<انولد الطغيان>
بارت 34
الكاتبة سجى المالكي
اللهم صل على محمد وال محمد كما صليت وباركت على ابراهيم وال ابراهيم انك حميد مجيد
••••••••••••••••
صفوان،
عفت الصبغ ورحت جاوبتها
اجاني صوتها-صفوان
حجتها وبجت
بخوف-طيف، شكو ليش تبجين زوجج ضربج؟ احجي لج كافي لا تبجين الو طيف ويامن احجي
تناشغ من البجي
ضربت كصتي حاير وقلق
-بس كوليلي شصايرلج طيف كافي بجي
صاحت- حامل حامل اني حامل صفوان مامصدكة روحي لك اختك حامل بعد 3 سنوات علاج وتعب
تنهدت براحة ملت صدري
هي مستمرة تبجي
كلت-على شنو البجي؟
طيف-كلتلي الدكتورة مستحيل تصيرين ام صفوان راح اصير ام
ابتسمت-الحمدلله، الله كاتبلج هالشي، ساعة واجيج
ضحكت -هلا بيك
سديته منها وشكرت الله
جانت طيف شايله هَم يجي زوجها يطلكها بس الله لطف بحالها
كملت صبغ على السريع ورحت سبحت وتكشخت
اخذت علب كاكو اعرفها تحبهن
رحت لبيتها استقبلتني بحضن- صفوان مامصدكة
بست راسها-شاء الله وما قدر فعل
ضحكت فرحانة وابتعدت مني
كلت-شوفي جبتلج الكاكو التحبي
-ياي شكراً كُلش
اخذت العلب مني ودخلنا للصالة
-زوجج وين؟
-بالدوام وانتَ اول واحد تدري حامل
-شوكت تفرحين زوجج
-مفاجئة من يرجع
جريتها لحضني فرحان من گلبي الحمدلله انشال همها
بست راسها-عسى الطفل يبارك بي الله ويصرلج سند من بعد الله
-انتَ سَندي صَفصف
صفوان-ما دايم بس وجه الله
طيف- عُمرك طويل يارب
بقينا نسولف وهي طايرة تريد هسه تجهز للطفل
صليت المغرب وطلعت من بيتها
رجعت للبيت
بقيت اتابع مسلسل وبرامج لحدما صارت ب1
ردت انام اجت بالي الداخلة گلبي
زفرت بخنكه لازم انساها يا الله ساعدني
بقيت اتكلب بفراشي ماجاي تروح مني كأنه استوطنت گلبي
باوعت لايدي المشوهه
ضحكت-تريدها تحبك وانتَ هيج!!
تنهدت مخنوك كمت توضيت وقريت قرآن
حسيت لازم اسجد
سجدت واني حيلي مهدود كبل بجيت ادعي الله يطلعها من عقلي وگلبي
-يارب يا الله خليني انسى ديم ما اريد شي بس انساها يا رب لاتعذبني بحبها خليني اسعد رشا ما اريد اظلمها يا الله
أنت تقرأ
انولد الطغيان
Romanceرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
