وصلوا البيت و نزلوا ماهر و أمجد الشنط، بيت ابو ماهر قدام بيت الجد خالد وجنبه بيت ابو مشعل
ابو ماهر: يلا روحوا شوفوا غرفكم
أمجد و ماهر بنفس الغرفه، سحر و شروق بعد مع بعض بس عبير الي أخذت غرفة لحالها
شروق: يبه ليش هي بغرفة لحالها؟
ابو ماهر: هي أخذت الغرفة بالأول صارت لها
سحر: طيب ليش بس هي؟
ام ماهر: بس انتي و هي خلاص الغرفة لها، يلا كل وحدة على غرفتها تأخر الوقت
___
دخلت عبير غرفتها وجلست على الأرض وبدت تفضي شنطها و تحط كل غرض مكانه.
قامت من على الأرض؛ اخ انكسر ضهري
لفت على الدريشة: اي صح بيت عمي جنبنا خلني اسكر الستاير لايشوفني حد.
بس خلصت شغلها جهزت حالها بتنام
___
بيت ابو مشعل
ابو مشعل: ترا بكرا بنروح من الصبح بيت ابوي الفطور بيكون هناك
أم مشعل: ان شاءالله
ابو مشعل: مشعل بتفطر معنا بكرا؟
مشعل: اي شغلي يبدأ الساعة 2
ابو مشعل: اي زين يلا تصبحون على خير
توجه كل واحد لغرفته بينام
دخل مشعل غرفته وراح للحمام (يكرم القراء)
طلع بعد ما تروش ولاف المنشفة على خصره و ماسك منشفه صغيرة بيده ينشف فيها شعره، لمح وحدة من الدريشة عاطيته ضهرها بس مبين شعرها
ركز بشعرها وحس انه شافه من قبل، نزل راسه اول ما تذكر ان هذا بيت عمه محمد
طلع شورت من كبته ولبسه سكر نور الغرفة لمن اتأكد أن مافي حد عند الدريشة سكر دريشته و نزل الستاير
___
اليوم الثاني بيت الجد خالد
الجده نوره و هي تدخل المطبخ: ها كل شي جاهز؟
أم مشعل: اي عمتي خلصت كل شي
الجده نوره: تسلم يديك
أم مشعل: الله يسلمك
دخلت بشرى المطبخ: يمه وصل عمي محمد
أم مشعل: زين يلا خذوا الأكل دخلوه مجلس الحريم و انا بنادي العيال يشيلون اكلهم
شالوا البنات الأكل ناظرت الجده نوره بنتها سارة و حفيدتها غادة: ونتوا ليش ما تساعدونهم؟
سارة: كنت بساعدهم بس ما شاءالله خلصوا كل شي
غادة: والله انا تعبانا اليوم مقدر اشيل شي
الجده نوره عطتهم نظره و هزت راسها عساس صدقتهم و هي أكثر وحده تعرف تصرفاتهم ، و طلعا برا
أم مشعل: يلا يا أم تميم لا نتأخر عليهم
طلعت أم مشعل و أم تميم من المطبخ ظل بس غادة و امها
غادة: اف مابي اشوفهم من الصبح
سارة: ما نقدر نسوي شي امشي يلا
___
عند مجلس الحريم الجده نوره و هي ترحب بأم ماهر و البنات؛ يا هلا تو مانور البيت
أم ماهر: منوره بوجودك عمتي
راحوا البنات يسلمون على جدتهم و يحبون راسها
الجده نوره د: تحبون الكعبه
أم تميم: ماشاءالله تبارك الرحمن وش هالجمال يا عبير
عبير بتسمت بخجل، سحر: ليش يس هي حن مو مالين عينك؟
ضحكت أم تميم على سحر: لا يا بنتي كلكم حلوات ماشاءالله
شروق: اي كذا زين
أم ماهر: الله يهديكم بس
لفت أم مشعل على بناتها إلي يرتبن الأكل: بشرى وين المي ؟
بشرى: يوه نسيته لحضه الحين اجيبه
عبير: لا خليك انا اروح اجيبه
أم مشعل: لا مافي داعي لا تعبين حالك
عبير: مافي تعب الحين اجيبه
___
عند مجلس الرجال
ابو مشعل: يا عيال روحوا جيبوا الأكل
كان معاذ يرتب المجلس هو و تميم
مشعل: أنا بروح خلهم بس يخلصون يجون
ابو مشعل: ان شاءالله
___
دخل مشعل المطبخ و هو مو منتبه إذا فيه حد: يمه
تجمدت عبير بمكانها اول ما سمعت صوته و ما قدرت تتحرك من طاحت عيونه عليها ظل و اقف يناظرها و هو مصدوم.
عيونه تأملتها كلها من فستانها الضابط على جسمها يبرز كل مفاتنها و عيونها المكحلات الأخذات عقله. شاف شعرها و عرف انها من بنات عمه محمد.
صحى على نفسه و لف، عبير من الصدمه ما تحركت ولا قالت شي .
أنت تقرأ
يا اول احبابي...و يا مسك الختام
Romance|| و كُنْتُ أَعَيْبُ الْحُبِّ و نَسِيتُ أَنَّ مِنْ عَابَ اِبْتَلَى ||💓 حساب الروايه تيك توك s12ilam
