《တောခပ်ကျကျ》18
" ကျွမ်းကျယ် ရူးနေပြီလား , သူ တကယ်ပဲ အဖိုးပေးထားတဲ့ သူ့ရဲ့ အခန်းကို ကြက်သိုက်ထားတဲ့နေရာလုပ်ထားတာလား ?! "
လူနှစ်ယောက် ရောက်လာခဲ့တယ် ၊ ဖြစ်ချင်တော့ ယန်းချင်း သူတို့ကိုသိနေတယ် ၊ ကျွမ်းကျယ်ရဲ့ အစ်ကို နှစ်ယောက်ဖြစ်တယ် ၊ သူ ကြောက်ရတဲ့ သူတွေဖြစ်တယ် ။ ခဏက စကားပြောလာတာက ဒုတိယအကိုကျွမ်း ၊ ကျွမ်းချဲ့ဖြစ်တယ် ။
ကျွမ်းအစ်ကိုကြီးလည်း သူ့ကို မြင်တာနဲ့ မျက်မှောင်ကြုတ်လိုက်တယ်။ လောကကြီးထဲ ကြုံဆုံရတာများပြီး ရင်ဆိုင်မှုတိုင်းမှာ မျက်နှာထားထိန်းနိုင်တဲ့ နိုင်ငံခြားရေးသံတမန်က ဒီလို မျက်နှာထားဖြစ်သွားတယ်ဆို ယန်းချင်းကို ဘယ်လောက် အမြင်ကပ်လည်း တွေးကြည့်လို့ရတယ် !
" ကျွမ်းကျယ်ကော ? ဒီမှာ မင်းတယောက်တည်းမဟုတ်ဘူးမလား ? "
ကျွမ်းအိမ်ကအစ်ကိုကြီးက သူ့ကိုကြည့်တဲ့ အကြည့်ကိုမြင်ပြီး ယန်းချင်းကို တုန်သွားစေတယ် ။
ဒီလိုဖြစ်တာတောင်မှ ယန်းချင်းက လည်ပင်းလေးကုပ်ကာ ပြောတယ်
" သူတို့ ထွက် ၊ ထွက်သွားပြီ "
မသိစိတ်က သူတို့ကို အပေါ်ပေးတက်လို့မရဘူးလို့ သိနေတယ် ၊ အကယ်၍ သိသွားကြရင် ကျွမ်းကျယ်ကို သူတို့အိမ်မှာ ပိတ်ထားကြလိမ့်မယ်ထင်တယ် ။
" ဒါဆို သူပြန်လာတယ်လို့ မင်းဝန်ခံတယ်ပေါ့ ? "
ဒုတိယအကိုကျွမ်းက သူ့ရဲ့ လက်မောင်းကို ဆွဲညှစ်ပြီးမေးတယ် , နာလိုက်တာ !
ယန်းချင်း စိတ်ထဲကနေပဲ သူတို့ကို ဆဲရဲတယ် ၊ ထွီ ! တယောက်က ဝင်သွားတာနဲ့ အနောက်ကရောက်လာတာ နောက်ယောင်ခံလိုက်လာတာပဲကို ! တကယ်ဟန်ဆောင်နိုင်ကြသူတွေ !
" သူ ငါ့တို့ကို ဖုံးကွယ်ပြီး ဆေးရုံကဆင်းတယ် ၊ ထွက်လာတာနဲ့ အိမ်လည်း မပြန်ဘူး ဒီကို တခါတည်းလာတယ် ၊ အမေတောင် သူ့ကြောင့် စိတ်ဆိုးပြီး မူးလဲတော့မယ် ! "
ဒီနေ့က အိမ်မှာ ဖခင်ကြီးက ရှိတောင့်ရှိခဲရှိနေတာမို့ ၊ ဒီနှစ်ရက်ကလည်း အလုပ်တွေပြီးလုနီးပါးဖြစ်နေတော့ ကျွမ်းကျယ်လည်း အထူးမဖြစ်နေတာကြောင့် အိမ်ကြိုပြန်မယ်ပေါ့ ၊ မထင်မှတ်ပဲ ဆေးရုံရောက်တော့ လူက ဆေးရုံကဆင်းသွားပြီ ! ပြောစရာမလိုဘူး ဒီအောက်တန်းစားကို လာရှာတာ သေချာတယ် ! သူတို့အမေက စိတ်တိုလွန်းလို့ မူးလဲတော့မယ် သူတို့ ညီအစ်ကို နှစ်ယောက်က ကြည့်မရလို့ ညီလေးကို ထွက်ရှာတာဖြစ်တယ် ။
YOU ARE READING
တောခပ်ကျကျ Myanmar Translation( Complete)
Short Storyတောခပ်ကျကျ 俗不可耐 作者：三更雨 Money boy bl type ဖြစ်တာကြောင့် စကားလုံးတွေ သိပ်မယဉ်ပါဘူး မီးနီနဲ့ ဇတ်လမ်းနဲ့ မျှချေပါ လက်မခံနိုင်သူများ လက်ရှောင်နိုင်ပါတယ် Photo from Pinterest Novel type Chinese translation No copy right Credit to original writer
