<انولد الطغيان>
البارت الثامن
للكاتبة سجى المالكي
تصويت ومتابعة لطفا
مشاركة للرواية لطفا
اللهم صل عل محمد وال محمد
••••••√••••||•••••••••••••••€
سيف
افتر وراسي دايخ،
اجى صفوان بعدما خابرته وكتله كلشي وهو بقى صافن مصدوم،
اجى انس ووجهه مكلوب
كلت- بشر انس شلونه مؤمل
اردف - عار مابي شي، بس الولد المتعارك ويا مكسور خشمه
سيف- شنو هذا مؤمل اختصاص كسر خشوم
زفر - امس انسجن شوكت لحگ يتعارك
صفوان- خاف يصيرله شي اكيد من يرجعونه من المستشفى للسجن ذولاك التعارك وياهم متحلفين بي واحتمال ياذوه
انس قوس حلكه يفكر،
واني بقيت حاير
منين اتلكاها يعني هذا مؤمل شلون بي
لهناك والدكتور سمح لـ مؤمل يطلع من المستشفى
اخذوا الشرطة للسجن وشفت وجهه صاير خريطة من الضرب،
مرت الايام وام مؤمل صارت بخير
مؤمل مسجون ومايطلع الا ابوه يتنازل
وابوه قافل مايطلعه،
كثرن جياتي لبيتهم واتلاكه ويا ديم وهي خطية تستحي مني بس ابوها يطلب اجيبلهم اشياء وما اكدر ارده اخجل منه،
-----
صفوان،
كعادتي كاعد مفتح بسطيتي استرزق من رزق الله
اباوع لايدي التشوه البيها ابد موحلو
باوعت لملابسي تعبانة وهزيلة
جريت نفس
واحاول اتغاضى نظرات الناس
الكلها شفقة وتنمر،
جنت ابيع لواحد وما احس الا صوت اكثر شخص يجرحني
- ها لك فگر تبيع هنا يالمشوه
زفرت - شتريد مني ماكفتك المدرسة جاي تزودها هنا
جر خيارة من البسطية ياكلها
اردف - كلما اشوفك اكول خطيه
تنرفزت من اسلوبه بس سكتت ما اكدر ارد احس عاجز عن هالشي،
ضحك- دومك ساكت يالمشوه
- شتريد؟
- ما اريد شي بس اكول روح غير ملابسك وعالج ايدك
ايع شلون يشترون منك وانت فكر ومشوه
نترت - تجاوزت حدودك اذا اكوملك اشوفك صفوان ثاني
ضحك - دمشي لك جبان اقوى شي عندك تكول تجاوزت حدودك رجال جيس حب
كمت ارجف
خوف
ضعف
عجز
حيرة
قهر
غيظ
كلهن تجمعن بيه وما اعرف شنو البكلبي؟
ما اعرف ادافع عن نفسي
اعرف عيب اكولها بس والله مو بيدي
متعلم من صغري ينمخذ حقي واسكت.
أنت تقرأ
انولد الطغيان
Romanceرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
