بيت مشعل و عبير
فاقت من النوم شافت ان الساعه 8 فقررت تقوم تتروش و تجهز حالها عشان يروحون بيت جدهم بس ما قدرت تقوم بسبب مشعل اللي شاد على خصرها مو تارك لها مجال تتحرك، أول ما رتخت يده ستغلت الفرصه و نطت من السرير
دخلت الحمام "يكرم القراء" بس ما أخذ ثيابها لإن توقعت مشعل بيكون نايم لمن تخلص
قعد من النوم و مالقا عبير جنبه عرف أنها بالحمام من سمع صوت الباب ينفتح و طلعت عبير وهي شاده المنشفة على جسمها
تجمدت بمكانها من شافته يناظرها: مشعل... فكرت للحين نايم
داخ من منظرها شكلها المغري له قام من التخت و هو يمشي بخطوات ثقيله لين صار قدامها
رفعت نظراها تناظره تتوتر من قربه يمد يده لوجها يحس بنعومه بشرتها
مرر يده على شعرها المبلول : لا تمرضين
عبير بربكه: الحين انشفه
ما قدرت تتحرك من ستقرت يدينه على خصرها يقربها له نزل لعنقها يقبلها بشوق و لهفه
عبير بتوتر: مشعل بنتأخر
شد عليها أكثر : لسا بدري
عبير بتوتر وهي ترفع يدينها لعنقه تسند راسها على كتفه
بتسم من جراءتها يسند ذقنه على راسها : هلكتيني قسم بالله طالعه كذا و تتوقعين بظل صاحي
ستحت من كلامه ترفع عيونها لعيونه يناظرون بعض
نزل لثغرها يقبلها بكل حب يطلع كل شي داخله يمرر يدينها على جسمها يحفظ كل تفاصيلها
قطع قبلتهم يبعد عنها يمسح على وجهه
مشعل بهدوء: بتروش و انتي جهزي حالك بس خلص بنروح بيت جدي
عبير اللي حمرت من الخجل تكلمت بصوت شبه مسموع: تمام
حب راسها و توجه يتروش و يجهز حاله
اما هي ستشورت شعرها و تمكيجت طلعت لها فستان ابيض طويل الأكمام ضيق من الصدر و عنده فتحه من تحت لبست عبايتها بسرعه قبل ما يشوفها مشعل
طلع مشعل وهو لابس ثوب ابيض شافها جاهزه و نزلوا تحت مع بعض متوجهين لبيت جدهم
________
بيت الجد خالد
الكل يرتب و يجهز لجيت مشعل و عبير
الجد خالد: يلا بسرعه الحين يجود
معاذ: يا جدي عليش كل ذا
أحمد: يا جد تراهم من أهل البيت
تميم: ايوا والله تعبت
أمجد: الحين ليش تتذمرون ترا بس رتبتوا المجلس كل الشغل كان على البنات
زياد بضحك: أول مره تقول شي صح
ناصر: عاد جدي لازم يسوي كذا عشان مشعل
ماهر: اسكتوا خلاص و صلوا
حسين: اخيرا بموت جوع
الجده نوره : اقول تو قمت من النوم ما لحقت تجوع
ضحكوا البنات على العيال وعلى حلطمتهم الما تخلص
دخلوا المجلس
سلموا على الموجودين وقعدوا يفطرون
الجد خالد: اكل يا ولدي وراك طريق
علي: اخخخ بس لو نحصل نص الإهتمام
علياء: يأحلامك
بشرى: حتى بالاحلام صعبه
ريم بضحك: حرام عليكم ترا جدي عادل مع الكل
جود: اي اي
الجده نوره بمزح: اي ما شفنا حب مثل حب جدكم لمشعل
مشعل ببتسامه: افا يا نوره تغارين
بيان: وليش ما تغار كلنا نغار
الجد خالد ببتسامه : والله احبكم كلكم نفس الشي بس مشعل عشانه أكبر احفادي شسوي
ابو ماهر : عادي يبه مقبوله مشعل يستاهل
تركي: ترا ابوي يحبني اكثر بس يحب يجامل مشعل
شروق : اقول عمي شصار بموضوع خطبتك
لفت تركي على ابوه لإن ما يعرف شصار هو تقدم لروز بس للحين ما يعرف بردها
بتسم الجد خالد: موافقه البنت يا تركي
فز تركي من مكانه : صدق؟؟
ابو مشعل: عجل يتغشمر
توجه يحب راس ابوه و امه : الله يخليكم لي
مشاعل: اي متى العرس
غاده: اصبري أول لازم خطبه رسمي و بعدين يملكون و بعدين العرس
مشاعل: ترا اعرف
الجد خالد: الخطبه متى ما تبي
تركي: بس يرجع مش..
قاطعه مشعل: لا لا أخطبها و ملكوا
تركي: لا ما يصير لازم تكون موجود
مشعل : بحضر العرس عادي شغلي مطول ما رح تصبر شهرين
عبست عبير من طار شغله هي تحاول تنسى مدة غيابه بس كل شوي يذكرونها
نتبه عليها مشعل و شد على يدها يأكد لها انه معها
مشعل: أخطبها اليوم او بكره
الجد خالد: و أنا أقول كذا
ام زياد: يوه ما جهزنا شي
ام تميم: قوموا يا بنات قوموا
طلعوا البنات مع أمهاتهم و كانت عبير بتقوم بس قالت لها جدتها تقعد
الجده نوره: زوجك بيروح اقعدي معه الحين لاحقه على الشغل
مشعل بهمس لعبير : ناقصك شي
عبير بنفس الهمس : لا كل شي ببيت ابوي بس تروح بجهز حالي
الجد خالد: نسبت متى بتطلع؟
مشعل: بعد العصر إن شاء الله
أمجد: ايوا يعني مطول
حسين: توها ١٠ يمدي نقعد معك
تميم: بشتاق لك
معاذ: اخوي قره عيني
علي: علامهم ذول؟
أحمد: انهبلوا
مشعل بحده: اقول اذلف أنت و ياه
الجد خالد بضحك: خلي الرجال و حرمته بروحهم قوموا
مشعل: خلهم قاعدين حنا بنطلع جناحنا برتاح شوي
الجده نوره: على راحتكم
الجد خالد: تمام يا ولدي
طلعوا مشعل و عبير متوجهين لجناحهم اللي اثثه الجد خالد عن جديد وهو مسوي لكل واحد بالبيت جناح خاص له
أنت تقرأ
يا اول احبابي...و يا مسك الختام
Romance|| و كُنْتُ أَعَيْبُ الْحُبِّ و نَسِيتُ أَنَّ مِنْ عَابَ اِبْتَلَى ||💓 حساب الروايه تيك توك s12ilam
