مساءًا بمكتب غالي ، كان يراجع علي العديد من الصفقات و يحضر للعزاء غدًا ، سمع طرق علي الباب ليستغرب لان الجميع من المفترض انهم نائمون الان ، ليأمر الطارق بالدلوف دلف الطارق و اذ به حفيده فهد ليقول :- تعالي يا فهد في حاجه ؟
فهد :- لا يا جدي بس محتاج حضرتك في حاجه
غالي :- تمم ،ويشير الي مكان الاصابه ليقول :- اخبار اصابتك ايه ؟
فهد :- لا كله تمام الحمدلله
غالي :- الحمدلله اقعد الاول ، في ايه ؟
فهد بتوتر قليلًاوهو يجلس و يقول :- احم الحقيقه يا جدي انا عارف ان مينفعش اتكلم في حاجه دلوقتي والظروف متسمحش ، بس انا اخدت عهد علي نفسي لو رجعت من المهمه اقول لحضرتك
غالي وقد علم ما يريد :- في ايه ، قول !!
فهد :- احم بصراحه يا جدي انا حابب اتقدم لملك بنت عمي يحي
غالي بمكر :- ايوا بس ملك كان متقدم ليها واحد وهي وافقت وكنا خلاص لولا الي حصل
فهد وهو يسيطر علي ردة فعله :- ايه و احنا اخر من يعلم !!؟
غالي :- وانت تعلم ليه كفايه هي عارفه
فهد بسرعه :- لا يا جدي انا بحبها وانا اولي ببنت عمي و واثق انها بتحبني ، انا أولي بيها
غالي :- تمام المهم رأيها و هي تختار
فهد وهو يقف :- تختار ايه !؟ بقول لحضرتك انا اولي و بتحبني و هنشوف و هتوافق عليا
ليبتسم غالي ويقول :- وملك مش لغيرك يا فهد من زمان جدًا بس مستني تقولي من زمان
فهد بصدمه :- ايه دا حضرتك تعرف منين !؟
غالي :- انا اعرف عنكوا كل حاجه يا فهد ، انا عارف انتوا امتي بتتنفسوا
ليبتسم و ينظر له بشكر و امان و كأنه طوق النجاه لهم جميعًا ليذهب فهد له و يحتضنه ويقول :- ربنا يخليك لينا يا جدي ، بس متركنيش بالله عليك
غالي :- ويخليكوا ليا ، هقول لوالدها واقولها و هيوصلك الرد
فهد بثقه :- هتوافق انا متأكد
غالي :- هنشوف
فهد :- عن اذنك انا بقي ، تصبح علي خير
غالي :- وانت من اهله
ليخرج فهد و يبتسم غالي ثم يقف و يذهب الي رفيقة دربه
كان مازال اسر يجلس و محتار ماذا يفعل ، ايسمع ذاته الداخليه و حديث اخته ام يتجاهل كل ذلك و يبعتد ، داخليًا هو لا يحبذ الذهاب و فكرة التجاهل و لكن لا يعلم ، شعر بيد تربت علي كتفه ليري انها يد ابيه لينزل أرجله سريعًا وكان سيقف ليوقفه قاسم وهو يقول :- قاعد كدا ليه !؟
اسر بابتسامه :- مفيش يا بابا ، مش جايلي نوم
قال قاسم :- شكلك حيران ليه !!؟ ، مالك بقك في كلام !!
اسر :- محتار يا بابا ، محتار في قرار هيغير حياتي كلها و مسارها ، اعمل الي قلبي بيقولي عليه والي جوايا حسه ولا الي عقلي و المنطق بيقولوه محتار
صمت اسر و تنهد ، ليقول قاسم :- خليك في النص اعمل الي في المنطق وراضي نفسك ، فكر و افصل دا عن دا و الاسباب و هتلاقي بتربط كل حاجه ببعض و هي هتتحل قدام عينيك لوحدها ، خد نفس حلو كدا و افصل عن اي حاجه غير الموضوع دا و شوف اضراره و ايجابياته و حدد انت مرتاح في ايه و انت هتعرف اعمل ايه ولكن قبل كل دا افرد سجادتك و كون بين ايد ربنا وتدعيله يديك اشاره بمشيانك صح ، ان شاء الله تتفتح قدامك
اسر :- حاضر يا بابا هعمل كدا ، حضرتك منمتش ليه !؟
قاسم :- مجليش نوم قولت اطلع اقعد هنا شويه ، اطلع انت نام يلا ، عشان اليوم بكرا طويل عليك
اسر بطاعه :- حاضر ، بس متتأخرش في القاعده هنا ، تصبح علي خير
قاسم :- وانت من اهل الخير
أنت تقرأ
عشق آل عمران
Romanceعشق احفاد آل عمران ... عشق ليس بمختلف كثيرًا ،ولكن كلٌ له ميزته في الكتابه و الاختيار 😁 قرائه ممتعه 💗
