ဖျော်ဖြေရေးနယ်ပယ်ကအနားယူပြီးတဲ့နောက်မှာ အစစ်အမှန်သခင်လေးတစ်ယောက်ဖြစ်လာတယ်

Chapter 18

(Unicode) 🌻

ဖုန်းပေါ်က လုဝမ်ရှင်းရဲ့လက်တွေ တင်းကြပ်သွားပြီး နှလုံးခုန်နှုန်းတွေကလဲ ထိန်းမရအောင်မြန်ဆန်လာတော့သည်။ ထိုစကားကို သူအရင်ကသာကြားခဲ့မယ်ဆိုရင် အဖြေက သရုပ်ဆောင်ချင်တယ်လို့ပဲဖြစ်မှာပါ။ သူတွေးကြည့်လိုက်တော့ တကယ်ဖြစ်ချင်မှာ သေချာပါသည်။

ပရိုဂရမ်၏ပထမပိုင်းကို ထုတ်လွှင့်ပြီးတဲ့နောက်မှာ လုဝမ်ရှင်းသည် ပရိသတ်အရေအတွက် အများအပြားတိုးမြင့်လာသည်ကို ခံစားခဲ့ရသည်။ သူ မအံ့ဩဘူး ဆိုတာ ဘယ်လိုများဖြစ်နိုင်မှာလဲ။ ဝမ်မြောင် နှင့် ကျိုးဇီထုန်တို့သည် နေ့ချင်းညချင်း ကျော်ကြားလာရန် စိတ်ကူးယဉ်ကြပြီး ဝေဇီသည် concert ပေါင်း တစ်ရာကျင်းပရန် စိတ်ကူးယဉ်နေခဲ့သည်။

သေချာတာပေါ့ လုဝမ်ရှင်းလဲ အတူတူပါပဲ

သူဇာတ်ကားရိုက်ချင်သည်။ သရုပ်ဆောင်ရတာကို သူသိပ်မြတ်နိုးသည်။

အခွင့်အရေးသာ စောစော ပေါ်လာခဲ့ရင် ဒါမှမဟုတ် ကုယန့်ရှန်း ကို စောစောစီးစီး သိခွင့်ရခဲ့ရင် ပိုကောင်းပါလိမ့်မည်။

စာအုပ်ထဲမှာနေထိုင်နေရမှန်းသာ သူမသိခဲ့ရင် ၊ သူက အဓိကဇာတ်လိုက်တွေအတွက် အမြှောက်စာခံဇာတ်ကောင် ဆိုတာကိုသာ သူမသိခဲ့ရင် ၊ သူက သူ့မိသားစုကိုထိခိုက်စေမယ်ဆိုတာကိုသာ သူမသိခဲ့ရင် ၊ ဇာတ်ညွှန်းက ဘယ်လိုဆက်ပြီးဖြစ်ပေါ်လာမယ်ဆိုတာကိုသာ သူမသိခဲ့ရင် ။

ဒါပေမယ့် အခုတော့ သူအကုန်လုံးကိုသိနေခဲ့သည်လေ

သူဘယ်လောက်ပဲ စွန့်လွှတ်လိုက်ဖို့ရာ တွန့်ဆုတ်နေပါစေ အမြှောက်စာခံဘဝက လွတ်မြောက်နိုင်ဖို့ဆိုရင် အနုပညာအသိုင်းအဝိုင်းက ထွက်သွားလိုက်တာက အခုချိန်မှာ သူလုပ်နိုင်တဲ့ တစ်ခုတည်းသော ရွေးချယ်မှုဖြစ်နေပါသည်။

"ကုလောင်ရှီး ကျွန်တော်တောင်းပန်ပါတယ် ကျွန်တော် ဇာတ်ကားမရိုက်ချင်ပါဘူး"

ကုယန့်ရှန်းသည် သူ့ကိုဘာလို့လဲလို့ မမေးခဲ့ပေ။ ခဏလောက်ကြာအောင် တိတ်ဆိတ်သွားပြီးတဲ့နောက်မှာ သူ လုဝမ်ရှင်းကိုပြောလိုက်သည်။