عند عبير الي توها واصلا المدرسه
قعد تسولف مع نفسها لحت تهدى: اف ياربي هدي يا عبير هدي كله شغل مب نهايه العالم
نزلت من السياره وقعدت تدور المدخل : ياالله من وين ادخل الحين؟
جاها الحارس: السلام عليكم شلون اقدر اساعدك
عبير: و عليكم السلام اخوي وين مدخل الإدارة؟
الحارس: روحي سيدا بعدين يمين اول باب قدامك
عبير: مشكوره يعطيك العافيه
الحارس: الله يعافيك
مش لين ماوصلت الباب، بس كانت متردده تفتحه من كثر ماهي خايفه: أنا ليش اشتغل اساسا؟ اتعب روحي على الفاضي، لا لا انا قدها يلا يارب
ستقبلتها موظفه و دلتها لمكتب المدير
وقفت قدام المكتب و دقت الباب و ظلت واقفه لين ما سمعت صوت يقول لها تدخل
عبير: السلام عليكم
المدير حمد: وعليكم السلام، أمري اختي شلون اساعدك ؟
عبير: أنا اسمي عبير محمد مدرسة الفنيه الجديده
المدير حمد: اهلين تفضلي قعدي شرفتي مدرستنا
عبير: دام فضلك
المدير حمد : بس بقول لك على القوانين الأساسية بعدين تقدرين تروحين مكتب المدرسين بتلاقين جدولك جاهز
جلسوا بالمكتب حوالي تص ساعه يشرح لها عن المدرسه و إيش مطلوب منها تسوي
المدير حمد: وبس كذا إذا عندك شي مب فاهمته تقدرين تتواصلين معي أو مع موظفه الإستقبال هي تساعدك
عبير: مشكوره إستاذ حمد
المدير حمد: ولو ماسويت إلا الواجب
طلعت عبير من المكتب ولفت بالمدرسه شوي بحكم ان للحين عندها وقت لين مايبدا دوام الطلاب
ولمن صارت الساعه سبع راحت لمكتب المدرسين عشان تاخذ جدولها
طبعا ضيعت الطريق اكثر من مره بس اخيرا لقته
وكذا بدا اول يوم بالشغل لعبير
____
اما عند مشعل بالسياره متجه للمركز بس عقله مع الي سرقت قلبه قعد يفكر بينه و بين نفسه( الحين هي وصلت المدرسه؟ مرتاحه؟ حد مضايقها؟)
طلع من سرحانه على صوت جواله الي يرن شاف المتصل امه
مشعل: الو السلام عليكم يمه
ام مشعل: وعليكم السلام وينك ولدي ؟
مشعل: طالع للشغل أمري يمه شبغيتي ؟
ام مشعل: الله يوفقك يارب، لا تتأخر اليوم حسين راجع و بنسوي عشا اليوم
مشعل: اي زين يمه ابشري
ام مشعل: تبشر بالجنه يارب يلا مع السلامه
تردد مشعل انه يخبرها بس لازم يقول لها: يمه في موضوع بكلمك فيه
ام مشعل: عسا ماشر ، قول
مشعل وهو يطمنها : لا تحاتين مافي شي ، بس يمه موب الحين بكلمك بس ارجع
ام مشعل: زين ياولدي إلي تشوفه
مشعل: يلا مع السلامه
ام مشعل: فمان الله
_____
بمكان بعيد اول مره نروح له
بيت بدر
كان بدر جالس بالمجلس يشرب قهوه و يفكر بعبير و شلون ياخذها
دخلت عليه زوجته الأولى العنود: بدر شتسوي؟
بدر بحده: شتشوفين؟ جالس اتقهوى
العنود اللي رتعبت من صوته: شفيك معصب بس سألت
بدر: لا تسألين مابي اسمع حسك
العنود: زين زين هدي شوي
دخلت المجلس زوجته الثانيه ضحى و جلست جنبه
ضحى وهي تتدلع بالكلام : بدر
بدر: خير خير شتبون ما اقدر اجلس بروحي؟
ضحى: مافي شي بس مخنوقين من البيت نبي نطلع البر
العنود: اي تكفى لا تردنا
بدر: الله يصبرني ، قوموا جهزوا حالكم بنطلع بعد ساعه
قامن الإثنين من الفرح و طلعن مستعجللت للمطبخ
بدر: من زين وجيهكن عاد
ورجع يصفن بصوره عبير و يتأمل كل تفاصيلها : هذا الوجه الزين
أنت تقرأ
يا اول احبابي...و يا مسك الختام
Romance|| و كُنْتُ أَعَيْبُ الْحُبِّ و نَسِيتُ أَنَّ مِنْ عَابَ اِبْتَلَى ||💓 حساب الروايه تيك توك s12ilam
