ليلة جامحة ولكن +١٨

بارت ٥١

اليابان
كان يجلس احمد باحدي الملاهي الليلية كعادته وهو ثمل للغاية و عقله و قلبه ثائرين بفعل ما حدث معه بالأخير حتي شعر بأنه علي وشك الاختناق حتي قرر الخروج ليريح عقله بمكانه المعتاد وعند خروجه بعدما كان سيتصل بسيارة اجرة لايصاله وجد سيارة بالخارج بالفعل علي وشك المغادرة حتي جري عليها ليلحق بها و ليخبر السائق بالمكان
احمد بصوت ثمل للغاية : خذني الي شيمودا بيتش
السائق : حسنا ...
وبعد وقت بسيط غفي بداخل السيارة و لم يستيقظ الا علي صوت مألوف ولكن لا يستطيع تمييز الصوت جيدا بسبب ثمالته
الصوت : وااو كنت عارفة انك نزلت للحضيض بس مش للدرجة دي !!! اصحي لي كده و فوق ... أاااااحمد
احمد ممسكا برأسه : انتي مين ؟؟
ليفاجأ بمن تمسكه من شعره و ترجع رأسه بقوة للخلف : قدرك الاسود يا روحي !!!
ثم اشارت لاحدي الرجال قائلة " افعلوا ما شئتم ولكني اريده يكون بوعيه خلال نص ساعة ليفهم جيدا ما سأقول "
حتي قام الرجلين بجره للداخل و تجريده من ملابسه و انزاله تحت الدش البارد ليصرخ بقوة اثر ذلك و يبدء بشتمهم .. ليضحكا بقوة قائلين
"اعتقد انه سيكون بوعيه عند مقابلة الرئيسة "
احمد باستفهام بغضب شديد : من تكونوا ايها الاوغاد الا تعرفوا من اكون وما الذي استطيع فعله بكم ...
ليلحظ دخول احدهم وهي تضع يديها بجيوب بنطالها و ترتدي اسود بأسود ليرفع رأسه ليتفاجئ بها قائلا بذهول
"ليليان"
ليليان ببرود شديد : شكلك فقت البس هدومك و تعالي هستناك بره ...
" شباب اعطوه ملابسه ... لا اريد رؤية هذا المنظر الشنيع بالخارج "
ثم خرجت للخارج
بعد مرور ١٠ دقائق
دخل احمد الي غرفة المكتب الذي اشار له الرجال عليها ليدخل بغضب
احمد بغضب : ممكن افهم ايه اللي عملتيه ده ..
ليليان وهو تتحرك تجاهه ببرود : عملت ايه ؟؟ اخدتك بنفسي من المزبلة اللي كنت خارج منها و فوقناك كمان و مفتكرش ان حد اساء معاملتك ولا انا غلطانه ؟
احمد بغضب : ليليان اختصري !! انا في دماغي ١٠٠ حاجة مش ناقصني الهبل ده ...
ثم ابتدي يقترب منها بابتسامة خبيثة قائلا
" ولا زهقتي من الغبي اللي انت متجوزاه وواحشك ليلة معايا من بتوع زمان .. لو كدة انا مستعد "
ليليان بضحك هستيري : ليلة من بتوع زمان !!!! و معاك ؟؟ يعني لو فكرت في يوم اعك اقوم اعك من فضلات زمان ؟؟ انت عبيط يابني ؟؟ هو انت مفكر نفسك ولا حاسب نفسك من صنف الرجالة ؟؟
ليستشيط احمد غضبا صارخا : احترمي نفسك يا بنت انتي هو ايه سكتناله دخل بحماره !!! لو مش عاوزة تتدفني مكانك اظبطي نفسك انتي متعرفيش انا ممكن اعمل ايه فيكي هنا ؟؟
ليليان ببرود وهي تضع امامه صور الصحفي الذي تم ارساله لها :
زي كدة مثلا ؟؟ تفتكر لما تبعتلي صفيحة زبالة زي ده هيقلقني ولا هيهز شعرة مني ؟؟ تبقي غلطان انا جيت المخروبة دي عشان هدف واحد وهو اني احذرك لو مشيلتنيش من دماغك وقربت مني او من عيلتي مرة تانية صدقني الزيارة الجاية مش هتراجع الا وراسك معايا علي نفس طيارة العودة وده هيبقي تصرف رحمة مني كمان لأن لو حطيتك في دماغي صدقني انتي اللي هتسعي انك تقتل نفسك بنفسك .. اظن كدة وصلت الرسالة ..
احمد بغضب : هو تلقيح جتت ولا ايه ؟؟ هو اي مصيبة تحصلك يبقي انا اللي عملتها
ليليان بابتسامة ساخرة : مصيبة !! انت فاكر اللي حصل ده مصيبة ؟؟ انت غبي يلا هو انت معرفتش ايه اللي حصل لصاحبك ولا ايه ؟؟ عموما مش هطول عليك عشان عندي طيارة لازم الحقها ... لو حصل و اسمك جه ادامي حتي لو بالغلط هتزعل .. اللهم ما بلغت اللهم فأشهد ... وادعي ربك اننا منتقابلش مرة تانية لان المقابلة الجاية لينا لو حصلت هتبقي اعلنت الحرب عليا و ساعتها و حياة امي ما هرحمك لاني لحد النهاردة انا عاملة حساب للعيش و الملح اللي كان بينا في يوم من الايام لكن لحد ولادي وجوزي لو ابويا نفسه هفرمه اظن فهمتني ؟؟
وانسحبت ليليان من امامه تحت انظاره الغاضبة .... وهو يتسائل كيف وصلت اليه !!!!