《တောခပ်ကျကျ 》8
ကျွမ်းကျယ် အပြင်ထွက်ပြီး ဆေးလိပ်သွားသောက်ရင်း ညီအစ်ကိုလို မိတ်ဆွေတယောက်ကို ဖုန်းဆက်လိုက်တယ်, နူတ်ဆက်သလိုလိုနဲ့ ဖုန်းစပြောဖြစ်တယ် ။
ထိုလူက နံပါတ်နှစ်အစ်ကိုရဲ့ ကျောင်းနေဘက်လေ ၊ ငယ်တုန်းက အတူကစားဖူးတယ် , အခုတော့ ဒီအပိုင်းရဲ့ ရဲစခန်းစခန်းခွဲမှာ အုပ်ချုပ်ရေးမူးဆိုတော့ ဒီကိစ္စက သူ့ကို အကူအညီတောင်းရင်ရပြီ ။
ဒါပေမဲ့ သူ ချီရှောင်ပင်း လူနာခန်းထဲပြန်ရောက်ချိန်မှာတော့ ၊ ကျိုးချင် သူ့ကိုပြောပြတယ် ၊ ထိုလူတွေကို ရှာတွေ့ပြီတဲ့ !
" မင်းလက်အောက်က လူတွေ မြန်သားပဲ ! "
ဒီတခေါက်ကတော့ တကယ်ချီးမွမ်းတာဖြစ်တယ် ၊ ခဏက ဖုန်းဆက်နေတာက ဒီကိစ္စကို မှာကြားနေတာကို။
" ငါ သူတို့ကို ရဲစခန်းပို့ခိုင်းလိုက်ပြီ ၊ မနက်ဖြန် ရှောင်ချီနိုးလာရင်လည်း ဒီလူတွေဟုတ်မဟုတ် ပြောခိုင်းရတာလွယ်တာပေါ့ "
" အော် ? ဒါဆိုလည်း ငါတို့အရင်သွားကြည့်ကြတာပေါ့ "
" အင်း , ငါလည်း သွားမယ် "
ကျွမ်းကျယ် ကုတင်ပေါ်က ချီရှောင်ပင်းကို တချက်ကြည့်လိုက်သေးတယ် ။
" ကိစ္စမရှိဘူး , မနက်ဖြန်မနက်ထိ အိပ်လိမ့်မယ်လို့ ဆရာဝန်ပြောထားတယ် ၊ ကိစ္စမရှိဘူး , သွားမယ် "
နှစ်ယောက်သားအဲ့လိုပဲ မြို့အရှေ့ဖက်ရဲ့ ရဲစခန်းကို သွားလိုက်ကြတယ် ။
ထိုနေရာကလူတွေကို အရင်နူတ်ဆက်ထားပြီးပြီမို့ တလမ်းလုံး အပိုပြောစရာမလိုတော့ဘူး ။
" သခင်လေးကျွမ်း , အဲ့ဒီလူတွေပါပဲ , ပိုက်ဆံကတော့ မနည်းဘူး သုံးလိုက်ပြီ , တော်သေးတာက ရွှေဆွဲကြိုးတော့ မရောင်းသေးဘူး ၊ခဏက သင့်သူငယ်ချင်း အထူးမှာကြားထားတာပါ ဒီဆွဲကြိုးကို ရအောင်ရှာပေးပါတဲ့ အထူးအမှတ်တရရှိပုံပဲ "
" အင်း "
ကျွမ်းကျယ်က ဆွဲကြိုးကို ယူသိမ်းလိုက်ပြီး ငွေသားကိုပါ ရေတွက်ကြည့်တော့ တကယ်လည်း ယွမ်တစ်သောင်းကျော်ပဲကျန်တော့တယ် ။
" လူကို မင်းတို့ရိုက်တာလား ? ဂိုဏ်းတွေရဲ့စည်းကမ်းရောသိရဲ့လား ? "
YOU ARE READING
တောခပ်ကျကျ Myanmar Translation( Complete)
Short Storyတောခပ်ကျကျ 俗不可耐 作者：三更雨 Money boy bl type ဖြစ်တာကြောင့် စကားလုံးတွေ သိပ်မယဉ်ပါဘူး မီးနီနဲ့ ဇတ်လမ်းနဲ့ မျှချေပါ လက်မခံနိုင်သူများ လက်ရှောင်နိုင်ပါတယ် Photo from Pinterest Novel type Chinese translation No copy right Credit to original writer
