بعد ما طلع ابو مشعل من المجلس راح عند اخوه و خبره ان مشعل يبي يخطب عبير و هذا اسعد ابو ماهر لأنه يعز و يحب مشعل و ما بيلاقي احسن منه لبنته و بعدها قال لزوجته تقول لعبير و ترد له خبر
_____
كانت أم ماهر تدور لعبير و بس لقتها أخذتها لغرفه الجده نوره عشان تاخذ راحتها بالكلام
عبير : هلا يمه شبغيتي؟
أم ماهر: عبير يمه سمعيني زين
عبير: ابشري
ام ماهر: شوفي يمه بقولك من الأخر مشعل طلب يدك و إذا انتي موافقه بيتقدم رسمي
عبير: هاا؟
ام ماهر: اي و ابوك موافق و انا موافقه بس بالنهايه القرار لك
عبير: زين بس... ما اعرف
أم ماهر وهي تمسك عبير من يدها: شوفي يمه أنتي شفتي مشعل رجال و النعم فيه له اسمه و مكانته بالمجلس
عبير بتردد: بس يمه عصبي
أم ماهر : هذا طبيعه شغله يمه بس بعمره مارفع صوته على خواته شفتيه شلون حنون عليهن و مدلعهن اخر دلع
و انا ادري انه بيحطك بعيونه ، ها شتقولين؟ موافقه؟
عبير: أنا... عادي استخير ؟
ضحكت أم ماهر بخفه : طبعا يمه ستخيري و خذي راحتك
طلعت أم ماهر من الغرفه و تركت عبير تتوه بأفكارها
______
وصلوا العيال و معاهم حسين
معاذ أول واحد نزل من السياره و دخل على البيت ينادي الموجودين
معاذ: يا أهل البيت وينكم؟ رجعنا
طلعت له أم مشعل مستعجله: وينه حسين ؟ وينه ولدي ؟
معاذ وهو يمسك امه: شوي شوي يمه هذانه وراي
دخل حسين وراح يحضن أمه و يحب راسها
حسين: شلونك يالغاليه؟
أم مشعل يلي عيونها بدت تدمع: بخير يمه بخير انت شلونك
حسين و هو يمسح دموعها: افا ليش الدموع يالغاليه انا الحمدلله بخير و مافيني شي لا تصيحين
أم مشعل:خلاص ما بصيح
ضحك بخفه على امه يلي قلبت حمره من البكي: عفيه عليج
معاذ: يوه ليش تكلمها كذا كنها بنتك مب امك
ضربه حسين على راسه: انت نطم محد طلب رأيك
معاذ و هو يفرك راسه من الألم : اخ يمه شوفيه
أم مشعل: خلك تستاهل
معاذ يلي مسك قلبه و مثل الألم : اخخ حسيت بوجع ما توقعتها منك
طنشه حسين و لف لأمه اللي تضحك على معاذ: المهم و ينهم الباقي؟
أم مشعل: بالمجلس تعال سلم عليم
دخل المجلس و سلم هليهم كلهم و جلس جنب جدته و هو ماسك يدها
الجده نوره: شلونك ياولدي ؟
حسين : بخير دامك بخير يالطيبه
الجد خالد: ها بتقعد المره هذي ؟
حسين وهو يضحك: اي اي مطول القعده عندكم
ابو مشعل: والله يا ولدي شتقنا لك
حسين: انا اكثر والله
دخل عمه ابو ماهر و أزواج عماته ابو تميم و ابو زياد
جلس يسولف معهم و ياخذ أخبارهم اما العيال نص معاهم و النص الثاني نايم من التعب
ابو تميم و هو يضحك على شكلهم : الحين ابي افهم انتوا يلي كنتوا مسافرين ولا حسين
ابو زياد: والله و انت صادق
أحمد : يبه والله تعبنا
ابو زياد : اللي يشوفك يقول انت يلي كنت تسوق
تميم و هو يفرك عيونه: عاد ناصر متعود يمسك خط
زياد: ماعليكم من ذولي شوفوا علي و أمجد
كانوا نايمين و رجول علي على صدر أمجد
أبو ماهر قعد يضحك : هذول شبلاهم
معاذ: عاد هم نايمين من و نحن بالسياره
زياد: اكثر ناس شفتهم يحبون النوم
ماهر: أمجد لو ينام اليوم كله يظل تعبان
الجد خالد: خلهم ينامون و انتوا بعد قوموا ناموا و رتاحوا ورانا عزيمه الليل ابيكم مصحصحين
ناصر: ابشر يلا ع النوم
حسين: شكلك تنتظر ذي الجمله
تنهد ناصر من التعب: اسكت يا رجال اشواق ما خلتني انام الليل
زياد و هو يضحك: الحمدلله أحمد اول واحد ينام و أخر واحد يقعد
ناصر: نطم بس
حسين: اي صح وينهم شتقت لهم
أم مشعل: تلاقيهم بالمطبخ مع البنات
حسين: اقدر اروح ولا في حد ثاني
أم تميم : لا روح مافي غير خواتك و الباقي بغرفهم
طلع من المجلس و راح للمطبخ
_____
بالمطبخ قبل ما يجي حسين
كانوا كل البنات متجمعين يسولفون مع بعض
مشاعل: حسين متى يجي؟
ريم: كلمت ناصر يقول وصلوا هم للحين بالمجلس
جود: ايوه شكله بيجيك بعد شوي
سحر وهي تكلم شروق: وينها عبير
شروق: مدري والله اخر مره شفتها كانت مع امي
مشاعل: يوه ما تدرون
سحر: وشو
علياء: نطقي كل العلوم عندك
مشاعل بفخر: حياتي هذا شغل متعب
بيان وهي تضحك: اطلق نقاله علوم
جود: اي قولي قولي
مشاعل: جاها خطاب
كلهم بصوت واحد : وشووووو؟
فركت أذونها من الصوت العالي: وجع !!
