بعد ما تجمع الكل ببيت الجد خالد بدو المعازيم يجون
بمجلس الحريم
الجده نوره: يا بنات روحوا استقبلوا المعازيم مع امهاتكم
قاموا البنات يرحبون بالضيوف بعد ما وصل الكل قامن البنات يضيفن و عيون الحريم كلها على عبير لأنها الوحيده الي ما جلست بس تضيف و تستقبل
قامت بشرى من مكانها و راحت لعبير
بشرى: عبير تعالي قعدي شوي
عبير: ومن بيضيف المعازيم
بشرى: بس تعالي شوفي للحين ولا وحده خلصت قهوتها
عبير : زين
جلسوا جنب بعض و قعدوا يسولفون و يضحكون مع البنات
انتبهت عبير على روز الجالسه بالزاوية و ماتسولف مع حد لفت على بيان: هذي مين ؟
بيان الي من اول الجلسه تشوف روز و شلون هي هاديه تنهد بضيق : هذي روز كان يحبها عمي تركي و اتوقع للحين يحبها
عبير : طيب هي تحبه بيان: ايوه هي بعد
بيان: الله هو أعلم مدري بوش يفكر
جت جود جنبهم : بشنو تتهامسون
بيان : سالفه عمي و روز
جود: الله يهديهم بس كلنا نعرف انهم يحبون بعض
تدخلت بشرى: والله الغلط غلط عمك ماقعد يتقدم بتروح البنت من يده
مشاعل: غيروا الموضوع خلاص
علياء: عبير
عبير: هلا
علياء : خالتي ام بدر تبيك
عبير : من ذي ؟
علياء: شوفي هذيك ام ازرق جالسه جنب خالتي ساره
عبير: زين بقوم اشوفها . قامت من عند البنات وراحت للحرمة
بشرى بعد ما ستوعبت شقعد يصير شهقت بصوت عالي
بيان: وجع صوتك عالي
جود: شبلاك
بشرى و هي تهمس لهم: الحين بتخطبها لولدها بدر
علياء : شدراك
بشرى: كلنا ندري انه يدور الثالثه و عبير ما شاء الله عليها خاطفه الأنظار
مشاعل بدون ما تنتبه: و مشعل
لفت عليها بشرى تغزها بعيونها لأنها فضحتهم
بيان: مافهمت مشعل شدخله
ريم : نطقي انتي و هي
مشاعل بورطه: هاا لا لا مافي شي
جود : قولي بس
لفت بشرى تناظر الجنبها تتأكد ان غاده ما تسمعهم
بشرى: زين بقول بس جود لا تقولين حق اختك
جود: زين ولا يهمك
و سردت لهم بشرى لقاء مشعل و عبير بالمطبخ و شلون من بعدها مشعل تغير
بيان: وانتي صادقه تعير مشعل صار يهوجيس كثير
ريم : اكيد بيهوجس بعد ماشاف كل هالجمال
شروق: و انا اقول شفيها عبيروه متغيره
سحر: طيب الحين وش بيصير
بشرى: والله مدري خل ننتظر عبير تقول لنا شتقول لها ام بدر
أنت تقرأ
يا اول احبابي...و يا مسك الختام
Romance|| و كُنْتُ أَعَيْبُ الْحُبِّ و نَسِيتُ أَنَّ مِنْ عَابَ اِبْتَلَى ||💓 حساب الروايه تيك توك s12ilam
