تسمع صوت الأجهزه حواليها تبي تفتح عيونها بس مو قادره من التعب نفتح الباب و دخل حد ففتحت عيونها بشويش و شافت امها و خواتها واقفين قدامها التعب باين على ملامحهم ما لاحظوا انها فاقت بس هس تناظرهم
عبير ببحه: شفيكم؟
لفت عليها سحر بفرحه: عبير ةنتي بخير؟ تبين شي؟
ام ماهر و الدموع تجمعت بمحاجرها: بنيتي يا قلبي انا الحمدلله على السلامه يا عيوني محتاجه شي؟ يعورك شي؟
شروق وهي تحب راسها: الحمدلله على السلامه يا قلبي بطلع أخبر البرا
و طلعت شروق و بشرتهم دخل ابوها و جدها اول و بعدين اعمامها و البنات اما العيال ظلوا برا عشان عبير مو متغطيه
بتسمت عبير من شافت أهلها قدامها بس دورت بينهم لمشعل ما لقته خافت لإن اخر شي تذكره انه تصوب
عبير بخوف: مشعل وين؟
تركي: بخير بخير لا تحاتين
عبير: اي زين وينه؟
ابو ماهر: يا بنيتي مشعل بالغرفه الجنبك و العيال عنده بي يطلعون اوديك
عبير: ليش فيه شي؟ اعرف انه تصوب خطيره شي اصابته؟
الجد خالد: لا الحمدلله جت الرصاصه بكتفه
الجده نوره: الحين انتي رتاحي بعدين تشوفينه
بيان: يلا لا تحاتين بس نامي و رتاحي
مشاعل: ألف سلامة عليك يا قلبي
غاده: ما تشوفين شر
عبير: الله يسلمكم و الشر ما يجيكم
بشرى: اجنا بنطلع بنشوفك بعدين
و طلعوا كلهم متوجهين للبيت ما بقى غير حسين و ماهر بالمشفى
_________
يحس بألم مو طبيعي بكفته حاول يعدل جلسته بس رجع سدحه حسين: لا تقعد خلك كذا احسن لك
مشعل بتنهيد: شصار؟ عبير وينها؟ هي بخير؟
ضحك ماهر: ماشاءالله عليكم ثنينكم أول ما قعدتوا سألتوا عن بعض هي بخير لا تحاتي
حسين: دامك قعدت ماهر الحين يروح يجيبها تشوفها و تشوفك
مشعل: لا لا انا بروح لها لا تتعب
ماهر: اقول بس اهجد هس بخير احسن منك بعد تقدر تقوم مشت بالمشفى شوي
مشعل: اي زين روح جيبها يلا
ضحك ماهر: ابشر
وطلع متوجه لغرفه عبير
حسين: جدي ما خل اي حد يظل عشان تأخر الوقت بس بكره من الصبح بيجون
مشعل: اي زين كذا
حسين: و.. بدر مسجون الحين بيحددو كم بيبقى بعدين
مشعل بحده: والله لخليه يعفن بالحبس و ما يشوف الشمس طول عمره
حسين: يستاهل و أكثر بعد على سواته
دخلت عبير وهي تمشي ببطء و ماهر ماسكها من يدها
شافها مشعل و تقطع قلبه شلون حبيبته قعد تتألم قدامه
لف لحسين: قلتلكم خلوني انا اروح لها
بتسمت عبير: تراني بخير مافيني شي شوف
مشعل: شلون بخير و انتي يا دوب تقدرين توقفين
قام حسين من على الكرسي و قعدت عبير و طلعوا ماهر و حسين تاركينهم
مسك يدها مشعل: يعورك شي ؟
عبير: بخير بخير لا تحاتي
سحبها مشعل له و حب راسها
بدت الدموع تتجمع بمحاجرها من تذكرت كل شي صار معها
مشعل بخوف: ليش الدموع يالغاليه
عبير بتنهيد: ولا شي بس تذكرت اللي صار و بدر
مشعل وهو يمسح على راسها: خلاص عدت و بدر معد يطلع قدامنا
عبير: إن شاءالله
_________
صباح اليوم الثاني بغرفة عبير
دخلوا كل البنات يونسونها
مشاعل بضحك: لو تشوفون عمي تركي امس مسكته بالمطبخ يكلم روز
بيان: انتي محد يسلم من لسانك خلهم عرسان جداد
جود: مشاعل أكبر نقاله علوم
مشاعل: مالت علي والله معد اشارككم الأحداث
علياء: قوليلي انا بس
عبير بضحك: قولي اللي تبينه
سحر: زين الحين متى بيسون العرس
بشرى: للحين ما ندري حسب عمي متى يبي
ريم: الله وناسه بيجي حد جديد للعيله
شروق: أنا بعد متحمسه اجلس معها
جود: يوه ورانا تجهيزات واجد
غاده: اي والله في القاعه و الفساتين و التوزيعات
بيان بضحك: قعد اتذكر لمن كنت اجهز حق عرسي
ريم: وانا بعد تعب واجد
سحر: الحين عمي بنسكن ببيت لحاله ولا مع جدي و جدتي
مشاعل: اتوقع بيبقى معهم
عبير: ايوا حلو كذا
علياء: تدرون بخاطري نروح شاليه
جود: الله أنا بعد
بيان: شرايكم نروح؟
غاده: فكره نخبر جدي و نروح كلنا كم يوم نغير جو
ريم: زين بس بعد ما يتحسنون مشعل و عبير
شروق: ايوا احسن كذا
جود: خلاص اتفقنا
أنت تقرأ
يا اول احبابي...و يا مسك الختام
Romance|| و كُنْتُ أَعَيْبُ الْحُبِّ و نَسِيتُ أَنَّ مِنْ عَابَ اِبْتَلَى ||💓 حساب الروايه تيك توك s12ilam
