"အဲ့လက်ကြီး ကိုင်ထားတာက လွှတ်လို့မရဘူးလား"
အလိုက်မသိမေးပြီဆိုရင် မော့ကြည့်စရာ မလိုပါဘူး။ ဂင်ထယ်ရယ်ပဲ။
"မျက်စိတွေ နောက်တယ်"
အတိုင်အဖောက်ညီညီလိုက်တာက ရစ်ခီပင်။ ဒါလည်း မထူးဆန်း။
"မလွှတ်ပါဘူး။ မင်းတို့ မကြည့်ချင် မမြင်ချင်ယောင်ဆောင်နေလေ။ ငါက လွှတ်ဖို့ အစီစဉ်မရှိဘူး"
မက်သရူးက ရယ်နေခဲ့ပေမယ့် မျက်စောင်းတွေက စုပြုံရောက်လာတယ်။
မင်းတို့ မသိဘူး။ ငါက ဒီကောင်လေး အချစ်ကိုရဖို့ ဒီလက်ကလေးကို ကိုင်ခွင့်ရဖို့ ငါဘယ်လိုတွေ ကြိုးစားခဲ့တယ်ဆိုတာ မင်းတို့မှ မသိတာ။
”အစ်ကိုဟန်ဘင်း သီချင်းဆိုမလား”
ဂယူဘင်းက ဂစ်တာသွားယူပေးတယ်။ မက်သရူးနဲ့ သူ့ကိစ္စမှာ ဂယူဘင်းက အများကြီး ကူညီနေသလိုပဲ။ မဟုတ်မှ ဂယူဘင်းများလား။
”ကိုကို ဘာတွေးနေတာလဲ”
ဂယူဘင်းက ဂစ်တာပေးရင်းတန်းလန်းကြီး။
”အာ ဆောရီး ။ ဘာသီချင်းဆိုရမလဲ တွေးမိသွားလို့ပါ။ မက်ချူးလေး ဘာသီချင်းနားထောင်ချင်လဲ။”
”အော့…”
ထယ်ရယ်ဆီက သံရှည်။
”ဂင်ထယ်ရယ် သေချင်နေတာလား”
မက်သရူးက လှမ်းပြောတော့ ထယ်ရယ်က
”နှစ်ယောက်လုံး ရွံစရာနော်”
ဟန်ဘင်း ထယ်ရယ်ကို ဂရုမစိုက်ဘဲ
”မက်ချူးလေး ဘာသီချင်းနားထောင်ချင်လဲ”
”အင်း ကိုကိုဆိုတာ ဘာဖြစ်ဖြစ်”
”အဲ့ဒါဆို BTOB ရဲ့ Only one For You ဆိုတဲ့ သီချင်း ဆိုမယ်လေ”
”ကျွန်တော့် Rap ရွတ်ပေးမယ်”
ဂွန်ဝုက ဝင်ပြောတော့
“အင်း”
လို့ ပြောပြီးမှာ ဟန်ဘင်း သတိကပ်သွားတယ်။ 2023 က မက်သရူးမှာ သူမဟုတ်တဲ့ တခြားတစ်ယောက်ရှိနေတယ်ဆိုတဲ့ အခြေအနေ။
”ခုနှစ်ယောက်ဆိုမယ်လေ ဘယ်သူတွေ ဆိုမလဲ”
ဂယူဘင်းက ဝင်ပြောတာမို့ ဟန်ဘင်း စိတ်ထဲ ထပ်ပြီး ဂယူဘင်းများလားဆိုတဲ့ ဇဝေဇဝါက ထပ်ဝင်လာတယ်။
