بمجلس الرجال يعد العشا
جالس حسين بين جده و ابوه متوتر مايعرف شلون يقولهم انه يبي يخطب
لف على ابوه و بهمس: يبه بكلمك بموضوع مهم
ابو مشعل: وشو؟ قول اسمعك
كان رح يشاوره بس الجد خالد قاطعه: قول اساسا الكل يعرف من زمان
توتر حسين اكثر من كلامه: يا جدي.. انا ابي اخطب
بتسم ابو مشعل: اي ومن بغيت؟
الجد خالد:من غير جود صح؟
حسين ببتسامه: اي
ابو مشعل بفرح: ابشر الحين اكلم ابو زياد
الجد خالد: دام الكل موجود في شي مهم لازم نقولكم
ابو ماهر: شنو في؟
الجد خالد: والله يا بو زياد نبي نخطب بنتك جود لولدي حسين على سنه الله ورسوله
بتسم ابو زياد: ما نلقى احسن من حسين لبنتي بس الشور شور البنت بكلمها و ارجع لكم
ابو مشعل: خذ راحتك
طلع ابو زياد مع زياد و أحمد متجهين لقسم الحريم
معاذ بضحك: اشوف الكل يعرس الأيام ذي شنو في
ضربه تركي على راسه: قول مبروك يا ولد
معاذ وهو يحك راسه: مبروك مبروك
ماهر: الله يتمم على خير إن شاء الله
ابو تميم: وانت يا ماهر مو ناوي تعرس؟
ماهر: لا لا تو الناس
ابو ماهر: اي تو الناس و انت صاير شايب متى تبي
أمجد: الحمدلله انا توني صغير
الجد خالد: لا انت خلك عند ابوك لا تهبل بنات الناس معك
ضحكوا العيال على أمجد اللي تجمد من الصدمه و كان بيسولف بس دخل ابو زياد و عياله
ابو زياد ببتسامه: البنت موافقه ألف مبروك يا حسين
قام حسين من الفرحه: الله يبارك فيكم
ناصر بضحك: اهجد يا ولد
و توجه حسين يسلم على الموجودين وهم يباركون له
الجد خالد: الملكه متى ما تبون
حسين: ان شاءالله بنشوف
بعدها بكم ساعه وصلوا ربع العيال و دخلوا المجلس
دخل حاتم اخر شي و توجه يسلم على الجد خالد
حاتم: شلونك يا جدي إن شاء الله بخير ؟
حاتم تربى مع مشعل عشان كذا ينادي الجد خالد جدي
الجد خالد: الحمدلله بخير انت اخبارك ليش قاطع و ما تجيني ؟
بتسم حاتم: حقك علي بس والله نشغل شوي بس ابشر معد اقطع
ابو مشعل: شلون الشغل معك؟
حاتم: مضغوط شوي بالمشفى بس الحمد لله
قام مشعل يسلم على حاتم و يحضنه: اخبارك؟
حاتم: الحمدلله بخير انت شلون صرت؟
مشعل: تمام مافيني شي
و قعدوا يسولفون كلهم مع بعض
محمود(صديق زياد): اي و بعدها طاح مع الحصان
أحمد بضحك: و تقول لنا فنان و مدري شنو و أخر شي طلعت ما تعرف
زياد بفشله: اقول اكل تبن بس كان الحصان فيه شي اكيد
تميم بضحك: اكيد طبعا
جاسم(صديق حسين): عاد يا رجال وقفت عند الموقف ذا كم سنه صار له
زياد: مو بكل مره يذكر الموقف
محمود بضحك: عشان يضحك
دخل علي المجلس و المسجله بيده
علي: جبته يلا قوموا
قاموا العيال و صفو جنب بعض و مشعل كان ماسك ابن اخته أحمد وبدو يرددون
******
يابعد حيي والاجدادي
.................ارحم الي صابتة علة
لو ذبحني يا عوض عادي
..............من يحاسب ياعوض خلة
