صباح يوم الملكه
الكل مجتمع ببيت الجد خالد، البنات يجهزون مجلس الحريم و يزينونه و العيال يسون نفس الشي بمجلس الرجال
عبير أصرت على جدها و ابوها ام الملكه تكون عائليه ما تبي حد غريب و مشعل قال اللي ودها فيه عبير يصير وبس يرجع هو من مهمته بيسون عشا و يعزمون اهل الديره وبعد هم ما يبون عرس
الجده نوره كانت تشرف على شغل البنات ، شافت غاده تحاول تلطف جو مع شروق بس شروق مطنشتها
نادتها الحده نوره: يمه شروق تعالي
نزلت الزينه اللي بيدها: الحين اجي
شروق: أمري يا جده شبغيتي؟
الجده نوره: يمه عطيها فرصه ساعديها تتحسن
شروق بتكشير: بس يا جده شفتي شسوت بعبير ؟؟
تنهدت الجده نوره: شفت يا بنيتي بس هي درت بغلطها و تبي تصلح نفسها ، شوفي كل البنات قعد يساعدونها الا انتي ساده الطريق بوجهها عشان خاطري ساعديها
شروق وهي تحب راس جدتها: ابشري يا جده بسوي اللي علي ولا يهمك
ورجعت شروق لشغلها وطلعت الجده نوره من المجلس وراحت للمطبخ كانوا الحريم و الخدم يجهزون بالأكل
الجده نوره: عساكم على القوة
ام مشعل: أجمعين يارب
الجده نوره: ها مطولين؟
ام ماهر: لا يا عمه باقي بس الحلا
الجده نوره: اي تمام بس تخلصون جهزوا حالكم
ام زياد: إن شاءالله يمه
ام تميم: اميره اتركي اللي بيدك و روحي ساعدي عبير اكيد تبي مساعده
الجده نوره: ايوا البنات كلهم تحت هي بروحها فوق ام ماهر وهي تغسل يديها: زين بس إذا تبون شي نادوني
ام زياد: لا تحاتين مابقي شي شوي و نلحقك
ام ماهر: تمام ، وطلعت برا المطبخ
الجده نوره: وينه مشعل؟ ما شفته مع العيال
تنهدت أم مشعل: تصدقين انه راح الشغل! حاولت أقنعه ما يروح بس راسه يابس
الجده نوره: يوه عاد ماقدر ما يروح؟ مو عساس ماخذ عطله؟
ام مشعل: قال أجلها بتبدأ اليوم و بعد ماخذ لبكره و الأحد بيروح مهمته
ام زياد: الله يقويه شغله يتعب
ام تميم: اي والله، عاد زين ان بكره اجازه يقعد مع عبير يطلعها او اي شي
أم مشعل: ايوا هو قال بعد الملكه بيروحون شقته
الجده نوره: اي زين ،يلا انا طالعه اشوف البنات
ام زياد: يمه اللي تخلص منهم خليها تبدل
الجده نوره: إن شاءالله
أنت تقرأ
يا اول احبابي...و يا مسك الختام
Romance|| و كُنْتُ أَعَيْبُ الْحُبِّ و نَسِيتُ أَنَّ مِنْ عَابَ اِبْتَلَى ||💓 حساب الروايه تيك توك s12ilam