غاده يلي ما كانت تسولف معهم بس نبسطت لمن سمعت كلام مشاعل: اي من ؟
مشاعل وهي تضحك بخبث: من تتوقعون
جود: من
بيان: خلصي قولي
غادة: اكيد بدر رجع خطبها
شروق : يع وجع
بشرى: مستحيل هو صح؟
مشاعل : لا لا مب هو
سحر: مشاعل قولي!
مشاعل: مشعل طبعا
غادة قامت من مكانها : لا مستحيل انتي شتقولين؟
بشرى بفرحه: ليش مستحيل
ريم: والله لابقين لبعض
بيان: اي والله
جود يلي ما عرفت تفرح لعبير ولا تزعل على أختها يلي متعلقه بمشغل
سحر: اف وانا اقول ليش ما نشوفها
طلعت غادة من عندهم وهي متضايقه و مقهوره
بشرى: هذي شبلاها
بيان: كلنا ندري انها تبي مشعل اكيد مارح تفرح
علياء: يوه مسكينه
ريم: عاد الله يكتب لها الخير مع حد ثاني
جود: امين يارب
جلسوا يسولفون بعدين دق ناصر يقول لريم ان حسين بيجي المطبخ
ريم: حسين جاي
جود: زين يلا قوموا
ريم: مشاعل قلبي انتي
مشاعل: انطقي شتبين
ريم: خلي اشواق عندك ما نمت الليله
مشاعل: ابشري من عيوني
ريم : تسلم عيونك
طلعوا البنات ظلوا بس خواته
______
دخل حسين المطبخ و سلم على خواته
لف على عيال أخوانه اللي جالسين يلعبون مع بعض
حسين: ماشاءالله كبرانين
بشرى وهي تضحك: اي بالأخص أحمد شوف كرشه
بيان ضربتها على راسها: هيي حدك ولدي
حسين وهو يحاول يمسك الضحكه: لا تغلطين على ابن اختي
لفت عليه بيان و هي تغزه بنظراتها: حسين ما يضحك
حسين: والله ما ضحكت
مشاعل: واضح
مسك اشواق و قعد يلعبها و هي تضحك و تلعب بشعره
مشاعل: طول شعرك
حسين: اي من زمان مو قاصه
بشرى: حلو كذا خليه
بيان: ايوه لابق لك
حسين بثقه : طبعا كل شي حلو علي
مشاعل: وانا اقول انا طالع على مين
لف عليها حسين و مثل الحده: شقصدك
مشاعل: هاا لا ولا شي سلامتك
حسين قعد يضحك: اي زين
بشرى: اقول حسين دريت بأخر الأخبار
حسين: وشو شصار؟
مشاعل وعي تعدل جلستها : الله يسلمك اخوك الكبير قرر يتزوج
حسين بفرحه: والله؟ ألف مبروك
بيان: ايوه و العروس عبير
حسين: مين هذي؟
بشرى: بنت عمي محمد
حسين: ايوه اي زين
بيان: الله يكتب لهم الخير
حسين: امين يارب
مشاعل: وانت يحسين
حسين: وشو ؟
مشاعل: ماتبي تعرس
جت وحده بباله من جابت طاري الزواج وحده من زمان مو شايفها
بشرى: حسين ؟ حسين وين رحت؟
صحى على نفسه: ها ؟ موجود موجود
مشاعل و هي تدري بشنو قعد يفكر : ترا العاشق تفضحه عيونه
بيان وهي تحاول تسحب للكلام منه: وشو ما نسيت حب الطفوله؟
حسين يلي ما عرف شنو يقول و تنهد: عساس اقدر انساها
مشاعل وهي تضربه على كتفه: اف اف والله خواني طلعوا خفيفين
بشرى قعدت تضحك بخفه: والله و انتي صادقه
بيان: زين تبيها ؟
حسين ؛ اكيد !
بشرى: زين اخطبها
حسين : توافق؟
مشاعل و هي تضرب راسها من غباء أخوها: اخوي الغالي ترا نشوف و ندري كل ما جبنا طاريك عندها البنت تقلب حمرا
بشرى: وشلون تنسى حب الطفوله
بيان: حسين مو عشان شي بس ترا جود بكل عزيمه تخطبها وحده البنت صاروخ لحق عليها قبل ما تروح
حسين حس بغيره مو طبيعيه و قال بحده: ما ياخذها غيري
بيان: زين خطبها
قام من مكانه : طبعا ، يلا انا بطلع اريح شوي
قعد اشواق بحضن بشرى و حضنتها بشرى: اخ متى يجي دوري و يحبني واحد
بيان: اسكتي بس
مشاعل قعدت تضحك على بشرى يلي راحت لعالم ثاني
مشاعل: الله يشفيك
أنت تقرأ
يا اول احبابي...و يا مسك الختام
Romance|| و كُنْتُ أَعَيْبُ الْحُبِّ و نَسِيتُ أَنَّ مِنْ عَابَ اِبْتَلَى ||💓 حساب الروايه تيك توك s12ilam
