<انولد الطغيان>
البارت الاول ...
للكاتبة سجى المالكي
تصويت ومتابعة ومشاركة للرواية لطفاً
واتباد احبكم ❤️
يا الله نبدي رواية جديدة عل بركة الله للعلم الرواية حقيقية وصلتني من فترة وجدا تعبت بكتابتها وان شاءالله تاخذون العبرة منها وتستمتعون بالقراءة
•••••••••••••••••••••••
الساعه 6 عصرا ..
الشارع مليان اطفال صغار يلعبون طوبه
اصواتهم ماليه المكان وضحكاتهم تبعث الفرح،
صاح بنصر وهو يضحك -كوووووولللل
ضحكوا الاطفال فخورين بهدفهم،
طلع من بيته وشافه بين الجهال يركص ويكمز وشال طفل عل جتافه،
تنهد بغيظ ومشى نحوه وهو يستغفر،
صاح - حَبيب
التفت حَبيب وشاف اخوه خازره،
بلع ريگه ونزل الطفل من جتافه،
راح لـ جواد،
حبيب - ها خير
نتر - شكبرك بعد تصير؟ مو عيب هالتصرفات؟ اثكل عاد صرت بطولي
زفرت - شتريد مني خليني مـتونس
- امشي روح ادرس البكدك صاروا بالكلية وراح يتخرجون وانت بعدك مجلب بالسادس
تنهدت - نروح نروح ونرجع لهل نقطة
لزمني من ياختي،
انهضمت لان هيج سوا كدام الجيران،
فلتت ايده مني،
نترت - اني مو طفل وهيج تسحبني جواد ترا اني كبرت وصرت رجال
- لعد اتصرف مثل رياجيل
هزيت ايدي بمعنى دروح،
ردت امشي
صاح - لك حَبيب وين رايح ليش تشلع گلبي تعال اقرا
رديت- رايح لبيت صفوان ادرس يمه
بقى يصيح ويغلط،
ما اهتميت وكملت مسيرتي،
بيت صفوان يبعد كم شارع مني،
وصلت لبيتهم،
دكيت الباب وبقيت اهز برجله وادندن باغنيه،
نفتح الباب،
صفوان - ها حبيب
باوعتله مستغرب،
ابتسم خجلان، - شنو اول مره تشوفني بهل حاله
اردفت واني اباوع لعينه المزوركه
- هم ابوك؟
تنهد - قابل اكو غيره!
أنت تقرأ
انولد الطغيان
Romanceرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
