رشت من عطرها و طلعت 
كان مشعل متمدد على السرير حاط يد فوق عيونه ظلت واقفه بمكانها ما تعرف شتسوي 
مشعل بهدوء: تعالي يا عبير ما باكلك
مشت للسرير و نسدحت جنبه و خلت مسافه بينهم 
لف لها و سحبها من خصرها يدفن راسه بنحرها 
حمرت عبير من صح مو أول مره بس المره الماضيه كانت نايمه و الحين هي بكامل وعيها 
مشعل: لا تحاتين الوعد بس ارجع من المهمه 
كشرت من طاري المهمه وهي خايفه ماتدري ليش 
مدت يدها تخلخل اصابعها بشعره 
مشعل تخدر من حركتها و بدا يستسلم للنوم وهي نامت بعده بشوي 
___________________________________________
حساب الروايه تيك توك 
S12ilam
يا اول احبابي...و يا مسك الختام حيث تعيش القصص. اكتشف الآن