وصلت الطياره مطار الملك عبدالعزيز
نزل حسين من الطياره بعد ماودع طاقم العمل وطلع يدور أهله
كانوا واقفين ينتظرون اخوهم و لمحه معاذ من بعيد
معاذ: هذالك حسين
ناصر: وينه ما اشوف ؟
أمجد: وش فايده النضارة بالله عليك؟
ناصر: شقصدك ترا اقدر اشوف عدل
ماهر: خلاص تطلعون سالفه من كل شي
تركي: بزران
ناصر: هم بزران انا..... قاطعه صوت حسين
حسين ببتسامه : هلا والله شتقتولي؟؟
تركي وهو يحضنه: الحمدلله على السلامه
حسين وهو يرد الحضن : الله يسلمك شلونك عمي
تركي وهو يوقف عدل ويحط يده ورا ضهره: بخير ياولدي
معاذ بضحك: لا تقله عمي بيدخل بالدور
ضربه تركي على راسه: شقصدك تراني عمك
معاذ فز يحب راسه: اطلق عم والله!!
لف حسين على أمجد و ماهر و سلم عليهم و تعرفوا على بعض
حسين بفرحه : يعني خلاص عمي محمد رجع
معاذ: لا بس عياله شهالسؤال؟
حسين لف على معاذ ينغزه : معاذو اسكت ولا كلمه
ماهر: اي و بنستقر هنا
حسين: اي زين الحمدلله
ناصر: يلا تحركوا ورانا عزيمه اليوم
حسين بحلطمه : ياخي ليش ماله داعي
ناصر: قل هالكلام لجدي
تركي: تعرف ابوي مايقدر لازم يعزم
أمجد: عزم اهل الديره بعد
حسين وه يضحك على الوضع اللي ما يتغير : ما يقصر جدي بس مب اول ما ارجع
تركي: تعرف عاداته ما يتركها ، يلا ورانا طريق
_____
عند مشعل بالمركز
غارق حاله بالورق و الملفات كل ماخلص ملف بدا بالثاني
رن جواله و كان حاتم
حاتم: السلام عليكم
مشعل: وعليكم السلام
حاتم: شلونك يالطيب ؟ من زمان عنك
مشعل: الحمدلله بخير اي زمان؟ امس مكلمك
حاتم: يارجال تعبير تعبير
مشعل: خل التعبير على جنب انت شلونك ؟
حاتم: الحمدلله بخير تو خلصت شغل راد للبيت
مشعل: اي زين ، إسمع عازمك اليوم حسين راجع و مسوين عشا ببيت جدي
حاتم: الحمدلله على سلامته ، إن شاءالله جاي
مشعل: يلا خلني اخلص شغل انا بعد، فمان الله
حاتم: الله يقويك مع السلامة
بعد ماسكر الجوال شاف شلون مكتبه معفوس فوق تحت ولا شي بمكانه
رتب المكتب وعدله ، رجع راسه على ظهر الكرسي وغمض عيونه اول شي شافه هي ، صارت بباله كل الوقت ما تفارقه
تنهد ومسح على وجهه: شسويتي فيني يا بنت محمد ..
______
اما عند عبير الي نهد حيلها بعد هاليوم الطويل كان عندها خمس حصص و لإنها تدرس كل المستويات ضلت دايره بالمدرسه لإن المدرسه مقسمه كل مستوى له قسم
نادتها إستاذه ملك: عبير حبيبتي إيه مالك انتي كويسه؟
عبير: اي بخير بس تعبت شوي
إستاذه ملك: هو كدا أول يوم فتره و تتعودي
عبير : إن شاءالله
إستاذه بشاير: تقدرين تروحين البيت الساعه وحده و نص خلص الدوام
عبير: بس دوام المدرسين للثنتين؟
إستاذه بشاير : اي بس استاذ حمد قال تقدرين تطلعين بدري اليوم شافك تعبانه عشان كذا
عبير بفرحه : اه اي زين الله يعطيه العافيه
قامت من الكرسي وعدلت نقابها و لمت أغراضها
عبير وهي تودع باقي المعلمات : يلا مع السلامه اشوفكم بكره
سلموا عليها وطلعت هي للسيارة
إستاذه نوره بستغراب: الحين ليش خلاها تطلع ؟
إستاذه بشاير اللي متعوده على تصرفات الإستاذه نوره: اول يوم لها اكيد بتطلع
إستاذه ترف: بس غريب يعني ماسوا لنا كذا
إستاذه ملك بحده: وانتي إيه مالك المدير شافها تعبانه و كمان أول يوم يعني عادي
إستاذه نوره بخبث : تتوقعون نعجب فيها؟
إستاذه ترف وهي تضحك: توها أول يوم
إستاذه ملك: عيب عليكي يا بنت انتي بتقولي ايه مجنونه انتي
إستاذه نوره: وشفيها انتي شفتي عيونها لحالهن يجذبن وبعد هالصوت
إستاذه بشاير: قولي ماشاءالله و سكتي
إستاذه نوره: زين زين ما قلت شي !!
أنت تقرأ
يا اول احبابي...و يا مسك الختام
Romance|| و كُنْتُ أَعَيْبُ الْحُبِّ و نَسِيتُ أَنَّ مِنْ عَابَ اِبْتَلَى ||💓 حساب الروايه تيك توك s12ilam