******
الجد خالد كان مبسوط وهو يناظر العيال و يدعي الله يحفظهم له و يشوفهم بأعلى المراتب
و البنات من سمعوا أصواتهم طلعوا على السطح يصورونهم وهم منبهرين من الأجواء
عبير كانت تتأمل مشعل وهو يرقص و الإبتسامة شاقه وجهه و شلون شايل أحمد بحضنه تدعي الله يرزقهم بسعود اللي بيصير سند لمشعل بالحياه
و جود كانت تتأمل حسين وهي تدعي الله يجمعها معه بأقرب وقت
اما غاده كانت تناظر حاتم اخر مره شافته كانت من زمان كان اقصر و انحف الحين صار شطوله و جسمه مليان عضلات تحس بشعور غريب وهي تناظره بس انكر هذا الشعور
بعد مدى رجعوا البنات داخل ما بقى غير غاده قاعده على السطح تناظر السما و النجوم و تتذكر كل شي صار الفتره ذي و كل شي هي سوته وشلون بسببها كانت عبير بتخسر حياتها مبسوطه الحين عشانها تغيرت و تدعي الله يحفظ لها احبابها كلهم ناظرت تحت و تجمدت من تلاقت عيونها مع عيون حاتم اللي شافها بكامل زينتها تأمل كل تفاصيلها بعدين تذكر انه عند أهلها ولف
اما هي هربت بسرعه عند البنات دخلت عليهم وهي تلهث
جود بستغراب: علامك تركضين
غاده وهي تحاول تستجمع أنفاسها: ها لا بس كان زياد بيشوفني
بيان بضحك:اي الحمدلله هربتي
غاده: اي اي
______
اما عند حاتم اللي للحين يفكر بالبنت اللي شافها نسحر بجمالها بس ما يعرف مين هي ولا هي اخت مين بين العيال
مشعل: حاتم وينك؟ وين رحت؟
خاتم: معك معك
حسين: علي قوم جيب قهوه
علي: مقدر البنات بالمطبخ
أحمد: شيسوون؟
علي: وانا شدراني
تميم: خالي قوم انت
تركي: اكيد انا بقوم شسوي
ناصر: دق الباب اول زوجتي هناك
تركي: زين زين
دق الباب تركي و دخل المطبخ لقى كل البنات جالسات على الأرض ياكلون
تركي: ليش قاعدين هنا مو داخل مع امي؟
سحر: كلهم نايمين
علياء: اي تأخر الوقت
تركي: وانتوا ليش ما نمتوا
شروق:نبي نسهر و مافي مكان ثاني غير المطبخ انتوا ماخذين الحوش
تركي: ايوا اوكي يلا وحده منكم تسوي قهوه
مشاعل بحلطمه: اوف يا عمي قاعدين سوي انت
قامت غاده: أنا بسوي لك
تركي لمشاعل: شوفي كذا البنت السنعه مو مثلك
وحب راس غاده اللي بتسمت له
بعد مل جهزت القهوه طلع تركي للحين لقى كل واحد جالس يهوجي بروحه
تركي: علامكم؟ كل واحد جالس بروحه؟
زياد: ولا شي بس ننطرك
تركي: اي يلا جبت القهوه و بعد شوي يجهز الشاي و في حلا بعد
محمود: ماله داعي كل ذا لا يتعبون حالهم مب مطولين
ناصر: مافي اي تعب اقعد بس الليل طويل
علي: أنا بروح اجيبه
تركي: لا اقعد قلت لغاده بس تخلص تناديني بقوم اجيبه
تنحنح زياد: خالي
تركي بضحك: زين زين قصدي اخت زياد بتناديني
احمد: بعد ايش يا رجال
تركي: اقول بس اسكت و شغل لنا شي نسمعه
أنت تقرأ
يا اول احبابي...و يا مسك الختام
Romance|| و كُنْتُ أَعَيْبُ الْحُبِّ و نَسِيتُ أَنَّ مِنْ عَابَ اِبْتَلَى ||💓 حساب الروايه تيك توك s12ilam
