<انولد الطغيان>
بارت الثاني
للكاتبة سجى المالكي
اللهم صل عل محمد وال محمد
تصويت ومتابعة ومشاركة للرواية لطفا
•••••••••••••••••
حَبيب،
واكفين بالادارة ونترزل من المدير،
بعدما استلم الشباب كلهم باوعلي واردف
- حبيب
كلت-نعم استاذ
نتر - شوكت تبقى بهل طيش هذا؟ شوكت تتعلم تقرا وتنجح وتحسن من مستواك الدراسي مو عيب عليك البكدك صاروا بالكلية وانت لاطش يمي
زفرت بغضب بسبب كلامه
اردفت- استاذ هسى قابل وجودي زاعجك هي المدرسه حكومية مو اهلية مو بفلوس الخلفك دادرس
ضرب الميز بقوة
كلنا فزينا،
صرخ - شنو من اسلوب عندك ولك اليشوفك مايكول انت اخ استاذ جواد
ابتسمت بسخرية،
رد انس - اعذرنا استاذ وبعد ماتتكرر اعتبره ابنك ولا تعاقبه هو شويه جاهل مايفتهم
خزر انس وسكت،
مؤمل - استاذ عادي نطلع؟
اردف المدير - طلعوا يلاااا
طلعنا ،
صفوان نتر - ارتاحيتوا من تخزينا
مؤمل - هسى قابل شكو اليسمعك يكول كلش ناجحين
خزره - بس اني تعبت وقريت وبسببكم خسرت كل تعبي
رد مؤمل - يمعود قابل شكو هي درجات دنيا
صرخ صفوان- هو شنووو شكووو داكلك قريت وتعبت وتالي تتأشر عل ورقتي واعتبر غشاش واني مكسور ظهري واقرا واتساوى وياكم وانتم دايحين
حبيب - شبيكم شسالفتكم هسى هو امتحان
انس - قابل اذا نجحنا راح ندخل الجنة يمعودين شبيكم
ضحك مؤمل - بكل الاحوال ماراح ندخل الجنة باخلاقنا الزفت
ضحكنا اني وانس،
سيف - سخيفين بسببكم ضيعنا تعب صفوان
التفت لصفوان الجان يغلي من الغضب
اردف - لتضوج حبيبي تعوضها بعدين
نتر - هسى ابوي يطلعني فاشل وانتم تعرفوا بعد
انس صغر عيونه - صدك شبي وجهك وعينك مزوركه هم ابوك
صفوان،
هزيت راسي متنهد والقهر ياكل بگلبي،
عفتهم ومشيت الحجي وياهم مايفيد ولا يغير شي ليش اتعب نفسي بعد رسبت بالمادة وترزلت وتخزيت،
بوكتها ندك الجرس وصارت فرصه،
بقيت افتر بالساحه
ضايج ومقهور عل سالفه الامتحان،
أنت تقرأ
انولد الطغيان
Romanceرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
