<انولد الطغيان>
البارت 14
للكاتبة سجى المالكي
لاتنسون التصويت والمتابعة
اللهم صل عل محمد وال محمد
•••||||••••••••••••••••••••
انفتح الباب
وكال-سيف وحبيب افراج
بقينا صافنين بوجهه مستغربين ومصدومين
فززنا صياح انس - شنووو !!!واني لعد ليش مو افراج
الحارس- ثبتت براءة ذولي وانت مذنب لان المحل باسمك واسم مؤمل
بهت وجهي- شنو انس راح ينسجن
نتر الحارس- شلون يعني نبقى نسولف امشوا يلا
باوعت لـ انس لكيته مصدوم وساكت
حضنته- لتنقهر اكيد راح يطلع حقك
همس- ضاع عمري بسبب مؤمل
سيف- لتحجي هيج اكيد ابوك راح يسوي اليكدر عليه ويطلعك
هز راسه ساكت
طلعت اني وحبيب من السجن
حبيب فرحان وماشايلته الكاع
واني بالي يم انس مقهور بقى وحده عل الاقل جنا سوا نسولف ونتونس وخايف تثبت التهمه عليه ومؤمل ماله خبر
رجعت للبيت استقبلتني امي بالاحضان
- يمه سيوفي حبيبي خفت عليك كله صوج ابوك كتله روح وكل محامي وهو كلشي ماكو بس سمعت بيك انسجنت تخبلت كلبي راد يوكف
لك سيف كلي شلونك اخبارك يمه سوده عليّ شصاير بيك ضعفان
نتر ابوي- هسى اني طلعت مو خوش وما رايد سيف لعد منو وكله محامي وطلعه ابوي
نترت امي- كم مره كتلك روح وطلعه ابني بريء وانت ولا يمك
عاط ابوي- راح اكسر راسج شو انتٍ تخرطين بالحجي قابل هو مو ابني
بقوا يتعاركون
هزيت ايدي ودخلت لغرفتي
قفلت الباب ما اريد اسمع صياحهم
هزيت ايدي- توني دخلت واستلمتني المشاكل اوف لو باقي بالسجن اكرملي
تمددت بالفراش وصياح اهلي على
خليت المخده عل وجهي وصرخت بصوت مكتوم- كااااااااافييي تعبتتتتتت ما اريد اسمع صوووتككمم حسووا بيه حسوا
نزلن دموعي وكمت ابجي
اكره صوتهم من يتعاركون
احس الدنيا سودت بعيني
من صغري وهم عل طبعهم
يمتى يكبرون ويحلون مواضيعهم بالهدوء؟
تنهدت وفتحت موبايلي اتصلت عل صفوان
رد- سيف؟ هذا انت
- اي اني، ابوي طلعني من السجن ثبتت برائتي اني وحبيب
صفوان-الحمدلله، وانس وين
زفرت- للاسف بقى ،راح اجيك لان طكت مرارتي اذا ابقى هنا بعد اموت
أنت تقرأ
انولد الطغيان
Romanceرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
